കുവൈത് സിറ്റി: (www.kvartha.com 31.10.2021) വനിതാ ഡോക്ടറെ അപമാനിച്ചതെന്ന പരാതിയില്‍ യുവാവിനെതിരെ നടപടി. ജോലിയ്ക്കിടെ വനിതാ ഡോക്ടറെ അപമാനിച്ചെന്ന സംഭവത്തില്‍ കുവൈതി യുവാവിനെതിരെയാണ് കേസ് രെജിസ്റ്റര്‍ ചെയ്തത്. അല്‍ അദാന്‍ ക്ലിനികില്‍ ജോലി ചെയ്യുന്ന ഡോക്ടറാണ് ഇത് സംബന്ധിച്ച് പൊലീസില്‍ പരാതി നല്‍കിയത്.
ജോലി ചെയ്യുന്നതിന് ക്ലിനികിലെത്തിയപ്പോള്‍ ഒരാള്‍ തന്നെ അപമാനിച്ചുവെന്ന് ഡോക്ടറുടെ പരാതിയില്‍ പറയുന്നു. യുവാവിന്റെ മോശം പ്രവൃത്തി സംബന്ധിച്ച് ഡോക്ടര്‍ പൊലീസിന് വിശദമായ മൊഴി നല്‍കി. ഔദ്യോഗിക കൃത്യനിര്‍വഹണത്തിനിടെ സര്‍കാര്‍ ഉദ്യോഗസ്ഥയെ അപമാനിച്ച കുറ്റത്തിന് പൊലീസ് കേസ് രെജിസ്റ്റര്‍ ചെയ്തു.
യുവാവിനോട് അന്വേഷണത്തിനായി ഹാജരാകാന്‍ നിര്‍ദേശിച്ചു. ഇയാള്‍ക്കെതിരെ നിയമപ്രകാരമുള്ള നടപടികള്‍ സ്വീകരിക്കുമെന്ന് അധികൃതര്‍ അറിയിച്ചു.