ആകാശ യാത്രയിലെ ആഹ്ലാദവും ദുരിതവും
വിമാനം റദ്ദാക്കലും യാത്രാസമയത്തില് മാറ്റം വരുത്തലും കാലാവസ്ഥയുടെ പേര് പറഞ്ഞ് യാത്രക്കാരെ ലക്ഷ്യസ്ഥാനങ്ങളില് എത്തിക്കാതിരിക്കലുമെല്ലാം നമ്മുടെ ഇന്ത്യന് വിമാനകമ്പനിയായ എയര് ഇന്ത്യയുടെ നിത്യ വിനോദമാണ്. നിസാര പ്രശ്നങ്ങളുടെ പേരില് എത്രയെത്ര വിദേശ യാത്രക്കാരുടെ തൊഴിലുകളാണ് ഈ ക്രൂരതയില് നഷ്ടപ്പെടുന്നത്. യാത്രാ സമയം മാറ്റുന്ന വിവരം പലപ്പോഴും യാത്രക്കാരെയറിയിക്കില്ല. എല്ലാ ഒരുക്കങ്ങളും നടത്തി ചിലപ്പോള് കുടുംബത്തോടൊപ്പം, മറ്റു ചിലപ്പോള് ഒറ്റയ്ക്കും എത്തുന്ന യാത്രക്കാര് എല്ലാ ബുദ്ധിമുട്ടുകളും സഹിച്ചു എയര്പ്പോര്ട്ടില് എത്തി ഗേറ്റ് തുറക്കുന്നതും കാത്തിരിക്കും. അവസാന നിമിഷത്തില് ഒരു സോറിയോടെ യാത്രാ സമയം മാറ്റിയതായി അറിയിക്കും... വഴി യാത്രയ്ക്കുള്ള പണവും കരുതി എത്തുന്നവര് ഇത്തരം അറിയിപ്പ് കൊണ്ട് ആകെ വലയുന്നു. മറ്റു ചിലര് ശാപ വാക്കുകള് ചൊരിഞ്ഞു തിരിച്ച് പോകും.
ചില അവസരങ്ങളില് ആദ്യം കാര്യങ്ങള് ഒന്നും പറയില്ല. വിമാനത്തിന്റെ യാത്രാ സമയം അടുക്കുമ്പോള് അറിയിപ്പ്. വിമാനം ഒരു മണിക്കൂര് വൈകി മാത്രം പുറപ്പെടും. പ്രതീക്ഷയോടെ ഇരിക്കുമ്പോള് അടുത്ത അറിയിപ്പ് - എത്ര മണിക്കൂര് എന്ന് പറയാതെ; അങ്ങനെ ദീര്ഘമായ കാത്തിരിപ്പ്. എയര്പ്പോര്ട്ടില് പലപ്പോഴും ഇത്തരം അനുഭവങ്ങള് എറെ ബഹളത്തിനും സംഘര്ഷത്തിനും കാരണമാകുന്നു. പ്രധാനപ്പെട്ട യാത്രാ വിവരങ്ങള് പലതും ശരിയായ രീതിയില് ഉദ്യോഗസ്ഥന്മാര് വേണ്ട വിധത്തില് കൈകാര്യം ചെയ്യുന്നില്ലെന്ന് മാത്രമല്ല ഈ രംഗത്ത് പ്രവര്ത്തിക്കുന്നവര് അധികവും കൃത്യനിഷ്ഠ പാലിക്കുന്നുമില്ല. ശമ്പളവും സൗകര്യങ്ങളും മാത്രം നേടാന് വേണ്ടി ഒരു തൊഴില്. അതില് യാത്രക്കാരന് ഇവരുടെ ഇഷ്ടം അനുസരിച്ച് പോയാല് മതി.
രണ്ടും മൂന്നും വര്ഷം മരുഭൂമിയില് പ്രതികൂല പരിതസ്ഥിതികളില് ഏകാന്തവാസം നടത്തി ഉറ്റവരുടെയും ഉടയവരുടെയും അടുത്ത് എത്തി ശാന്തമായ ഒഴിവുകാല ജീവിതത്തിന്റെ നല്ല നാളുകള് സ്വപ്നം കണ്ടു വരുമ്പോള്... പറഞ്ഞസമയത്ത് എത്തേണ്ട സ്ഥലത്ത് ഇറക്കാതെ പലപ്പോഴും ഗതിമാറ്റി യാത്ര ചെയ്യുമ്പോള് കൈക്കുഞ്ഞ് മുതല് വൃദ്ധന്മാര് വരെയുള്ള യാത്രക്കാരും അവരെ പ്രതീക്ഷിച്ച് എയര്പ്പോര്ട്ടില് എത്തുന്ന ബന്ധുക്കളുടെയും വിഷമം വിമാന ജോലിക്കാര്ക്ക് പ്രശ്നമല്ല. പൈലറ്റ് സമയം നോക്കി മാത്രം ജോലി ചെയ്യും. ഇവിടെ മനുഷ്യത്വത്തിന് ഒരു വിലയും കല്പിക്കപ്പെടുന്നില്ല.
