KVARTHA: MALAYALAM NEWS | NEWS PAPER LIVE | KERALA | ENTERTAINMENT

നിയമ യുദ്ധത്തിന് വിരാമം: കുഞ്ഞാറ്റ ഇനി ഉര്‍വ്വശിക്ക്

2012-05-31T10:28:00.000+05:30

കൊച്ചി: താരദമ്പതികളായ മനോജ് കെ ജയനും ഉര്‍വശിയും തമ്മില്‍ മകള്‍ കുഞ്ഞാറ്റയുടെ രക്ഷകര്‍തൃത്വത്തിന് വേണ്ടി നടത്തിയ നിയമ യുദ്ധത്തിന് പരിസമാപ്തി. ഉര്‍വശിക്കു കുഞ്ഞാറ്റയെ വിട്ടുകൊടുക്കാന്‍ ബുധനാഴ്ച എറണാകുളം കുടുംബ കോടതിയാണ് ഉത്തരവിട്ടത്. വിവാഹബന്ധം വേര്‍പിരിഞ്ഞതിനുശേഷമാണ് ഇരുവരും മകള്‍ക്കുവേണ്ടി അഞ്ചുവര്‍ഷം നീണ്ട നിയമയുദ്ധത്തിലേര്‍പ്പെട്ടത്.

അതിനിടെ മനോജ് പുനര്‍വിവാഹിതനായി. ഈ വിവരം ഉര്‍വ്വശി കോടതിയെ ബോധിപ്പിക്കുകയായിരുന്നു. 'ഒരമ്മയുടെ സ്‌നേഹം മുഴുവന്‍ കുഞ്ഞാറ്റയ്ക്കു നല്‍കണം. മകള്‍ക്കുവേണ്ടി ജീവിക്കാന്‍ മറ്റൊരു വിവാഹ ജീവിതം ഉണ്ടാകരുതെന്നാണു ഞാന്‍ ആഗ്രഹിച്ചത്. ഉര്‍വശി പറഞ്ഞു

കോടതി നിര്‍ദേശം അനുസരിച്ച് പിതാവ് മനോജിന്റെ കൂടെയായിരുന്നു കുഞ്ഞാറ്റയുടെ താമസം. ആഴ്ചയില്‍ ഒന്നു വീതം മാതാവിനൊപ്പം നില്‍ക്കാനും കോടതി അനുവദിച്ചിരുന്നു. ലണ്ടന്‍ മലയാളി യുവതിയുമായി കഴിഞ്ഞ വര്‍ഷം മനോജ് കെ ജയന്‍ വിവാഹിതനായി. അതിലൊരു കുട്ടിയുണ്ട്.

വിവാഹബന്ധം വേര്‍പിരിഞ്ഞെങ്കിലും മനോജിനും ഉര്‍വശിക്കും കുഞ്ഞാറ്റയെ ജീവനാണ്. കുടുംബ കോടതിയുടെ വിധിക്കെതിരെ മനോജ് അപ്പീലിന് പോകുമോ എന്ന് കണ്ടറിയണം.

Keywords: Entertainment, Court Order, Kochi, Kerala, Manoj .k. jayan, Urvashi

പ്രേം നസീറിന്റെ പ്രതിമാനിര്‍മ്മാണത്തിനെതിരെ മുസ്ലിം സംഘടനകള്‍ രംഗത്ത്

2012-05-30T22:54:00.001+05:30

തിരുവനന്തപുരം: മലയാള സിനിമയുടെ നിത്യവിസ്മയം പ്രേം നസീറിന്റെ പ്രതിമാ നിര്‍മ്മാണത്തിനെതിരെ മുസ്ലിം സംഘടനകള്‍ രംഗത്ത്. പ്രതിമാ നിര്‍മ്മാണം ഇസ്ലാം മതവിശ്വാസത്തിന്‌ എതിരാണെന്നാണ്‌ സംഘടനകളുടെ നിലപാട്.

പ്രേം നസീറിന്റേയും സത്യന്റേയും പ്രതിമാനിര്‍മ്മാണം ഏതാണ്ട് പൂര്‍ത്തിയായപ്പോഴാണ്‌ സംഘടനകള്‍ പ്രതിഷേധവുമായി രംഗത്തെത്തിയത്. 10 ലക്ഷം രൂപയാണ്‌ നിര്‍മ്മാണച്ചിലവ്. അഭിനയം അനിസ്ലാമികമാണെങ്കിലും തൊഴില്‍ ആയതുകൊണ്ടാണ് എതിര്‍ക്കാത്തതെന്നാണ് ജമാഅത്തിന്റെ വിശദീകരണം.

