എ കെ ജി എസ് എം എ സമര്‍പിച്ച റിട് പെറ്റിഷന് ഹൈകോടതിയുടെ അംഗീകാരം; 15 ദിവസത്തിനകം ബി ഐ എസിന് അപേക്ഷ സമര്‍പിക്കണം, ഒരു മാസത്തെ സമയം അനുവദിച്ചും വിധി

കൊച്ചി: (www.kvartha.com 15.06.2021) ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ചന്റ്‌സ് അസോസിയേഷന്‍ സമര്‍പിച്ച റിട് പെറ്റിഷന് ഹൈകോടതിയുടെ അംഗീകാരം. ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ചന്റ്‌സ് അസോസിയേഷന്റെ അഞ്ച് അംഗങ്ങള്‍ സമര്‍പിച്ച 12158/ 2021 നമ്പര്‍ റിട് പെറ്റിഷനില്‍ ചൊവ്വാഴ്ചയാണ് വാദം കേട്ടത്.

പെറ്റിഷനറുകളുടെ വാദം അംഗീകരിച്ചു കൊണ്ട് 15 ദിവസത്തിനകം ബി ഐ എസിന് അപേക്ഷ സമര്‍പിക്കണമെന്നും, നിലവിലെ സാഹചര്യങ്ങള്‍ പരിഗണിച്ച് ഒരു മാസത്തെ സമയം അനുവദിക്കണമെന്നും വിധി പുറപ്പെടുവിച്ചു. ഹൈകോടതി ജഡ്ജി വി ജി അരുണ്‍ ആണ് ഉത്തരവിട്ടത്. ലൈസന്‍സ് എടുക്കാനുള്ളവര്‍ക്ക് ഒരു മാസത്തെ സമയം അനുവദിക്കാനും ഈ കാലയളവില്‍ അവര്‍ക്കെതിരെ മറ്റ് യാതൊരു നടപടികളും പാടില്ലെന്ന വ്യവസ്ഥയിലും ഉത്തരവായി.

എ കെ ജി എസ് എം എയ്ക്കു വേണ്ടി അഡ്വ. നേമം ചന്ദ്രബാബു ഹാജരായി. ലൈസന്‍സ് എടുക്കാനുള്ള വ്യാപാരികള്‍ക്ക് വളരെയേറെ സഹായകരമായ വിധിയാണ് ഇതെന്ന് എ കെ ജി എസ് എം എ സംസ്ഥാന കമിറ്റി അറിയിച്ചു.

Keywords: High Court approves writ petition filed by AKGSMA, Kochi, News, High Court of Kerala, Judge, Gold, Kerala.