കൊച്ചി: (www.kvartha.com 08.06.2021) മിനിസ്ക്രീനിലെ പ്രേക്ഷകരുടെ ഇഷ്ട താരമാണ് ജിഷിന് മോഹന്. വ്യത്യസ്തമായ കഥാപാത്രങ്ങളിലൂടെ ജനമനസ്സുകളില് ജിഷിന് എന്നും പ്രിയപ്പെട്ടവനാണ്. സോഷ്യല് മീഡിയയിലും താരം സജീവമാണ്. നിരവധി പോസ്റ്റുകളും ആരാധകരോട് താരം പങ്കുവെക്കാറുണ്ട്.
വിദ്യാരംഭം, എഴുത്തിനിരുത്തോടു കൂടി ജിയാന്റെ ആദ്യദിന ഓണ്ലൈന് ക്ലാസ് ഇന്ന് ആരംഭിച്ചു.. ഈ തലമുറയുടെ വിധി. സ്കൂളില് സമപ്രായക്കാര്കൊപ്പം ചിരിച്ച് കളിച്ച് പഠിക്കേണ്ട പ്രായത്തില് മൊബൈലിനു മുന്നില് ഇങ്ങനെ ഇരിക്കേണ്ടി വരുന്ന അവസ്ഥ. ഇത് കാണുമ്പോള് എനിക്ക് എന്റെ വിദ്യാരംഭത്തെക്കുറിച്ച് അമ്മ പറഞ്ഞ കഥ ഓര്മ വന്നു.
അന്ന് നമ്മുടെ ഗ്രാമത്തില് എടേത്ത് നാരാണേട്ടന് എന്ന് പറയുന്ന തലമുതിര്ന്ന കാരണവര് ആയിരുന്നു എന്നെ എഴുത്തിനിരുത്തിയത്. എന്റെ കൈ പിടിച്ച്, അരിയില് എഴുതിക്കാന് നോക്കിയ അദ്ദേഹത്തിന്റെ ശ്രമം പാഴാകുകയായിരുന്നു. കൈ കുതറിച്ച് എഴുതൂല എന്ന് പറഞ്ഞ് അദ്ദേഹത്തിന്റെ വയറിനിട്ട് ഇടിച്ച ആ മൂന്നു വയസ്സുകാരന് ജിഷിനെ അവര് ഇപ്പോഴും ഓര്ക്കുന്നു.
ഏതായാലും ഈ അവസ്ഥയൊക്കെ മാറി കുട്ടികള്ക്ക് സ്കൂളില് പോകാനുള്ള അവസ്ഥ ഉണ്ടാകട്ടെ എന്ന് പ്രാര്ത്ഥിക്കുന്നു.
Note: അച്ഛനെപ്പോലെ ആകരുതേ മോനേ എന്ന കമന്റ് നിരോധിച്ചിരിക്കുന്നു.
Keywords: Serial Actor Jish Mohan's Facebook post goes viral, Kochi, News, Facebook Post, Humor, Social Media, Cine Actor, Cinema, Kerala.