English Summery

Islamists against statue of Prem Naseer

ഇപ്പോള്‍ കണ്ടത് സാമ്പിളാണെന്നും വമ്പന്‍ കാഴ്ചകള്‍ ഉടന്‍ ഉണ്ടാകുമെന്നും പൂനം

2012-05-30T15:34:00.000+05:30

മുംബൈ: ഐപിഎല്‍ കപ്പ് കൊല്‍ക്കത്ത നൈറ്റ് ട്രഡേഴ്‌സ് നേടിയതിനെ തുടര്‍ന്ന് ഷാരൂഖാന്റെ ടീമിനുവേണ്ടി തുണി ഉരിഞ്ഞ പൂനം പാണ്ഡെ പുതിയ കാഴ്ചകള്‍ ഉടന്‍ ഉണ്ടാകുമെന്ന പ്രഖ്യാപനവുമായി രംഗത്ത് വന്നു. ഇപ്പോള്‍ കണ്ടത് വെറും ട്രയല്‍ കാഴ്ചയാണെന്നും വമ്പന്‍ കാഴ്ചകള്‍ പുറകെ വരാനിരിക്കുയാണെന്നുമാണ് പൂനം പാണ്ഡെയുടെ പുതിയ വെളിപ്പെടുത്തല്‍. ഐ പി എല്ലില്‍ കൊല്‍ക്കൊത്തയുടെ വിജയത്തിനു ശേഷം വിവസ്ത്രയായ ഫോട്ടോ ട്വിറ്ററില്‍ പോസ്റ്റ് ചെയ്ത വിവാദനായികയായി മാറിയ പൂനം തന്റെ അടുത്ത ട്വിറ്റിലാണ് പുതിയ വെളിപ്പെടുത്തല്‍ നടത്തിയത്.

തന്റെ കന്നി ചിത്രം കൂടുതല്‍ കാഴ്ചകള്‍ക്കുള്ള മുന്നോടിയാണെന്നാണ് നടി പറയുന്നത്. ലോകത്തെമ്പാടുമുള്ള തന്റെ ആരാധകര്‍ക്കുവേണ്ടിയാണ് ചിത്രം സമര്‍പ്പിച്ചതെന്ന് പൂനം പറയുന്നു. നഗ്‌ന ചിത്രത്തിന് ലഭിച്ച ആഗോള സ്വീകാര്യതയ്തയ്ക്ക് പൂനം നന്ദി പ്രകടിപ്പിക്കുകയും ചെയ്തു.
എന്നില്‍ വിശ്വാസവും ക്ഷയും കാണിച്ചതിന് നന്ദി. അടുത്ത പ്രദര്‍ശനം കൂടുതല്‍ ചൂടേറിയതാകുമെന്ന് ഉറപ്പു നല്‍കുന്നു പൂനം ട്വിറ്ററില്‍ കുറിച്ചിട്ടു.

Keywords: Mumbai, National, Entertainment, IPL, Poonam Pandey, Twitter

റോസ്‌ലിന്‍ ഖാനും തുണിയുരിഞ്ഞു; നഗ്നയായത് ധോണിക്ക് വേണ്ടി

2012-05-30T10:44:00.000+05:30

മുംബൈ: ബോളീവുഡ് താരം പൂനം പാണ്ഡെ നഗ്നയായത് ഷാരൂഖ് ഖാനും കൊല്‍ക്കത്ത നൈറ്റ് റൈഡേഴ്സിനും വേണ്ടിയാണെങ്കില്‍ മറ്റൊരു ബോളീവുഡ് താരം റോസ്‌ലിന്‍ ഖാന്‍ തുണിയുരിഞ്ഞത് ഐപിഎല്ലില്‍ വീറോടെ മല്‍സരിച്ച് കിരീടം നഷ്ടപ്പെട്ട ചെന്നൈ സൂപ്പര്‍ കിംഗ്സ് ക്യാപ്റ്റന്‍ മഹേന്ദ്രസിംഗ് ധോണിക്ക് വേണ്ടിയാണ്‌.

പൂനം പാണ്ഡെ ട്വിറ്ററില്‍ പോസ്റ്റ് ചെയ്ത പൂര്‍ണ നഗ്നയായ ഫോട്ടോ നെറ്റില്‍ തരംഗമാകുന്നതിനിടയിലാണ്‌ റോസ്‌ലിനും നഗ്ന ഫോട്ടോ ട്വിറ്ററില്‍ പോസ്റ്റ് ചെയ്തിരിക്കുന്നത്. ധോണിയുടെ ടീം ഐപിഎല്‍ കിരീടം സ്വന്തമാക്കിയാല്‍ ധോണിയുമൊത്ത് ബിക്കിനി ഫോട്ടോ ഷൂട്ട് നടത്തുമെന്ന്‌ റോസ്‌ലിന്‍ നേരത്തേ വ്യക്തമാക്കിയിരുന്നു. അണ്ണാ ഹസാരേ അഴിമതിക്കെതിരെ അനിശ്ചിതകാല നിരാഹാര സമരത്തിലേര്‍പ്പെട്ടപ്പോള്‍ ശരീരം മുഴുവന്‍ ത്രിവര്‍ണം പൂശി മാധ്യമങ്ങള്‍ക്ക് മുന്‍പിലെത്തിയ താരമാണ്‌ റോസ്‌ലിന്‍.

