ബോളീവുഡ് ചുംബനവീരന്‍ ഇമ്രാന്‍ ഹാശ്മിയെ തോല്‍പിക്കാന്‍ കഴിഞ്ഞില്ലെങ്കിലും മലയാള നായകന്മാരിലെ ചുംബന വീരന്‍ താനാണെന്ന്‌ ഫഹദ് ഫാസില്‍. ചുംബിക്കാന്‍ മിടുക്കനായതുകൊണ്ട് ചാപ്പാകുരിശിലെ ചുംബന രംഗം ഒറ്റ ടേക്കില്‍ ഓകെ ആയെന്ന്‌ ഫഹദ്. കഥ ആവശ്യപ്പെട്ടതായിരുന്നു ചാപ്പാ കുരിശിലെ ചുംബന രംഗം. ഈ രംഗത്തെക്കുറിച്ച് സംവിധായകന്‍ നേരത്തേതന്നെ തന്നോടും രമ്യ നമ്പീശനോടും പറഞ്ഞിരുന്നു. ചുംബനരംഗത്തില്‍ അഭിനയിക്കുമ്പോള്‍ ഇരുവര്‍ക്കും യാതൊരു ടെന്‍ഷനുമുണ്ടായിരുന്നില്ല. എന്നാല്‍ സിനിമ റിലീസായി കഴിഞ്ഞപ്പോള്‍ എന്തോ വലിയ അപരാധം ചെയ്തപോലെയാണ്‌ ചിലര്‍ സംസാരിച്ചത്‌- ഫഹദ് വ്യക്തമാക്കി.
