ലക്നൗ: (www.kvartha.com 30.09.2020) അയോധ്യയിലെ ബാബറി മസ്ജിദ് തകര്ത്ത കേസില് വിധി ഉടന് പ്രസ്താവിക്കും. ജഡ്ജിയും പ്രതികളും കോടതിയിലെത്തി. കോടതിപരിസരത്തും അയോധ്യയിലും കനത്ത സുരക്ഷ ശക്തമാക്കിയിരിക്കുകയാണ്. 27 കൊല്ലം പഴക്കമുള്ള ക്രിമിനല് കേസില് ബിജെപിയുടെ മുതിര്ന്ന നേതാക്കളായ എല് കെ അഡ്വാനി, മുരളി മനോഹര് ജോഷി, കല്യാണ് സിങ്, ഉമാഭാരതി എന്നിവരടക്കം 32 പേരാണ് പ്രതികള്. വിനയ് കട്യാര്, സാക്ഷി മഹാരാജ് എന്നിവര് കോടതിയില് എത്തി.
32 പ്രതികളില് 25 പേര്ക്കും വേണ്ടി ഹാജരാകുന്നത് കെ കെ മിശ്രയാണ്. ലളിത് സിങ്ങാണ് സിബിഐ അഭിഭാഷകന്. 351 സാക്ഷികളെ വിസ്തരിച്ച കോടതി 600 രേഖകള് പരിശോധിച്ചു. അയോധ്യയില് രാമജന്മഭൂമി പരിസരത്തും കൂടുതല് പൊലീസിനെയും അര്ധസൈനികരെയും വിന്യസിച്ചു. അഡ്വാനി, മുരളി മനോഹര് ജോഷി എന്നിവരെ വിഡിയോ കോണ്ഫറന്സിങ് വഴിയാണ് വിസ്തരിച്ചത്. ഇവരെല്ലാം കുറ്റം നിഷേധിച്ചിരുന്നു. അന്നത്തെ കോണ്ഗ്രസ് സര്ക്കാര് രാഷ്ട്രീയ വിദ്വേഷം കാരണം പ്രതിയാക്കിയെന്നാണ് വാദം.
ബിജെപി എംപി സാക്ഷി മഹാരാജ്, രാമജന്മഭൂമി ക്ഷേത്രനിര്മാണ ട്രസ്റ്റ് ജനറല് സെക്രട്ടറി ചംപട് റായ്, മുന് എംപി വിനയ് കട്യാര്, മുന് മധ്യപ്രദേശ് മന്ത്രിയും ബജ്റങ് ദള് നേതാവുമായിരുന്ന ജയ്ഭാന് സിങ് പവയ്യ തുടങ്ങിയവരാണ് കേസിലെ മറ്റു പ്രതികള്.
രണ്ടു വര്ഷം കൊണ്ടു വിചാരണ പൂര്ത്തിയാക്കി വിധി പറയണമെന്ന് സുപ്രീം കോടതി 2017 ഏപ്രില് 19ന് ഉത്തരവിട്ടിരുന്നു. പിന്നീട് ആദ്യം ഈ വര്ഷം ഓഗസ്റ്റ് 31 വരെയും തുടര്ന്ന് ബുധനാഴ്ചത്തേക്കും തീയതി നീട്ടിക്കൊടുത്തു.
രണ്ടു വര്ഷം കൊണ്ടു വിചാരണ പൂര്ത്തിയാക്കി വിധി പറയണമെന്ന് സുപ്രീം കോടതി 2017 ഏപ്രില് 19ന് ഉത്തരവിട്ടിരുന്നു. പിന്നീട് ആദ്യം ഈ വര്ഷം ഓഗസ്റ്റ് 31 വരെയും തുടര്ന്ന് ബുധനാഴ്ചത്തേക്കും തീയതി നീട്ടിക്കൊടുത്തു.
Keywords: Babri demolition case live updates: Judge, accused arrive in court, News,Politics,Religion,Trending,National,BJP,Court,Criminal Case.