വിമാനയാത്രക്കിടയില് ഉണ്ടാകുന്ന ബുദ്ധിമുട്ടുകള്ക്ക് എറെ ആനുകുല്യങ്ങളും അവകാശങ്ങളും നിയമപരമായി ഉണ്ടെങ്കിലും ഇന്ന് നടക്കുന്ന വിമാനയാത്രാ പ്രശ്നങ്ങളില് എല്ലാം യാത്രക്കാര് കുറ്റവാളികളും ജീവനക്കാര് കൃത്യനിര്വഹണം നടത്തുന്നവരുമായി മാറുന്നതാണ് കാണുന്നത്. തിരുവനന്തപുരത്ത് ഇറക്കേണ്ട വിമാനം സാങ്കേതിക തകരാര് മൂലം കൊച്ചിയില് ഇറക്കേണ്ടി വന്നപ്പോള് യാത്രക്കാരുടെ വികാര പ്രകടനത്തെ വിമാനം റാഞ്ചലും ഭീഷണിയും ഒക്കെയായി ചിത്രീകരിക്കപ്പെട്ടു. പണം മുടക്കി അവശ്യങ്ങള്ക്ക് യാത്ര ചെയ്യുന്നവര് നിഷ്കരുണം രാജ്യദ്രോഹ കുറ്റം ചെയ്തവരായി മാറുന്ന കാഴ്ചയാണ് കേരളം കാണേണ്ടി വരുന്നത്.
പല യാത്രയിലും ആവര്ത്തിക്കപ്പെടുന്ന ഇത്തരം സംഭവ വികാസങ്ങള്ക്ക് ഞാനും പാത്രമായിട്ടുണ്ട്. ഒരിക്കല് മുംബൈയില് നിന്നും ദുബൈയിലേക്കുള്ള യാത്രയില് എയര് ഇന്ത്യയുടെ ഓകെയായ ടിക്കറ്റുമായി എയര്പ്പോര്ട്ടില് എത്തി. എന്നാല് പരിശോധന നടത്തി ''നിങ്ങളുടെ ടിക്കറ്റ് ഓക്കെയല്ല'' എന്നാണ് വിമാന കമ്പനിയുടെ കൗണ്ടറില് നിന്നും അറിയിച്ചത്. മുംബൈയില് താമസിച്ചിരുന്ന സ്ഥലത്ത് നിന്നും എയര്പ്പോര്ട്ടിലേക്ക് മുന്നൂറിലധികം രൂപ ടാക്സി വാടക കൊടുത്തിട്ടാണ് എത്തിയത്. ഏജന്സി കംപ്യൂട്ടറില് നോക്കി ടിക്കറ്റ് ഓക്കെ എന്ന് പറഞ്ഞതുമാണ്. പിന്നെ എന്താണ് പ്രശ്നം. ഞാന് മറ്റു ചില യാത്രക്കാരോട് കാര്യങ്ങള് പറഞ്ഞു. ചിലര് സഹായത്തിന് എത്തി. ചര്ചകള് അല്പം ചൂടായപ്പോള് ഉയര്ന്ന ഉദ്യോഗസ്ഥന് എത്തി. വീണ്ടും ചില പരിശോധനകള് നടത്തി അവസാനം യാത്രയ്ക്ക് അനുവദിച്ചു. എന്നാല് വിമാനം പുറപ്പെട്ടപ്പോള് പകുതി സീറ്റും ഒഴിഞ്ഞു കിടക്കുന്നതാണ് കണ്ടത്. ഇതാണ് നമ്മുടെ എയര്ഇന്ത്യ വിമാന കമ്പനിയുടെ കാര്യക്ഷമത. എന്നിട്ടും എന്നും നഷ്ടകണക്കുകള് മാത്രം നിരത്തും.
