Follow KVARTHA on Google news Follow Us!
ad

സംസ്ഥാന പൊലീസ് മേധാവിയുടെ പരാതി പരിഹാര അദാലത്ത് കണ്ണൂരില്‍ നടന്നു; മുന്‍കൂട്ടി രജിസ്റ്റര്‍ ചെയ്യാതെ പരിപാടിയില്‍ പങ്കെടുക്കാനെത്തിയത് നിരവധി പേര്‍

#ഇന്നത്തെ വാര്‍ത്തകള്‍,#കേരള വാര്‍ത്തകള്‍, Kannur,News,Police,Meeting,Complaint,Kerala,
കണ്ണൂര്‍: (www.kvartha.com 22.09.2021) സംസ്ഥാന പൊലീസ് മേധാവി അനില്‍കാന്തിന്റെ പരാതി പരിഹാര അദാലത്ത് കണ്ണൂരില്‍ സംഘടിപ്പിച്ചു. കണ്ണൂര്‍ സിറ്റി, റൂറല്‍ ജില്ലകളില്‍ നിന്നുളള പരാതിക്കാര്‍ക്കാണ് സംസ്ഥാന പൊലീസ് മേധാവിയെ നേരിട്ട് കണ്ട് പരാതി നല്‍കാന്‍ അവസരം ലഭിച്ചത്.

കണ്ണൂര്‍ സിറ്റിയില്‍ നിന്ന് 24 ഉം റൂറല്‍ ജില്ലയില്‍ നിന്ന് 32 ഉം പരാതികളാണ് ലഭിച്ചത്. നിരവധി പേര്‍ മുന്‍കൂട്ടി പരാതി രജിസ്റ്റര്‍ ചെയ്യാതെ അദാലത്തില്‍ പങ്കെടുക്കാനെത്തിയിരുന്നു. ഉച്ചയ്ക്ക് ശേഷം 2.30 ന് തുടങ്ങിയ അദാലത്ത് രാത്രി എട്ടുമണിക്കും തുടരുകയാണ്.

State Police Chief's Complaints Redressal Court was held in Kannur, Kannur, News, Police, Meeting, Complaint, Kerala

പരാതികളുടെ പ്രാധാന്യം കണക്കിലെടുത്ത് വിവിധ തരത്തിലുളള അന്വേഷണങ്ങള്‍ക്ക് സംസ്ഥാന പൊലീസ് മേധാവി നിര്‍ദേശം നല്‍കി. അദാലത്തിന്റെ ഉദ്ഘാടനം സംസ്ഥാന പൊലീസ് മേധാവി അനില്‍കാന്ത് നേരത്തെ നിര്‍വഹിച്ചു. ജില്ലയിലെ പിങ്ക് പട്രോളിന് അനുവദിച്ച വാഹനം അദ്ദേഹം ഫ്‌ളാഗ് ഓഫ് ചെയ്തു. പത്തനംതിട്ട, കൊല്ലം ജില്ലകളില്‍ ഇതിനോടകംതന്നെ സംസ്ഥാന പൊലീസ് മേധാവി പരാതി പരിഹാര അദാലത്ത് നടത്തിയിരുന്നു. കാസര്‍കോട് വ്യാഴാഴ്ച സംഘടിപ്പിക്കുന്ന അദാലത്തിലും സംസ്ഥാന പൊലീസ് മേധാവി പങ്കെടുക്കും.

വിദൂര ജില്ലകളില്‍ നിന്ന് പൊലീസ് ആസ്ഥാനത്ത് എത്തി സംസ്ഥാന പൊലീസ് മേധാവിയെ നേരിട്ടുകണ്ട് പരാതി പറയുന്നതിന് സാധാരണക്കാര്‍ അനുഭവിക്കുന്ന ബുദ്ധിമുട്ട് ഒഴിവാക്കാനാണ് സംസ്ഥാന പൊലീസ് മേധാവി ജില്ലകളില്‍ നേരിട്ടെത്തി പരാതി സ്വീകരിക്കുന്നത്. മുതിര്‍ന്ന പൊലീസ് ഓഫിസര്‍മാര്‍ അദാലത്തില്‍ പങ്കെടുത്തു.

State Police Chief's Complaints Redressal Court was held in Kannur, Kannur, News, Police, Meeting, Complaint, Kerala

Keywords: State Police Chief's Complaints Redressal Court was held in Kannur, Kannur, News, Police, Meeting, Complaint, Kerala.

Post a Comment