ന്യൂഡല്‍ഹി: കേന്ദ്ര ധനമന്ത്രിയായി പി ചിദംബരത്തെ വീണ്ടും നിയമിച്ചു. പ്രണബ് മുഖര്‍ജി രാഷ്ട്രപതിയായതിനെ തുടര്‍ന്നാണ് ചിദംബരം വീണ്ടും ധനമന്ത്രിയായത്. ഇതോടെ ചിദംബരം വഹിച്ചിരുന്ന ആഭ്യന്തരവകുപ്പിന്റെ ചുമതല സുഷീല്‍ കുമാര്‍ ഷിന്‍ഡെയ്‌ക്ക് നല്കി.
ഷിന്‍ഡെ വഹിച്ചിരുന്ന ഊര്‍ജ വകുപ്പിന്റെ അധിക ചുമതല വീരപ്പ മൊയ്‌ലിക്ക് നല്കി. പ്രണബ് മുഖര്‍ജി രാജിവച്ചതിനെ തുടര്‍ന്ന് ധനകാര്യം പ്രധാനമന്ത്രി മന്‍മോഹന്‍ സിംഗ് വഹിച്ച് വരികയായിരുന്നു.
മൂന്നര വര്‍ഷത്തെ ഇടവേളയ്‌ക്ക് ശേഷമാണ് 66കാരനായ ചിദംബരം ധനമന്ത്രിയായി തിരിച്ചെത്തുന്നത്. 2008ലെ മുംബയ് ഭീകരാക്രമണത്തെ തുടര്‍ന്ന് ശിവ്‌രാജ് പാട്ടീല്‍ സ്ഥാനമൊഴിഞ്ഞപ്പോഴാണ് ചിദംബരം ആഭ്യന്തര മന്ത്രിയായത്.
English Summery
Chidambaram back as finance minister, Shinde gets home