» » » » » » » » » » » » മലയോര മേഖലയില്‍ കുടിവെളളക്ഷാമം രൂക്ഷം: പുഴയോരത്ത് താമസം മാറ്റി ആദിവാസി കുടുംബങ്ങള്‍

കണ്ണൂര്‍: (www.kvaartha.com 16.02.2020) വടക്കന്‍ കേരളത്തില്‍ കുടിവെള്ള ക്ഷാമം രൂക്ഷമായത് ആദിവാസികളെ നെട്ടോട്ടമോടിക്കുന്നു. 'ജില്ലയിലെ മലയോര മേഖലകളായ ഇരിട്ടി, ആറളം മേഖലകളില്‍ കടുത്ത കുടിവെള്ള ക്ഷാമം അനുഭവപ്പെട്ടു വരികയാണ്. കിണറുകളും പ്രകൃതിദത്ത നീരുറവകളും വറ്റിക്കഴിഞ്ഞു.

ബാവലി പുഴ ശോഷിച്ചുകൊണ്ടിരിക്കുകയാണ് . ഈ സാഹചര്യത്തില്‍ എന്തു ചെയ്യണമെന്ന നിസഹായാവസ്ഥയിലാണ് ആദിവാസി ഊരുകള്‍. ഗ്രാമപഞ്ചായത്ത് വിതരണം ചെയ്യുന്ന കുടിവെള്ളമെത്തിയില്ലെങ്കില്‍ ഇക്കുറി ആദിവാസി ഊരുകളില്‍ വന്‍ ദുരന്തം തന്നെ സംഭവിച്ചേക്കാം. കുടിവെള്ള ക്ഷാമത്തിന് താല്‍ക്കാലിക പരിഹാരമെന്ന നിലയില്‍ പുഴയരികില്‍ താമസം മാറ്റേണ്ടി വന്ന ഗതികേടിലാണ് കണ്ണൂര്‍ ആറളം ഫാമിലെ ആദിവാസി കുടുംബങ്ങള്‍.

Water famine in North Kerala, Kannur, News, Drinking Water, Trending, River, Family, Children, School, House, Kerala

വെള്ളം കിട്ടുമെന്നത് കൊണ്ടുമാത്രമാണ് പ്രായമായവരും കുട്ടികളുമടക്കം കുടില്‍പോലും കെട്ടാതെ പുഴയരികില്‍ താമസിക്കുന്നത്. മലയോര മേഖലയില്‍ പ്രളയത്തില്‍ കുത്തിയൊഴുകിയ പുഴകളിലും കിണറുകളിലും ജലനിരപ്പ് നന്നേ താഴ്ന്ന നിലയിലെത്തിയിരിക്കുകയാണ്. ഇത്ര നേരത്തെ വെള്ളമില്ലാതാവുന്നതും വെള്ളത്തിനായി പുഴക്കരയില്‍ തന്നെ കഴിയേണ്ടി വരുന്നതും ആദ്യമായിട്ടാണെന്ന് ആദിവാസികള്‍ പറയുന്നു.

ഒരു മാസത്തോളമായി ഇവര്‍ ഇങ്ങനെ താമസിക്കാന്‍ തുടങ്ങിയിട്ട്. കുട്ടികള്‍ സ്‌കൂളില്‍ പോകുന്നതും, പുരുഷന്‍മാര്‍ ജോലിക്ക് പോകുന്നതുമെല്ലാം ഇവിടെ നിന്ന് തന്നെ. കുടിക്കാനും കുളിക്കാനും വെള്ളം കിട്ടുന്ന പുഴയോരം ഫാമിലെ വീടിനേക്കാള്‍ സൗകര്യപ്രദമെന്ന് ഇവര്‍ പറയുന്നു. വേനല്‍ കടുത്താല്‍ കൂടുതല്‍ പേര്‍ ഇങ്ങോട്ടു മാറും. കൊട്ടിയൂരിലും ബാവലിപ്പുഴയിലും നീരൊഴുക്ക് നന്നേ കുറഞ്ഞിരിക്കുകയാണ്. ഒപ്പം ചൂടും കൂടി കൂടുന്നതോടെ വേനല്‍ക്കാലത്ത് സ്ഥിതി രൂക്ഷമാകുമെന്നുറപ്പ്.

കിണറുകള്‍ കുറവായ, മലഞ്ചെരിവില്‍ നിന്ന് പൈപ്പിട്ട് വെള്ളമെത്തിക്കുന്ന ഉയര്‍ന്ന മലയോര പ്രദേശങ്ങളിലും ഇതേ ആശങ്ക നിലനില്‍ക്കുകയാണ്.

Keywords: Water famine in North Kerala, Kannur, News, Drinking Water, Trending, River, Family, Children, School, House, Kerala.

About kvartha pre

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കെവാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date

Search This portal