പരസ്യങ്ങളിലും മന്ത്രിമാരുടെ പ്രസ്താവനകളിലും എറെ വാഗ്ദാനങ്ങള് എയര് ഇന്ത്യ നല്കുന്നു. യാത്രക്കാര് അത്യാവശ്യ ഘട്ടത്തില് പ്രത്യേകിച്ച് ഉല്സവവേളകളിലും വേനല് അവധിക്കാലത്തും എല്ലാം ടിക്കറ്റ് ചാര്ജ് ഇരട്ടിയില് അധികം വര്ദ്ധിപ്പിച്ചു യാത്രക്കാരെ കൊള്ളയടിക്കുന്നു. ഇത് സ്വകാര്യ വിമാനകമ്പനികള്ക്കും വിദേശ വിമാനകമ്പനികള്ക്കും ചാകരയാകുന്നു. പലറൂട്ടുകളിലും മറ്റു വിമാനകമ്പനിക്കാരെ തടഞ്ഞു എല്ലാ വിദേശ വഴികളും സ്വന്തമാക്കുന്ന എയര്ഇന്ത്യക്ക് നൂറ്റാണ്ടുകള് പാറി പറന്നിട്ടും ഇന്നും നഷ്ടകണക്കുകള് മാത്രമാണ് ബാക്കി.
അടുത്ത കാലത്ത് പ്രവര്ത്തനം ആരംഭിച്ച എയര് അറേബ്യ എന്ന കമ്പനിയുടെ പ്രവര്ത്തനം ശ്രദ്ധിച്ചാല് നമ്മുടെ പൊതു മേഖലയിലെ വന് കമ്പനിയായ എയര് ഇന്ത്യ നാണിക്കേണ്ടി വരും. ചുരുങ്ങിയ സമയം കൊണ്ട് കാര്യക്ഷമമായ സര്വീസുകളും മേന്മയുള്ള സേവനവും കൊണ്ട് വലിയ ലാഭവും യാത്രക്കാരന്റെ സംതൃപ്തിയും നേടിയെടുക്കാന് സാധിച്ചു. ഇവിടെയാണ് അഴിമതിയുടെയും താന്തോന്നിത്വത്തിന്റെയും ഭീകരത എന്താണെന്ന് നാം മനസിലാക്കേണ്ടത്.
വളരെയധികം വിമാനയാത്രകള് ചെയ്തത് കൊണ്ട് പല വിമാനകമ്പനികളുടെയും വിമാനത്തില് യാത്ര ചെയ്യേണ്ടി വന്നിട്ടുണ്ട്. ഇതില് ഏറ്റവും ഇഷ്ടപ്പെട്ട വിമാന യാത്ര. ''യു.എ.ഇ വിമാന കമ്പനിയായ'' എമിറേറ്റ്സ് വിമാനത്തിലെ യാത്രയാണ്. വലിയ കൂറ്റന് വിമാനം. വൃത്തിയും കൃത്യനിഷ്ഠയും, നല്ല പരിചരണം, പല യാത്രക്കിടയിലും പല വിമാനത്താവളങ്ങളിലും എത്തിപ്പെടേണ്ടി വന്നിട്ടുണ്ട്. കാരണം ടെച്ച് ഫ്ളൈറ്റുകള് യാത്രകളില് മാറി മാറി യാത്ര തുടരേണ്ടി വരാറുണ്ട്. ഗള്ഫ് എയര്വിമാനത്തില് യാത്ര ചെയ്യുമ്പോള് അധികവും മസ്ക്കറ്റില് വച്ച് വിമാനം മാറും. ശ്രീലങ്കന് എയര്വെയ്സില് വന്നാല് കൊളംബോയില് മണിക്കൂറുകള് കാത്തുനിന്നതിന് ശേഷമാണ് കേരളത്തിലേക്ക് യാത്ര തുടരാന് കഴിഞ്ഞത്.
വിസയുടെ കാലാവധി തീരാന് കുറഞ്ഞ സമയം ഉള്ള ഒരു വേനലവധിക്കാലത്ത് യാത്ര പലപ്പോഴും മനസില് തെളിയാറുണ്ട്. വിമാന ടിക്കറ്റ് എത്ര ശ്രമിച്ചിട്ടും കിട്ടിയില്ല. വഴികള് എല്ലാം അടഞ്ഞപ്പോള് മുംബൈയിലേക്ക് ബ2സ് കയറി. അവിടെയും നല്ല തിരക്കാണ്. പാക്കിസ്ഥാന് എയര്ലൈന്സ് വിമാനം ഉണ്ട്. അത് കറാച്ചിയില് എത്തി അല്പം താമസിച്ചേ പോകു. ടിക്കറ്റ് നിരക്ക് കുറവാണ്. പിന്നെ ഒന്നും ആലോചിച്ചില്ല. ടിക്കറ്റ് എടുത്തു.
