ടി.പി. വധം: സു­പ്രീം­കോ­ട­തി­യില്‍ സര്‍­ക്കാര്‍ ത­ട­സ­ഹര്‍­ജി ഫ­യല്‍ ചെയ്യും

ന്യൂ ഡെല്‍ഹി: ടി.പി ചന്ദ്രശേഖരന്‍ വധക്കേസില്‍ പി.മോ­ഹന­ന്റെ ജാ­മ്യാപേ­ക്ഷ­യില്‍ സംസ്ഥാന സര്‍ക്കാര്‍ സുപ്രീം കോടതിയില്‍ വെള്ളിയാഴ്ച തടസഹര്‍ജി ഫയല്‍ ചെയ്യും. സി.പി.എം ജില്ലാ സെക്രട്ടറിയേറ്റ് അംഗവും കേസിലെ പതിനാലാം പ്രതി­യുമാണ് പി.മോഹനന്‍. കോ­ട­തി­യില്‍ പി.മോഹനന്റെ ജാമ്യഹര്‍ജി പരിഗണിക്കുമ്പോള്‍ സര്‍ക്കാരിന്റെ വാദം കൂടി കേള്‍ക്കണം എന്നും സര്‍­ക്കാര്‍ ആ­വ­ശ്യ­പ്പെടും. പി.മോഹനന്റെ ജാമ്യാപേക്ഷ സുപ്രീം കോടതി പരിഗണിക്കാനിരിക്കെയാണ് സര്‍­ക്കാ­രിന്റെ ഈ നീക്കം.

കഴിഞ്ഞയാഴ്ച പരി­ഗ­ണി­ച്ച കേ­സ് അഭിഭാഷകരുടെ അസൗകര്യം മൂലം വെള്ളിയാഴ്ചത്തേക്ക് മാറ്റുകയായിരു­ന്നു. പി.മോഹനന്‍ ഹൈക്കോടതിയില്‍ ജാമ്യാപേക്ഷ നല്‍കിയിരു­ന്നുവെങ്കിലും അത് തള്ളിയതിനെ തു­ടര്‍­ന്ന് സുപ്രീംകോടതിയില്‍ ഹര്‍ജി നല്‍കു­ക­യാ­യി­രുന്നു.

പി.മോഹനന്‍ ജാമ്യത്തിലിറങ്ങിയാല്‍ കേസിലെ സാക്ഷികളെ ഭീഷണിപ്പെടു­ത്താനും ഒളിവില്‍ പോ­കാനും സാധ്യതയു­ണ്ടെന്ന് ടി.പി. ചന്ദ്രശേഖരന്റെ ഭാര്യ ര­മ അ­ഭി­പ്രാ­യ­പ്പെ­ട്ടി­രുന്നു. രമയെ കേസില്‍ കക്ഷിചേര്‍­ക്കാനും സുപ്രീംകോടതിയില്‍ നല്‍കിയ അപേക്ഷയില്‍ പറഞ്ഞിരുന്നു.


Keywords: T.P Chandrasekhar Murder Case, P.Mohanan, Supreme Court of India, New Delhi, CPM, Secretariat, Advocate, High Court of Kerala, Wife, National.