പ്രസവവേദന അനുഭവപ്പെട്ടതിനെ തുടര്ന്ന് ബന്ധുക്കള് ആശുപത്രിയിലേക്ക് മാറ്റാന് ശ്രമിക്കുന്നതിനിടയില് ജിയ കുഞ്ഞിന് ജന്മം നല്കുകയായിരുന്നു. ഉടനെ ഇവര് കനിവ് 108 ആംബുലന്സിന്റെ സേവനം തേടി. കണ്ട്രോള് റൂമില് നിന്നുള്ള നിര്ദേശത്തിന്റെ അടിസ്ഥാനനത്തില് ഫോര്ട് താലൂക് ആശുപത്രിയിലെ കനിവ് 108 ആംബുലന്സ് പൈലറ്റ് ലിപു എഫ്, എമര്ജെന്സി മെഡികല് ടെക്നിഷ്യന് പ്രശാന്ത് എസ് എന്നിവര് സ്ഥലത്തെത്തി.
പൊക്കിള്കൊടി ബന്ധം വേര്പെടുത്തി എമര്ജെന്സി മെഡികല് ടെക്നിഷ്യന് പ്രശാന്ത് അമ്മയ്ക്കും കുഞ്ഞിനും പ്രഥമ ശുശ്രൂഷ നല്കി ഇരുവരെയും ആംബുലന്സിലേക്ക് മാറ്റി. ഉടന് തന്നെ പൈലറ്റ് ലിപു അമ്മയെയും കുഞ്ഞിനേയും എസ് എ ടി ആശുപത്രിയിലേക്ക് മാറ്റി. അമ്മയും കുഞ്ഞും സുഖമായി ഇരിക്കുന്നതായി ആശുപത്രി അധികൃതര് അറിയിച്ചു.
Keywords: Ambulance staff come to the rescue of mother who gave birth to baby in home, Thiruvananthapuram, Child, News, Ambulance, Hospital, Treatment, Kerala.