ഏറെ പരിശോധനയും ബാഗ് തുറന്ന് ചെക്കിങ്ങും എല്ലാം കഴിഞ്ഞു യാത്ര ആരംഭിച്ചു. കറാച്ചിയില് രാത്രി എത്തി. എന്നാല് മണിക്കൂറുകള് കഴിഞ്ഞിട്ടും തുടര് യാത്രയെപ്പറ്റി വിവരങ്ങള് ഒന്നുമില്ല. കൊച്ചു കുട്ടികളടക്കമുള്ള യാത്രക്കാര് വിശപ്പും ദാഹവും എല്ലാം സഹിച്ച് ഒന്നും പറയാതെ സമയം തള്ളി നീക്കി. പക്ഷെ അന്വേഷണ കൗണ്ടറില് ഇരിക്കുന്ന ആളുകള് നിസഹായതയാണ് പ്രകടിപ്പിച്ചത്. യാത്രക്കാരില് പലരുടെയും ക്ഷമ നശിച്ചു തുടങ്ങി... ഉത്തര്പ്രദേശ് കാരന് റാഫിദ് അലിഖാന് രോഗിയും രാവിലെ ജോലിയില് പ്രവേശിക്കാന് ഉള്ള ആളുമാണ്. അദ്ദേഹം വെപ്രാളത്തില് പലവഴിയായി ഒരോന്നും അന്വേഷിച്ച് ഉദ്യോഗസ്ഥരുമായി സംസാരിച്ചു. വീണ്ടും വീണ്ടും കൗണ്ടറില് കേറി ബഹളം വച്ചപ്പോള് ഒരുദ്യോഗസ്ഥന് അയാളെ പിടിച്ചു തള്ളി. വന്നു വീണത് മേശയില്. എന്തോ തട്ടി രക്തം ചീറ്റി. യാത്രക്കാരില് പലരും ദേഷ്യത്തില് ചാടി എഴുന്നേറ്റു. എയര്പ്പോര്ട്ട് പോലീസ് നിയന്ത്രിച്ചിട്ടും ആളുകള് ശാന്തരായില്ല. കൗണ്ടറിലെ ഉദ്യോഗസ്ഥനെ ശരിക്കും എല്ലാവരും ചേര്ന്ന് പെരുമാറി. അയാളുടെ ചുണ്ടില് നിന്ന് രക്തം ഒഴുകി തുടങ്ങിയപ്പോള് പോലീസ് രക്ഷയ്ക്ക് എത്തി. റാഷിദ് അലിഖാനെ ഡോക്ടര് എത്തി മരുന്ന് വെച്ച് കെട്ടി. അപ്പോഴെക്കും പോലീസിലെ ഉന്നതരും വിമാന കമ്പനിയുടെ വലിയ ഉദ്യോഗസ്ഥരും എത്തി. യാത്രക്കാരുടെ പരാതികള് കേട്ട് ഉടനെ എല്ലാവര്ക്കും ഭക്ഷണവും വെള്ളവും എല്ലാം നല്കി ശാന്തരാക്കി. പിന്നെയും മണിക്കൂറുകള് കഴിഞ്ഞാണ് യാത്ര തുടര്ന്നത്.
വിസയുടെ കാലാവധി കഴിയാന് ഒരു ദിവസമാണ് ഉള്ളത്. എന്ത് സംഭവിക്കും. ഞാനും മറ്റു ചിലരും ഉല്കണ്ഠയോടെ യാത്രയായി.
