പുറത്തുനിന്നും അരിവാങ്ങുമ്പോള്‍ പലവ്യഞ്ജനങ്ങള്‍ക്ക് സര്‍ക്കാര്‍ ഫണ്ട് ഉപയോഗിക്കാന്‍ ഓഡിറ്റ് തടസ്സമുള്ളതാണ് കാരണം. സ്കൂളുകളില്‍ പാല്‍, മുട്ട എന്നിവ വിതരണം ചെയ്യുന്നതിനും സാങ്കേതിക തടസ്സമുണ്ട്. ഇതു കാരണം മാവേലിസ്‌റ്റോറില്‍ അരിയില്ലാതെ വരുമ്പോള്‍ സ്കൂളുകളില്‍ ഉച്ചഭക്ഷണം മുടങ്ങുകയാണ്.
സ്കൂളുകളില്‍ ഉച്ചഭക്ഷണ കണക്കുകള്‍ പുതിയ സോഫ്റ്റ്‌വെയര്‍ പ്രകാരമാണ് ശരിപ്പെടുത്തുന്നത്. അരിയുടെ സ്‌റ്റോക്ക് കാണിക്കാത്തപക്ഷം സോഫ്റ്റ്‌വെയറില്‍ ഉച്ചഭക്ഷണ വിതരണത്തിന്റെ കണക്കുകള്‍ പ്രവര്‍ത്തനക്ഷമമാകില്ല. അരിയില്ലെങ്കില്‍ മറ്റു സാധനങ്ങള്‍ വാങ്ങാനും പറ്റാത്ത സ്ഥിതിയാണുള്ളത്.
മാവേലിസ്‌റ്റോറില്‍നിന്ന് ഓണ്‍ലൈനായി സ്‌റ്റോക്ക് അനുവദിക്കുന്നത് എ.ഇ.ഒ ഓഫീസില്‍ നിന്ന് അനുവദിക്കുന്ന ഇന്‍ഡന്റിന്റെ അടിസ്ഥാനത്തിലാണ്. അധിക സ്‌റ്റോക്ക് ഉണ്ടെങ്കില്‍ മേലധികാരികള്‍ക്ക് ഓണ്‍ലൈനായി കണ്ടെത്താനും കഴിയും. സ്റ്റോക്കിന്റെ കാരണം പ്രധാനാധ്യാപകര്‍ വിശദീകരിക്കുകയും വേണം . ഇങ്ങനെ വന്നാല്‍ പാചകത്തൊഴിലാളിക്ക് നല്‍കിയ കൂലിയും തിരിച്ചടക്കേണ്ടതായി വരും.
അരി പി.ടി.എ മുഖേന നല്‍കിയാല്‍ പാചകക്കൂലിയും അനുബന്ധചെലവുകളും അനുവദിക്കുമെന്ന് സര്‍ക്കാര്‍ ഉത്തരവില്‍ വ്യക്തമാക്കിയാല്‍ സ്കൂളുകളിലെ ഉച്ചഭക്ഷണ പ്രശ്‌നം പരിഹരിക്കാന്‍ കഴിയും.
Keywords: Lunch, Rice, Arikkodu ,Maveli store, Problem,Schools, Teacher, Found, Technical, Office, Kerala