ബദാവൂണ്‍: സഹോദരിമാരെ കൂട്ടബലാല്‍സംഗം ചെയ്ത് കെട്ടിതൂക്കി കൊന്നത് കുടുംബാംഗങ്ങള്‍?

ബദാവൂണ്‍: (www.kvartha.com 30.06.2014) ബദാവൂണില്‍ സഹോദരിമാരെ കൂട്ടബലാല്‍സംഗം ചെയ്ത് കെട്ടിതൂക്കി കൊന്നതിന് പിന്നില്‍ കുടുംബാംഗങ്ങളാണെന്ന് സംശയം. പ്രതികളേയും പെണ്‍കുട്ടികളുടെ കുടുംബാംഗങ്ങളേയും നുണ പരിശോധനയ്ക്ക് വിധേയമാക്കിയതോടെയാണ് സിബിഐ ഈ സംശയം പ്രകടിപ്പിച്ചത്. സംഭവം ദുരഭിമാനകൊലപാതകങ്ങള്‍ ആകാനാണ് സാധ്യതയെന്ന നിഗമനത്തിലാണ് സിബിഐ.

പ്രതികളില്‍ ചിലരുടെ മൊഴികള്‍ ഇത്തരത്തില്‍ സൂചനകള്‍ നല്‍കുന്നുണ്ട്. കേസില്‍ ഇതുവരെ 5 പേരാണ് അറസ്റ്റിലായിട്ടുള്ളത്. അതേസമയം നുണപരിശോധനയിലെ മൊഴികള്‍ തെളിവുകളായി കോടതി അംഗീകരിക്കാറില്ലാത്തതിനാല്‍ കൂടുതല്‍ തെളിവുകള്‍ കണ്ടെത്താനുള്ള ശ്രമത്തിലാണ് സിബിഐ.


മേയ് 27നാണ് രാജ്യത്തെ ഞെട്ടിച്ച ഇരട്ടകൊലപാതകങ്ങള്‍ അരങ്ങേറിയത്. ദളിത് സഹോദരിമാരെ കൂട്ടബലാല്‍സംഗം ചെയ്ത് ഗ്രാമത്തിലെ മാവില്‍ കെട്ടിതൂക്കുകയായിരുന്നു.

SUMMARY: In a new twist to the Badaun gangrape and murder case, the first round of probe by the Central Bureau of Investigation (CBI) has indicated that it could be a case of honour killing.

Keywords: Badaun Gang Rape, Murder, Twin murder, Sisters, Honour Killing, Poly graphic Test,