-ഇബ്രാഹിം ചെര്ക്കള
മുന് അധ്യായങ്ങള്
യാത്രയ്ക്കിടയിലെ മായക്കാഴ്ചകള്- അധ്യായം 1
യാത്രയ്ക്കിടയിലെ മായക്കാഴ്ചകള്- അധ്യായം 2
യാത്രയ്ക്കിടയിലെ മായക്കാഴ്ചകള്- അധ്യായം 3
യാത്രയ്ക്കിടയിലെ മായക്കാഴ്ചകള്- അധ്യായം 4
യാത്രയ്ക്കിടയിലെ മായക്കാഴ്ചകള്- അധ്യായം 5
യാത്രയ്ക്കിടയിലെ മായക്കാഴ്ചകള്- അധ്യായം 6
Keywords: Article, Ibrahim Cherkala, Flights, Airport, Police men, Officer, Assault, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
വിമാനം റദ്ദാക്കലും യാത്രാസമയത്തില് മാറ്റം വരുത്തലും കാലാവസ്ഥയുടെ പേര് പറഞ്ഞ് യാത്രക്കാരെ ലക്ഷ്യസ്ഥാനങ്ങളില് എത്തിക്കാതിരിക്കലുമെല്ലാം നമ്മുടെ ഇന്ത്യന് വിമാനകമ്പനിയായ എയര് ഇന്ത്യയുടെ നിത്യ വിനോദമാണ്. നിസാര പ്രശ്നങ്ങളുടെ പേരില് എത്രയെത്ര വിദേശ യാത്രക്കാരുടെ തൊഴിലുകളാണ് ഈ ക്രൂരതയില് നഷ്ടപ്പെടുന്നത്. യാത്രാ സമയം മാറ്റുന്ന വിവരം പലപ്പോഴും യാത്രക്കാരെയറിയിക്കില്ല. എല്ലാ ഒരുക്കങ്ങളും നടത്തി ചിലപ്പോള് കുടുംബത്തോടൊപ്പം, മറ്റു ചിലപ്പോള് ഒറ്റയ്ക്കും എത്തുന്ന യാത്രക്കാര് എല്ലാ ബുദ്ധിമുട്ടുകളും സഹിച്ചു എയര്പ്പോര്ട്ടില് എത്തി ഗേറ്റ് തുറക്കുന്നതും കാത്തിരിക്കും. അവസാന നിമിഷത്തില് ഒരു സോറിയോടെ യാത്രാ സമയം മാറ്റിയതായി അറിയിക്കും... വഴി യാത്രയ്ക്കുള്ള പണവും കരുതി എത്തുന്നവര് ഇത്തരം അറിയിപ്പ് കൊണ്ട് ആകെ വലയുന്നു. മറ്റു ചിലര് ശാപ വാക്കുകള് ചൊരിഞ്ഞു തിരിച്ച് പോകും.
ചില അവസരങ്ങളില് ആദ്യം കാര്യങ്ങള് ഒന്നും പറയില്ല. വിമാനത്തിന്റെ യാത്രാ സമയം അടുക്കുമ്പോള് അറിയിപ്പ്. വിമാനം ഒരു മണിക്കൂര് വൈകി മാത്രം പുറപ്പെടും. പ്രതീക്ഷയോടെ ഇരിക്കുമ്പോള് അടുത്ത അറിയിപ്പ് - എത്ര മണിക്കൂര് എന്ന് പറയാതെ; അങ്ങനെ ദീര്ഘമായ കാത്തിരിപ്പ്. എയര്പ്പോര്ട്ടില് പലപ്പോഴും ഇത്തരം അനുഭവങ്ങള് എറെ ബഹളത്തിനും സംഘര്ഷത്തിനും കാരണമാകുന്നു. പ്രധാനപ്പെട്ട യാത്രാ വിവരങ്ങള് പലതും ശരിയായ രീതിയില് ഉദ്യോഗസ്ഥന്മാര് വേണ്ട വിധത്തില് കൈകാര്യം ചെയ്യുന്നില്ലെന്ന് മാത്രമല്ല ഈ രംഗത്ത് പ്രവര്ത്തിക്കുന്നവര് അധികവും കൃത്യനിഷ്ഠ പാലിക്കുന്നുമില്ല. ശമ്പളവും സൗകര്യങ്ങളും മാത്രം നേടാന് വേണ്ടി ഒരു തൊഴില്. അതില് യാത്രക്കാരന് ഇവരുടെ ഇഷ്ടം അനുസരിച്ച് പോയാല് മതി.
രണ്ടും മൂന്നും വര്ഷം മരുഭൂമിയില് പ്രതികൂല പരിതസ്ഥിതികളില് ഏകാന്തവാസം നടത്തി ഉറ്റവരുടെയും ഉടയവരുടെയും അടുത്ത് എത്തി ശാന്തമായ ഒഴിവുകാല ജീവിതത്തിന്റെ നല്ല നാളുകള് സ്വപ്നം കണ്ടു വരുമ്പോള്... പറഞ്ഞസമയത്ത് എത്തേണ്ട സ്ഥലത്ത് ഇറക്കാതെ പലപ്പോഴും ഗതിമാറ്റി യാത്ര ചെയ്യുമ്പോള് കൈക്കുഞ്ഞ് മുതല് വൃദ്ധന്മാര് വരെയുള്ള യാത്രക്കാരും അവരെ പ്രതീക്ഷിച്ച് എയര്പ്പോര്ട്ടില് എത്തുന്ന ബന്ധുക്കളുടെയും വിഷമം വിമാന ജോലിക്കാര്ക്ക് പ്രശ്നമല്ല. പൈലറ്റ് സമയം നോക്കി മാത്രം ജോലി ചെയ്യും. ഇവിടെ മനുഷ്യത്വത്തിന് ഒരു വിലയും കല്പിക്കപ്പെടുന്നില്ല.
