സിപിഎമിന്റെ സംസ്ഥാന കമിറ്റിയില് 88 അംഗങ്ങളാണുള്ളത്. ഇതില് പിണറായി വിജയന്, വൈക്കം വിശ്വന്, ആനത്തലവട്ടം ആനന്ദന്, പി പി വാസുദേവന്, സി പി നാരായണന്, പി കരുണാകരന്, എം എം മണി, കോലിയക്കോട് കൃഷ്ണന് നായര്, കെ പി സഹദേവന്, ജി സുധാകരന്, കെ ജെ തോമസ് എന്നിവര് 75 വയസ് പൂര്ത്തിയായവരും കഴിഞ്ഞവരുമാണ്.
നാലുപേര് 80 വയസു പിന്നിട്ടു. പിണറായി വിജയന് 76 ആയി. പുതിയ നിബന്ധനയില് മുഖ്യമന്ത്രിക്ക് ഇളവുണ്ടാകും. പിണറായി വിജയന് പിബി അംഗവും വൈക്കം വിശ്വനും പി കരുണാകരനും കേന്ദ്ര കമിറ്റി അംഗങ്ങളുമാണ്.
ഇതില്തന്നെ ആനത്തലവട്ടം ആനന്ദനും പി കരുണാകരനും വൈക്കം വിശ്വനും കെ ജെ തോമസും എം എം മണിയും സംസ്ഥാന സെക്രടേറിയറ്റ് അംഗങ്ങളുമാണ്. പിബി അംഗം എസ് രാമചന്ദ്രന് പിള്ളയ്ക്കും 75 കഴിഞ്ഞു.
75 വയസ് പൂര്ത്തിയായവര് ഒഴിവാകുന്നതോടെ യുവാക്കള്ക്കും വനിതകള്ക്കും കൂടുതല് പ്രാതിനിധ്യം കമിറ്റികളില് ലഭിക്കും. എല്ലാ കമിറ്റികളിലും 40 വയസിനു താഴെയുള്ളവരെ ഉള്പെടുത്താനാണു തീരുമാനം. ഏരിയാ കമിറ്റികളില് 40 വയസില് താഴെ രണ്ടു പേരെന്നതു നിര്ബന്ധമാക്കും. ജില്ലാ സെക്രടേറിയറ്റിലും ഒരു വനിതയെ ഉള്പെടുത്തും. എല്ലാ കമിറ്റികളിലും 10 ശതമാനം സ്ത്രീ പ്രാതിനിധ്യം ഉറപ്പാക്കാനും തീരുമാനമായി.
Keywords: CPM to set age limit for party leaders, Thiruvananthapuram, News, Politics, CPM, Kerala.