ഈ സംഭവത്തിന് ശേഷം ഇടുക്കി, പത്തനംതിട്ട ജില്ലകളില്‍ മാറി മാറി താമസിച്ചു വരികയായിരുന്നു അജയന്‍. അജയന്റെ ഫോട്ടോ പതിച്ച ലുക്കൌട്ട് നോട്ടീസും പോലീസ് പുറപ്പെടുവിച്ചിരുന്നു. ഇയാളുടെ മൊബൈല്‍ ഫോണ്‍ പിന്തുടര്‍ന്ന് അന്വേഷണ സംഘം പത്തനംതിട്ടയില്‍ എത്തിയപ്പോഴേക്കും അവിടെ നിന്നും ഇയാള്‍ മുങ്ങിയിരുന്നു. കഴിഞ്ഞ ദിവസം ചിലന്തി കടിച്ചതിനെ തുടര്‍ന്ന് ഇയാള്‍ ചികിത്സയ്ക്കായി മലയിന്‍കീഴുള്ള സഹോദരിയുടെ വീട്ടിലെത്തി. ഇതറിഞ്ഞ് നെടുമങ്ങാട് ഡി.വൈ.എസ്.പിയുടെ നേതൃത്വത്തിലുള്ള അന്വേഷണ സംഘം സ്ഥലത്തെത്തിയപ്പോള്‍ ഇയാള്‍ മലയിന്‍കീഴുള്ള ബീവറേജസിന്റെ ഔട്ടിലെറ്റില്‍ മദ്യം വാങ്ങാന്‍ ക്യൂ നില്‍ക്കുകയായിരുന്നു ഇവിടെ നിന്നുമാണ് ഇയാളെ പോലീസ് അറസ്റ്റ് ചെയ്തത്. പിന്നീട് ഇയാളുമായി ഡി.വൈ.എസ്.പിയുടെ നേതൃത്വത്തിലുള്ള പോലീസ് സംഘം മക്കിയിലെത്തി തെളിവെടുപ്പ് നടത്തിയ ശേഷം തിങ്കളാഴ്ച നെടുമങ്ങാട് കോടതിയില്‍ ഹാജരാക്കി. പ്രതിയെ 14 ദിവസത്തേക്ക് കോടതി റിമാന്റ് ചെയ്തു.
Keywords: Rape, Case, Youth, Arrest, Thiruvananthapuram, Kerala