Follow KVARTHA on Google news Follow Us!
ad

കാസര്‍കോട് വെടിവെയ്പ്പ്: രാംദാസ് പോത്തനെതിരെ സി.ബി.ഐ കൊലക്കേസ് എടുത്തു


Ramdas Pothan
കൊച്ചി: കാസര്‍കോട് വെടിവെയ്പ്പ് സംഭവത്തില്‍ പോലീസ് സുപ്രണ്ടായിരുന്ന രാംദാസ് പോത്തനെ പ്രതിയാക്കി സി.ബി.ഐ കൊലക്കേസ് രജിസ്റ്റര്‍ ചെയ്തു. ചീഫ് ജുഡീഷ്യല്‍ മജിസ്‌ട്രേട്ട് കോടതിയില്‍ ചൊവ്വാഴ്ച പ്രഥമ വിവര റിപോര്‍ട്ട് ഫയല്‍ ചെയ്തു. രാംദാസ് പോത്തനെതിരെ കേസെടുത്തിട്ടുണ്ടെങ്കിലും അന്വേഷണവുമായി മുന്നോട്ട് പോകുമെന്ന് സി.ബി.ഐ വ്യത്തങ്ങള്‍ അറിയിച്ചു.
2009 നവംബര്‍ 15ന് മുസ്‌ലിം ലീഗ് യോഗത്തെ തുടര്‍ന്ന് നടന്ന അക്രമത്തില്‍ പോലീസ് സൂപ്രണ്ടായിരുന്ന രാംദാസ് പോത്തന്റെ വെടിയേറ്റ് മുഹമ്മദ് ഷഫീഖ് എന്ന യൂത്ത് ലീഗ് പ്രവര്‍ത്തകന്‍ കൊല്ലപ്പെട്ടിരുന്നു.

പോലീസ് അന്വേഷണം തൃപ്തികരമല്ലെന്നും കേസ് സിബിഐ ഏറ്റടുക്കണമെന്നും ആവശ്യപ്പെട്ടാണ് ശഫീഖിന്റെ പിതാവ് കോടതിയെ സമീപിച്ചത്. ഇതേക്കുറിച്ചുള്ള സിബിഐ അന്വേഷണത്തിനാണ് ഹൈക്കോടതി ഇക്കഴിഞ്ഞ സെപ്തംബറില്‍ അനുമതി നല്‍കിയിരുന്നത്.

സി.ബി.ഐ അന്വേഷണത്തിന് എതിരെ മുമ്പ് ഹൈക്കോടതി നല്‍കിയ അനുമതി എല്‍ഡിഎഫ് സര്‍ക്കാര്‍ അപ്പീല്‍ നല്‍കി ചോദ്യം ചെയ്തിരുന്നു. എന്നാല്‍ അപ്പീല്‍ പിന്‍വലിച്ചുകൊണ്ട് യു.ഡി.എഫ് സര്‍ക്കാര്‍ അപേക്ഷ നല്‍കിയതോടെ സി.ബി.ഐ അന്വേഷണത്തിന് വഴിയൊരുങ്ങി. വെടിയേറ്റ് മരിച്ച ഷഫീഖിന്റെ പിതാവ് നല്‍കിയ ഹര്‍ജിയില്‍ ഹൈക്കോടതി നേരത്തെ അഞ്ചുലക്ഷം രൂപ നഷ്ടപരിഹാരത്തിന് ഉത്തരവിട്ടിരുന്നു.




Keywords: Kasaragod, Police firing, Case, Ramdas Pothan, CBI, League, BJP, CPM, വെടിവെപ്പ്, കാസര്‍കോട്, കേസ്

Post a Comment