വിമാനയാത്രക്കിടയില് ഉണ്ടാകുന്ന ബുദ്ധിമുട്ടുകള്ക്ക് എറെ ആനുകുല്യങ്ങളും അവകാശങ്ങളും നിയമപരമായി ഉണ്ടെങ്കിലും ഇന്ന് നടക്കുന്ന വിമാനയാത്രാ പ്രശ്നങ്ങളില് എല്ലാം യാത്രക്കാര് കുറ്റവാളികളും ജീവനക്കാര് കൃത്യനിര്വഹണം നടത്തുന്നവരുമായി മാറുന്നതാണ് കാണുന്നത്. തിരുവനന്തപുരത്ത് ഇറക്കേണ്ട വിമാനം സാങ്കേതിക തകരാര് മൂലം കൊച്ചിയില് ഇറക്കേണ്ടി വന്നപ്പോള് യാത്രക്കാരുടെ വികാര പ്രകടനത്തെ വിമാനം റാഞ്ചലും ഭീഷണിയും ഒക്കെയായി ചിത്രീകരിക്കപ്പെട്ടു. പണം മുടക്കി അവശ്യങ്ങള്ക്ക് യാത്ര ചെയ്യുന്നവര് നിഷ്കരുണം രാജ്യദ്രോഹ കുറ്റം ചെയ്തവരായി മാറുന്ന കാഴ്ചയാണ് കേരളം കാണേണ്ടി വരുന്നത്.
പല യാത്രയിലും ആവര്ത്തിക്കപ്പെടുന്ന ഇത്തരം സംഭവ വികാസങ്ങള്ക്ക് ഞാനും പാത്രമായിട്ടുണ്ട്. ഒരിക്കല് മുംബൈയില് നിന്നും ദുബൈയിലേക്കുള്ള യാത്രയില് എയര് ഇന്ത്യയുടെ ഓകെയായ ടിക്കറ്റുമായി എയര്പ്പോര്ട്ടില് എത്തി. എന്നാല് പരിശോധന നടത്തി ''നിങ്ങളുടെ ടിക്കറ്റ് ഓക്കെയല്ല'' എന്നാണ് വിമാന കമ്പനിയുടെ കൗണ്ടറില് നിന്നും അറിയിച്ചത്. മുംബൈയില് താമസിച്ചിരുന്ന സ്ഥലത്ത് നിന്നും എയര്പ്പോര്ട്ടിലേക്ക് മുന്നൂറിലധികം രൂപ ടാക്സി വാടക കൊടുത്തിട്ടാണ് എത്തിയത്. ഏജന്സി കംപ്യൂട്ടറില് നോക്കി ടിക്കറ്റ് ഓക്കെ എന്ന് പറഞ്ഞതുമാണ്. പിന്നെ എന്താണ് പ്രശ്നം. ഞാന് മറ്റു ചില യാത്രക്കാരോട് കാര്യങ്ങള് പറഞ്ഞു. ചിലര് സഹായത്തിന് എത്തി. ചര്ചകള് അല്പം ചൂടായപ്പോള് ഉയര്ന്ന ഉദ്യോഗസ്ഥന് എത്തി. വീണ്ടും ചില പരിശോധനകള് നടത്തി അവസാനം യാത്രയ്ക്ക് അനുവദിച്ചു. എന്നാല് വിമാനം പുറപ്പെട്ടപ്പോള് പകുതി സീറ്റും ഒഴിഞ്ഞു കിടക്കുന്നതാണ് കണ്ടത്. ഇതാണ് നമ്മുടെ എയര്ഇന്ത്യ വിമാന കമ്പനിയുടെ കാര്യക്ഷമത. എന്നിട്ടും എന്നും നഷ്ടകണക്കുകള് മാത്രം നിരത്തും.
