തിരുവനന്തപുരം: (www.kvartha.com 26.11.2020) സാങ്കേതിക വിദ്യാഭ്യാസ വകുപ്പും കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആന്ഡ് ട്രെയിനിംഗും സംയുക്തമായി നടത്തുന്ന ഒരു വര്ഷ ദൈര്ഘ്യമുള്ള സര്ട്ടിഫിക്കറ്റ് ഇന് ഓഫ്സെറ്റ് പ്രിന്റിംഗ് ടെക്നോളജി കോഴ്സിലേക്ക് ഡിസംബര് അഞ്ച് വരെ അപേക്ഷിക്കാം. അപേക്ഷകര് പ്ലസ്ടു/ വി എച്ച് എസ് ഇ/ ഡിപ്ലോമ അഥവാ തത്തുല്യ യോഗ്യതയോ പാസായിരിക്കണം. പട്ടികജാതി/ പട്ടികവര്ഗ/ മറ്റര്ഹ വിഭാഗക്കാര്ക്ക് നിയമാനുസൃത ഫീസ് സൗജന്യമുണ്ട്.
പഠനകാലയളവില് സ്റ്റൈപന്റും ലഭിക്കും. ഒ ബി സി/ എസ് ഇ ബി സി/ മുന്നാക്ക സമുദായങ്ങളിലെ സാമ്പത്തികമായി പിന്നാക്കം നില്ക്കുന്നവര്ക്ക് വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കും. തിരുവനന്തപുരം (04712474720), എറണാകുളം (04842605322), കോഴിക്കോട് (04952356591, 2723666) കേന്ദ്രങ്ങളിലാണ് കോഴ്സ് നടത്തുന്നത്. അപേക്ഷാഫോം 100 രൂപയ്ക്ക് അതത് സെന്ററില് നിന്ന് നേരിട്ടും മണിഓര്ഡറായി 130 രൂപ മാനേജിംഗ് ഡയറക്ടര്, കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് ആന്ഡ് ട്രെയിനിംഗ്, ട്രെയിനിംഗ് ഡിവിഷന്, സിറ്റി സെന്റര്, പുന്നപുരം, പടിഞ്ഞാറേകോട്ട, തിരുവനന്തപുരം 695024 എന്ന വിലാസത്തില് തപാലിലും ലഭിക്കും.
www.captkerala.com ല് നിന്നും ഡൗണ്ലോഡ് ചെയ്ത അപേക്ഷ മാനേജിംഗ് ഡയറക്ടര്, സി-ആപ്റ്റിന്റെ പേരില് തിരുവനന്തപുരത്ത് മാറാവുന്ന 100 രൂപയുടെ ഡിമാന്റ് ഡ്രാഫ്റ്റ് സഹിതം അപേക്ഷിക്കാം. പൂരിപ്പിച്ച അപേക്ഷ സാക്ഷ്യപ്പെടുത്തിയ സര്ട്ടിഫിക്കറ്റുകളുടെ (വിദ്യാഭ്യാസ യോഗ്യത, ജാതി, വരുമാനം) കോപ്പികള് സഹിതം ലഭ്യമാക്കണം. ഫോണ്: 0471 2474720, 2467728.
Keywords: Thiruvananthapuram, News, Kerala, Education, Job, Can apply for Offset Printing Technology Course