യെദ്യൂരപ്പയുടെ പൗത്രിയുടെ കല്യാണത്തിന് ബി.ജെ.പി അധ്യക്ഷന്‍ നിതിന്‍ ഗഡ്കരി, ഗുജറാത്ത് മുഖ്യമന്ത്രി നരേന്ദ്രമോഡി, മുന്‍ അധ്യക്ഷന്‍ രാജനാഥ് സിങ്, അരുണ്‍ ജെയ്റ്റ്‌ലി തുടങ്ങി പാര്‍ട്ടിയിലെ ഒന്നാംനിര നേതാക്കള്‍ ബുധനാഴ്ച മുതല്‍ പൂന്തോട്ട നഗരിയിലെത്തിയിട്ടുണ്ട്. പാലസ് ഗ്രൗണ്ടിലെ ഗായത്രിവിഹാറിലാണ് വിവാഹം.
യെദ്യൂരപ്പയുടെ രാഷ്ട്രീയരംഗത്തെ ശത്രുക്കള്‍ മുതല്‍ ഗവര്‍ണര്‍ എച്ച്.ആര് ഭരദ്വാജ്, ബിസിനസ് രംഗത്തെ പ്രമുഖര്‍, സാമൂദായിക മഠാധിപതികള്‍, സിനിമാതാരങ്ങള്‍ തുടങ്ങിയവരും ബുധനാഴ്ച നടന്ന സല്‍ക്കാരത്തില്‍ പങ്കെടുത്തു.
വിവാഹചടങ്ങുകളില്‍ മുന്‍ കേന്ദ്ര ആഭ്യന്തരമന്ത്രി എല്‍.കെ അഡ്വാനി, പാര്‍ട്ടി ജനറല്‍ സെക്രട്ടറിയും എം.പിയുമായ എച്ച്.എന്‍. അനന്തകുമാര്‍ എന്നിവരുടെ അസാന്നിധ്യം ശ്രദ്ധിക്കപ്പെട്ടു. കര്‍ണാടക മുഖ്യമന്ത്രി ഡി.വി സദാനന്ദഗൗഡ ഗായത്രിവിഹാറില്‍ നിറഞ്ഞു നിന്നു.
Keywords: Bangalore, B.S.Yeddyurappa, Wedding Reception , BJP, Harthal