പരസ്യങ്ങളിലും മന്ത്രിമാരുടെ പ്രസ്താവനകളിലും എറെ വാഗ്ദാനങ്ങള് എയര് ഇന്ത്യ നല്കുന്നു. യാത്രക്കാര് അത്യാവശ്യ ഘട്ടത്തില് പ്രത്യേകിച്ച് ഉല്സവവേളകളിലും വേനല് അവധിക്കാലത്തും എല്ലാം ടിക്കറ്റ് ചാര്ജ് ഇരട്ടിയില് അധികം വര്ദ്ധിപ്പിച്ചു യാത്രക്കാരെ കൊള്ളയടിക്കുന്നു. ഇത് സ്വകാര്യ വിമാനകമ്പനികള്ക്കും വിദേശ വിമാനകമ്പനികള്ക്കും ചാകരയാകുന്നു. പലറൂട്ടുകളിലും മറ്റു വിമാനകമ്പനിക്കാരെ തടഞ്ഞു എല്ലാ വിദേശ വഴികളും സ്വന്തമാക്കുന്ന എയര്ഇന്ത്യക്ക് നൂറ്റാണ്ടുകള് പാറി പറന്നിട്ടും ഇന്നും നഷ്ടകണക്കുകള് മാത്രമാണ് ബാക്കി.
അടുത്ത കാലത്ത് പ്രവര്ത്തനം ആരംഭിച്ച എയര് അറേബ്യ എന്ന കമ്പനിയുടെ പ്രവര്ത്തനം ശ്രദ്ധിച്ചാല് നമ്മുടെ പൊതു മേഖലയിലെ വന് കമ്പനിയായ എയര് ഇന്ത്യ നാണിക്കേണ്ടി വരും. ചുരുങ്ങിയ സമയം കൊണ്ട് കാര്യക്ഷമമായ സര്വീസുകളും മേന്മയുള്ള സേവനവും കൊണ്ട് വലിയ ലാഭവും യാത്രക്കാരന്റെ സംതൃപ്തിയും നേടിയെടുക്കാന് സാധിച്ചു. ഇവിടെയാണ് അഴിമതിയുടെയും താന്തോന്നിത്വത്തിന്റെയും ഭീകരത എന്താണെന്ന് നാം മനസിലാക്കേണ്ടത്.
വളരെയധികം വിമാനയാത്രകള് ചെയ്തത് കൊണ്ട് പല വിമാനകമ്പനികളുടെയും വിമാനത്തില് യാത്ര ചെയ്യേണ്ടി വന്നിട്ടുണ്ട്. ഇതില് ഏറ്റവും ഇഷ്ടപ്പെട്ട വിമാന യാത്ര. ''യു.എ.ഇ വിമാന കമ്പനിയായ'' എമിറേറ്റ്സ് വിമാനത്തിലെ യാത്രയാണ്. വലിയ കൂറ്റന് വിമാനം. വൃത്തിയും കൃത്യനിഷ്ഠയും, നല്ല പരിചരണം, പല യാത്രക്കിടയിലും പല വിമാനത്താവളങ്ങളിലും എത്തിപ്പെടേണ്ടി വന്നിട്ടുണ്ട്. കാരണം ടെച്ച് ഫ്ളൈറ്റുകള് യാത്രകളില് മാറി മാറി യാത്ര തുടരേണ്ടി വരാറുണ്ട്. ഗള്ഫ് എയര്വിമാനത്തില് യാത്ര ചെയ്യുമ്പോള് അധികവും മസ്ക്കറ്റില് വച്ച് വിമാനം മാറും. ശ്രീലങ്കന് എയര്വെയ്സില് വന്നാല് കൊളംബോയില് മണിക്കൂറുകള് കാത്തുനിന്നതിന് ശേഷമാണ് കേരളത്തിലേക്ക് യാത്ര തുടരാന് കഴിഞ്ഞത്.
വിസയുടെ കാലാവധി തീരാന് കുറഞ്ഞ സമയം ഉള്ള ഒരു വേനലവധിക്കാലത്ത് യാത്ര പലപ്പോഴും മനസില് തെളിയാറുണ്ട്. വിമാന ടിക്കറ്റ് എത്ര ശ്രമിച്ചിട്ടും കിട്ടിയില്ല. വഴികള് എല്ലാം അടഞ്ഞപ്പോള് മുംബൈയിലേക്ക് ബ2സ് കയറി. അവിടെയും നല്ല തിരക്കാണ്. പാക്കിസ്ഥാന് എയര്ലൈന്സ് വിമാനം ഉണ്ട്. അത് കറാച്ചിയില് എത്തി അല്പം താമസിച്ചേ പോകു. ടിക്കറ്റ് നിരക്ക് കുറവാണ്. പിന്നെ ഒന്നും ആലോചിച്ചില്ല. ടിക്കറ്റ് എടുത്തു.
