1924 ഡിസംബര് 24ന് പഞ്ചാബിലെ കോട്ടല സുല്ത്താന്സിംഗ് എന്ന ഗ്രാമത്തില് ജനിച്ച റാഫിക്ക് ബാല്യകാലത്ത് തന്നെ സംഗീതത്തോട് അതീവ താല്പര്യമുണ്ടായിരുന്നു. അന്ന് ഒരു ഫക്കീറിനെ അനുകരിച്ച് പാട്ടുകള് പാടുമായിരുന്നു. പിന്നീട് സംഗീതത്തെക്കുറിച്ച് കൂടുതല് പഠിക്കാന് ലാഹോറിലെത്തിയ റാഫി പ്രശസ്തരായ ഗുലാം അലി, ഫിറോസ് നിസാനിയെപ്പോലള്ളവരില് നിന്ന് സംഗീത്തെക്കുറിച്ച് കൂടുതല് കാര്യങ്ങള് ഗ്രഹിച്ചു.
ഇന്ത്യയുടെ വിഖ്യാത ഗായകന് കുന്തല് ലാല് സൈഗളിന്റെ കൂടെ പാടാനവസരവും, സൈഗളിന്റെ ആശിര്വാദവും ലഭിച്ച സൗഭാഗ്യ ഗായകന് കൂടിയായിരുന്നു റാഫി. അന്ന് റാഫിക്ക് പതിനെട്ട് വയസ്സായിരുന്നു. 1941 ഫെബ്രുവരിയില് ഒരു പഞ്ചാബി സിനിമയ്ക്ക് വേണ്ടിയായിരുന്നു അന്ന് പാടിയത് (ഗുല്ബലോച്ച്).
പിന്നീട് ഉസ്താദ് വഹീദ്ഖാന്, തന്റെ സുഹൃത്തായ സംഗീതഞ്ജന് നൗഷാദ് അലിയെ റാഫിക്ക് പരിചയപ്പെടുത്തി. . അത് റാഫിയുടെ സംഗീത ജീവിതത്തിന്റെ വഴിത്തിരിവായിരുന്നു. ആദ്യം കോറസ് ഗാനം പാടുകയും പിന്നീട് നൗഷാദലി തന്നെ 'ജഗ്നു' എന്ന ചിത്രത്തില് പാടിക്കുകയായിരുന്നു. യഹാ ബദ്ലാ വഹാനാ എന്ന ഗാനത്തോടെയായിരുന്നു റാഫി നൗഷാദ് അലി കൂട്ടുകെട്ടിന്റെ തുടക്കം. പിന്നീട് 'ഓ ദുനിയാക്കെ രക്വാലെ ' എന്ന ഗാനമടക്കം നിരവധി ഹിറ്റുകള് ഇവരുടേതായി പുറത്തിറങ്ങി. 1950,1960 കാലഘട്ടത്തില് സൈഗളും, തലത്ത് മഹമൂദും, മുകേഷും ഹിന്ദിസംഗീത ലോകത്ത് തിളങ്ങി നില്ക്കുമ്പോഴാണ് മുഹമ്മദ് റാഫിയുടെ അരങ്ങേറ്റം. സരാസാമ്നെത്തോ ആവേ ചലിയെ (രാത്ത് കെ അന്ധേെര മെ) ചല് ഉഡ്ജാരെ പംച്ചി (ബാബി) യെ ദുനിയാക്കെ രക്വാലെ (ബൈയ്ക്കു ഭാവ്റ) സുഹാനി രാത്ത് ദല് ചുക്കി(ദുലാരി) യെ ദുനിയാ യെ മെഹഫില് (ഹിര്രാഞ്ജ ജാ) തുടങ്ങിയ ഹിറ്റുഗാനങ്ങള് ആ കാലത്ത് റാഫിയെ ഹിന്ദി സിനിമയുടെ ഒരു ഹരമാക്കി മാറ്റുകയാണ് ചെയ്തത്.
1948ല് രാഷ്ട്രപിതാവ് ഗാന്ധിജി വെടിയേറ്റ് മരിച്ചപ്പോള് റാഫി ഗാന്ധിജിയെ അനുസ്മരിച്ച് പാടിയ 'സുനോ സുനോ ഓ ദുനിയാവാലോ ബാബുജി കി അമര് കഹാനി' എന്ന ഗാനം ഭാരതം മുഴുവന് അലയടിച്ചു. ഇന്ത്യയുടെ ഒന്നാം റിപ്പബ്ലിക് ദിനത്തില് പാടാനും പ്രധാനമന്ത്രി നെഹ്റു അടക്കമുള്ളവരുടെ പ്രശംസ പിടിച്ചുപറ്റാനും റാഫിക്ക് സാധിച്ചു. നെഹ്റുവിന്റെ ആവശ്യപ്രകാരം കാശ്മീര് താഴ്വരയും യുദ്ധ ക്യാമ്പുകളും സന്ദര്ശിച്ച് സൈനികര്ക്ക് ആവേശം പകരാന് ദേശഭക്തി ഗാനങ്ങള് റാഫി ആലപിച്ചു.
റാഫിയും മുന് രാഷ്ട്രപതി ഡോ. എസ്. രാധാകൃഷ്ണനും |
ഒരിക്കല് ഫിലിംഫെയര് വിശേഷിപ്പിച്ചത് പോലെ എല്ലാ നടന്മാര്ക്കും അനുയോജ്യമായ രീതിയില് പാടാന് കഴിവുള്ള ഗായകന് (താരങ്ങളുടെ ശബ്ദം) കൂടിയായിരുന്നു റാഫി. പൃഥ്വിരാജ് കപൂര് മുതല് ഋഷി കപൂര് വരെയും ദിലീപ് കുമാര് മുതല് ഗോവിന്ദവരെയുള്ള നടന്മാര്ക്ക് റാഫി ശബ്ദം നല്കി. ഈയിടെ അന്തരിച്ച ബോളിവുഡ്ഡിലെ ആദ്യത്തെ സൂപ്പര്സ്റ്റാര് രാജേഷ് ഖന്നയ്ക്ക് അധിക ഗാനങ്ങളും കിഷോര് കുമാറായിരുന്നു പാടിയത്. 1980 ലെ ഖന്ന-കിഷോര് തരംഗത്തിനിടയിലും രാജേഷ് ഖന്നയ്ക്ക് വേണ്ടി റാഫി പാടിയിരുന്നു. ഹാത്തി മേരാ സാത്തിയിലെ പ്രശസ്ത ഗാനം നഫ്റത്ത് കി ദുനിയാക്കൊ ചോഡ്തോ അതിലൊന്ന് മാത്രം.
B.S. Mahmood |
റാഫി പാടിപതിപ്പിച്ചതുപോലെ 'തും മുജെയും ദുലാന പാഓഗെ............ ജബ് കബീ ഭീ സുനോകെ ഗീത് മേരെ............. (എന്റെ ഗാനങ്ങള് കേട്ട് കൊണ്ടിരിക്കുവോളം നിങ്ങള്ക്ക് എന്നെ അങ്ങനെ മറക്കാന് കഴിയില്ല)
-ബി.എസ്. മഹ്മൂദ്
Keywords: Article, Singer, B.S. Mahmood, Song, Mohammed Rafi