മുംബൈ: ഫിജി അന്താരാഷ്ട്ര ചലച്ചിത്രോത്സവത്തിലെ മികച്ച ചിത്രമായി വിദ്യ ബാലന്‍ നായികയായ 'കഹാനി' തെരഞ്ഞെടുക്കപ്പെട്ടു. സുജോയ് ഘോഷാണ് ചിത്രത്തിന്റെ സംവിധായകന്‍. 125 ചിത്രമാണ് രണ്ടാഴ്ച നീണ്ട ചലച്ചിത്രോത്സവത്തില്‍ പ്രദര്‍ശിപ്പിച്ചത്.
ഫിജി ദേശീയ സര്‍വകലാശാലയും ഫിലിം ഫിജിയും ലംബാസയില്‍ സംഘടിപ്പിച്ച ചലച്ചിത്രോത്സവത്തില്‍ മികച്ച സംവിധായകനായി 'ത്രീ ഇഡിയറ്റ്‌സ്' സംവിധാനം ചെയ്ത രാജ്കുമാര്‍ ഹിരാനിയെ തെരഞ്ഞെടുത്തു. ഡേര്‍ട്ടി പിക്ച്ചര്‍ എന്ന സിനിമയിലെ അഭിനയത്തിന് വിദ്യാബാലന് ദേശിയ പുരസ്ക്കാരം ലഭിച്ചിരുന്നു.
മികച്ച ഹ്രസ്വചിത്രമായി ജൂഹി സിന്‍ഹ സംവിധാനം ചെയ്ത ' നിര്‍വാണ ആന്‍ഡ് ബിയോന്‍ഡ് ' തെരെഞ്ഞെടുത്തു. ബംഗാളി ക്ലാസിക് ചിത്രങ്ങളും മേളയുടെ ഭാഗമായിരുന്നു.
Keywords: Award, Kahaani, Vidya Balan, Director, Actress, film, India, Mumbai.