ഇക്കാര്യം പാക് ക്രിക്കറ്റ് ബോര്ഡ്(പിസിബി) സിഇഒ വസീം ഖാന് ടീമിനോട് വ്യക്തമാക്കി. ന്യൂസിലാന്ഡ് സര്ക്കാര് അന്തിമ മുന്നറിയിപ്പ് നല്കിയിട്ടുള്ളതായും വസീം ഖാന് ടീമിനെ അറിയിച്ചു. ടീം ഒരിക്കല്ക്കൂടി നിയമലംഘനം നടത്തിയാല് ടീമിനെ നാട്ടിലേക്ക് മടക്കി അയയ്ക്കും എന്നും ഖാന് വ്യക്തമാക്കി.
ന്യൂസിലാന്ഡിന് സഹിഷ്ണുതയില്ലാത്ത നയമുണ്ട്, അവര് അന്ത്യശാസനവും നല്കിക്കഴിഞ്ഞു. കളിക്കാര്ക്ക് അയച്ച വാട്ട്സാപ്പ് സന്ദേശത്തിലാണ് ഖാന് ഇതുസംബന്ധിച്ച അറിയിപ്പ് നല്കിയിരിക്കുന്നത്. ഇതൊട്ടും എളുപ്പമല്ല, എന്നാല് ഇത് രാജ്യത്തിന്റെ ബഹുമാനത്തിന്റെയും വിശ്വാസ്യതയുടെയും കാര്യമാണ്. ഈ 14 ദിവസങ്ങള് കര്ശനമായി നിരീക്ഷണത്തില് തുടരുക. അതിനു ശേഷം പുറത്തിറങ്ങാനും റെസ്റ്റോറന്റുകളിലും മറ്റും പോകാനും സ്വാതന്ത്ര്യമുണ്ട്.
നമ്മള് ഒരു ചട്ടലംഘനം കൂടി നടത്തിയാല് അവര് നമ്മളെ നാട്ടിലേക്ക് മടക്കി അയയ്ക്കുമെന്ന് വ്യക്തമാക്കിയിട്ടുണ്ടെന്നും വസീം ഖാന് കൂട്ടിച്ചേര്ത്തു. ആറു പാക്ക് താരങ്ങള്ക്ക് കൂടി കോവിഡ് സ്ഥിരീകരിച്ചതായി ന്യൂസിലാന്ഡ് ക്രിക്കറ്റ് ബോര്ഡ് വ്യാഴാഴ്ചയാണ് അറിയിച്ചത്.
Keywords: One More Breach Will Result In Pakistan Players Being Sent Back Home From New Zealand, Says PCB CEO, New Zealand, News, Sports, Cricket, Warning, Message, World.