ഒക്ടോബര്‍ 12ന് ഫ് ളോറിഡയിലെ താംപയില്‍ വച്ച് വിവാഹിതരായ ഇവരും വിവാഹ സര്‍ട്ടിഫിക്കറ്റിന് അപേക്ഷ നല്‍കിയതോടെയാണ് വിവാഹ വിവരം പുറത്തായത്. അമേരിക്കന്‍ മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്.
വിവാഹ ചടങ്ങില്‍ കുടുംബാംഗങ്ങളും സുഹൃത്തുക്കളും ഡബ്ല്യു ഡബ്ല്യു ഇ താരങ്ങളും പങ്കെടുത്തു. കഴിഞ്ഞ മാര്‍ച്ച് മുതല്‍ ഇരുവരും ഒരുമിച്ചുണ്ടായിരുന്നു, ഈ വര്‍ഷം ആദ്യം വിവാഹനിശ്ചയം നടക്കുമെന്ന് അഭ്യൂഹമുണ്ടായിരുന്നു. അതിനിടെയാണ് വിവഹം.
2009ലാണ് ജോണ്‍ സീന എലിസബത്ത് ഹ്യൂബര്‍ഡ്യൂവിനെ വിവാഹം ചെയ്തത്. എന്നാല്‍ 2012ല്‍ ഇവരുവരും വിവാഹമോചനം നേടി. തുടര്‍ന്ന് 2012 മുതല്‍ സീന ഡബ്ല്യു ഡബ്ല്യു ഇ താരം നിക്കി ബെല്ലയുമായി അടുപ്പത്തിലാവുകയായിരുന്നു. 2018ല്‍ സീനയും നിക്കി ബെല്ലയും വേര്‍പിരിഞ്ഞു.
അതേസമയം വിവാഹത്തെ സംബന്ധിച്ച് ജോണ്‍ സീനയുടെയും ഷെയ്യുടെയും ഭാഗത്ത് നിന്നും പ്രതികരണമൊന്നും ഉണ്ടായിട്ടില്ല. ഫാസ്റ്റ് ആന്‍ഡ് ഫ്യൂറിയസിന്റെ പുതിയ പതിപ്പായ ' എഫ് 9 ' ല്‍ ഹോളിവുഡ് താരം വിന്‍ ഡീസലിനൊപ്പം പ്രധാന വേഷത്തില്‍ ജോണ്‍ സീന എത്തുന്നുണ്ട്. കൂടാതെ മറ്റ് ചില ചിത്രങ്ങളും ജോണ്‍ സീനയുടേതായി അണിയറയില്‍ ഒരുങ്ങുന്നുണ്ട്.
Keywords: John Cena marries long-time girlfriend Shay Shariatzadeh, America, News, Marriage, Sports, WWE, Family, Media, Application, World.