ഏറെ പരിശോധനയും ബാഗ് തുറന്ന് ചെക്കിങ്ങും എല്ലാം കഴിഞ്ഞു യാത്ര ആരംഭിച്ചു. കറാച്ചിയില് രാത്രി എത്തി. എന്നാല് മണിക്കൂറുകള് കഴിഞ്ഞിട്ടും തുടര് യാത്രയെപ്പറ്റി വിവരങ്ങള് ഒന്നുമില്ല. കൊച്ചു കുട്ടികളടക്കമുള്ള യാത്രക്കാര് വിശപ്പും ദാഹവും എല്ലാം സഹിച്ച് ഒന്നും പറയാതെ സമയം തള്ളി നീക്കി. പക്ഷെ അന്വേഷണ കൗണ്ടറില് ഇരിക്കുന്ന ആളുകള് നിസഹായതയാണ് പ്രകടിപ്പിച്ചത്. യാത്രക്കാരില് പലരുടെയും ക്ഷമ നശിച്ചു തുടങ്ങി... ഉത്തര്പ്രദേശ് കാരന് റാഫിദ് അലിഖാന് രോഗിയും രാവിലെ ജോലിയില് പ്രവേശിക്കാന് ഉള്ള ആളുമാണ്. അദ്ദേഹം വെപ്രാളത്തില് പലവഴിയായി ഒരോന്നും അന്വേഷിച്ച് ഉദ്യോഗസ്ഥരുമായി സംസാരിച്ചു. വീണ്ടും വീണ്ടും കൗണ്ടറില് കേറി ബഹളം വച്ചപ്പോള് ഒരുദ്യോഗസ്ഥന് അയാളെ പിടിച്ചു തള്ളി. വന്നു വീണത് മേശയില്. എന്തോ തട്ടി രക്തം ചീറ്റി. യാത്രക്കാരില് പലരും ദേഷ്യത്തില് ചാടി എഴുന്നേറ്റു. എയര്പ്പോര്ട്ട് പോലീസ് നിയന്ത്രിച്ചിട്ടും ആളുകള് ശാന്തരായില്ല. കൗണ്ടറിലെ ഉദ്യോഗസ്ഥനെ ശരിക്കും എല്ലാവരും ചേര്ന്ന് പെരുമാറി. അയാളുടെ ചുണ്ടില് നിന്ന് രക്തം ഒഴുകി തുടങ്ങിയപ്പോള് പോലീസ് രക്ഷയ്ക്ക് എത്തി. റാഷിദ് അലിഖാനെ ഡോക്ടര് എത്തി മരുന്ന് വെച്ച് കെട്ടി. അപ്പോഴെക്കും പോലീസിലെ ഉന്നതരും വിമാന കമ്പനിയുടെ വലിയ ഉദ്യോഗസ്ഥരും എത്തി. യാത്രക്കാരുടെ പരാതികള് കേട്ട് ഉടനെ എല്ലാവര്ക്കും ഭക്ഷണവും വെള്ളവും എല്ലാം നല്കി ശാന്തരാക്കി. പിന്നെയും മണിക്കൂറുകള് കഴിഞ്ഞാണ് യാത്ര തുടര്ന്നത്.
വിസയുടെ കാലാവധി കഴിയാന് ഒരു ദിവസമാണ് ഉള്ളത്. എന്ത് സംഭവിക്കും. ഞാനും മറ്റു ചിലരും ഉല്കണ്ഠയോടെ യാത്രയായി.
-ഇബ്രാഹിം ചെര്ക്കള
മുന് അധ്യായങ്ങള്
യാത്രയ്ക്കിടയിലെ മായക്കാഴ്ചകള്- അധ്യായം 1
യാത്രയ്ക്കിടയിലെ മായക്കാഴ്ചകള്- അധ്യായം 2
യാത്രയ്ക്കിടയിലെ മായക്കാഴ്ചകള്- അധ്യായം 3
യാത്രയ്ക്കിടയിലെ മായക്കാഴ്ചകള്- അധ്യായം 4
യാത്രയ്ക്കിടയിലെ മായക്കാഴ്ചകള്- അധ്യായം 5
യാത്രയ്ക്കിടയിലെ മായക്കാഴ്ചകള്- അധ്യായം 6
Keywords: Article, Ibrahim Cherkala, Flights, Airport, Police men, Officer, Assault, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.