ലോകകപ്പ് പ്രീ ക്വാര്‍ട്ടര്‍ മത്സരങ്ങള്‍ക്ക് ശനിയാഴ്ച്ച തുടക്കം; ആദ്യ അങ്കത്തില്‍ അര്‍ജന്റീനയും ഫ്രാന്‍സും നേര്‍ക്കുനേര്‍; ലോകത്തെ മിന്നുംതാരങ്ങള്‍ അണിനിരക്കുന്ന ഫ്രഞ്ചുപടയ്ക്ക് മുന്നില്‍ മെസ്സിക്കും കൂട്ടര്‍ക്കും മുട്ടിടിക്കുമോ?

മോസ്‌കോ: (www.kvartha.com 29.06.2018) റഷ്യന്‍ ലോകകപ്പിലെ ആദ്യ ക്വാര്‍ട്ടര്‍ ഫൈനല്‍ പോരാട്ടത്തില്‍ അര്‍ജന്റീനയും ഫ്രാന്‍സും കൊമ്പുകോര്‍ക്കും. ഗ്രൂപ്പ് സിയില്‍ നിന്ന് ഒരു സമനിലയും രണ്ട് ജയവുമടക്കം രാജകീയമായാണ് ഫ്രാന്‍സ് പ്രീ-ക്വാര്‍ട്ടറില്‍ പ്രവേശിച്ചത്. അതേസമയം ഒന്നുവീതം ജയവും തോല്‍വിയും സമനിലയുമായി കഷ്ടിച്ചാണ് അര്‍ജന്റീന പ്രീ ക്വാര്‍ട്ടര്‍ പ്രവേശം.

ഗ്രീസ്മാനും എംബാപ്പെയും ഡെംബലയും ജിറൂഡും കാന്റെയും പോഗ്ബയും വറാനെയും ഉംറ്റിറ്റിയും ഉള്‍പ്പടെ ലോകോത്തര താരങ്ങളുമായെത്തുന്ന ഫ്രാന്‍സാണ് കടലാസിലെ കരുത്തര്‍. എന്നാല്‍ ഈ ലോകകപ്പില്‍ ഇതുവരെ ഫ്രാന്‍സിന് തങ്ങളുടെ പ്രതിഭയ്‌ക്കൊത്ത പ്രകടനം പുറത്തെടുക്കാന്‍ സാധിച്ചിട്ടില്ല. അതേസമയം മെസ്സിയെന്ന ഫുട്‌ബോള്‍ ദൈവത്തിന്റെ കാലുകളില്‍ പ്രതീക്ഷയര്‍പ്പിച്ചുകൊണ്ടാണ് ഒരിക്കല്‍കൂടി അര്‍ജന്റീനയുടെ കിരീടം ലക്ഷ്യമാക്കിയുള്ള പടപ്പുറപ്പാട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Fifa, World Cup, News, Mosco, Russia, Argentina, France, Leonal Messi, Football Players, FIFA WC 2018; Argentina vs France.