തിരുവനന്തപുരം: (www.kvartha.com 01.08.2020) ബംഗാള് ഉള്ക്കടലില് മറ്റന്നാളോടെ ന്യൂനമര്ദം രൂപപ്പെടാന് സാധ്യതയുള്ളതിനാല് സംസ്ഥാനത്ത്
അടുത്ത ദിവസങ്ങളില് അതിശക്തമായ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഇടുക്കി, കോഴിക്കോട്, കണ്ണൂര്, കാസര്കോട് എന്നീ നാലു ജില്ലകളികളില് തിങ്കളാഴ്ച ഓറഞ്ച് അലര്ട്ട് പ്രഖ്യാപിച്ചു.
ചൊവ്വാഴ്ച ഒന്പത് ജില്ലകളില് ഓറഞ്ച് അലര്ട്ടുണ്ട്. അതീവജാഗ്രത പാലിക്കാന് സംസ്ഥാന ദുരന്ത നിവാരണ അതോറിറ്റി നിര്ദേശം നല്കി. കേരള തീരത്ത് 40 മുതല് 50 കിലോമീറ്റര് വരെ വേഗത്തില് കാറ്റ് വീശാന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്നും മുന്നറിയിപ്പ് നല്കിയിട്ടുണ്ട്.
Keywords: Thiruvananthapuram, News, Kerala, Rain, Alerts, Heavy rain in Kerala on coming days: Weather report