Keywords: Mumbai, Sports, Entertainment, Dhoni, Model Rozlyn

ഒടുവില്‍ പൂനം പാണ്ഡെ വാക്കു പാലിച്ചു; തുണി ഊരിയെറിഞ്ഞു

2012-05-29T13:12:00.000+05:30

മുംബൈ: ഒടുവില്‍ പൂനം പാണ്ഡെ വാക്കു പാലിച്ചു. ചെന്നൈ സൂപ്പര്‍ കിങ്‌സിനെ തോല്‍പ്പിച്ച് കൊല്‍ക്കത്ത നൈറ്റ് റൈഡേഴ്‌സ് ഐപിഎല്‍ കിരീടം നേടിയതിനു പിന്നാലെയാണ് പൂനം പാണ്ഡെ പറഞ്ഞ വാക്ക് പാലിച്ച് തുണി ഊരിയെറിഞ്ഞത്.

കൊല്‍ക്കത്ത നൈറ്റ് റൈഡേഴ്‌സിന്റെ ടീമിന് പ്രചോദനമേകാന്‍ ഷാരൂഖ് ഖാനുവേണ്ടി നഗ്നയാകുമെന്നാണ് പൂനം പാണ്ഡെ പ്രഖ്യാപിച്ചത്. കൊല്‍ക്കത്ത നൈറ്റ് റൈഡേഴ്‌സിന്റെ ഐ.പി.എല്‍ വിജയത്തോടെ പൂനം തന്റെ നഗ്ന ചിത്രം ട്വിറ്ററില്‍ പോസ്റ്റ് ചെയ്യുകയായിരുന്നു. വിവസ്ത്രയായി കമിഴ്ന്നുകിടക്കുന്ന
നിലയിലാണ് പ്രശ്‌സത മോഡലും നടിയുമായ പൂനം പാണ്ഡെ ക്യാമറയ്ക്ക് പോസ് ചെയ്തത്. 18 വയസിനു മുകളിലുള്ളവര്‍ മാത്രമെ തന്റെ നഗ്ന ചിത്രം നോക്കാവൂ എന്ന മുന്നറിയിപ്പും പൂനം നല്‍കുന്നുണ്ട്.

ഐപിഎല്‍ വിജയികള്‍ക്കായി എന്തെങ്കിലും ചെയ്യുമെങ്കില്‍ അതിനുളള നീക്കം ഭീകരര്‍ പദ്ധതി തയ്യാറാക്കുന്നത് പോലെ അതീവ രഹസ്യമായിട്ടായിരിക്കും എന്ന് കഴിഞ്ഞ ദിവസം പൂനം പറഞ്ഞിരുന്നു. ഇന്ത്യന്‍ ടീം ലോകകപ്പ് നേടിയാല്‍ സ്റ്റേഡിയത്തില്‍ നഗ്നയായി ഓടുമെന്ന് പൂനം പാണ്ഡെ പറഞ്ഞതോടെയാണ് അവര്‍ വാര്‍ത്തകളില്‍ നിറഞ്ഞ് നിന്നത്. ഇന്ത്യ ലോകകപ്പ് ക്രിക്കറ്റ് കിരീടം നേടിയെങ്കിലും പൂനത്തിന് വാക്ക് പാലിക്കാന്‍ കഴിഞ്ഞിരുന്നില്ല. സാങ്കേതിക കാരണങ്ങളാലാണ് തനിക്ക് അന്ന് വാക്ക് പാലിക്കാന്‍ കഴിയാതിരുന്നതെന്നാണ് അവര്‍ അടുത്ത സുഹൃത്തുക്കളോട് പറഞ്ഞിരുന്നു. അന്നത്തെ പേരുദോഷം മാറ്റികൊണ്ടാണ് ഐ.പി.എല്‍ കിരീടത്തോടെ കൊല്‍ക്കത്തയ്ക്ക് വേണ്ടി പൂനം വിവസ്ത്രയായത്.

കറുത്ത നെക്ലൈസും, ബ്രേസ് ലൈറ്റും പൂനം ധരിച്ചിരുന്നു. ഷാരൂഖാന്റെ കടുത്ത ആരാധികയാണ് പൂനം. പ്രമുഖ സംവിധായകനായ അമിത് സെക്‌സേനയുടെ പുതിയ ചിത്രത്തില്‍ പൂനം നായികയാകുമെന്നും ശ്രൂതിയുണ്ട്. നഗ്ന ചിത്രം പുറത്ത് വന്ന ശേഷം 30ഓളം സിനിമകളില്‍ പൂനത്തിന് ഓഫര്‍ ലഭിച്ചിട്ടുണ്ട്.

പൂനത്തിന്റെ നഗ്നചിത്രം ഇതിനകം തന്നെ സോഷ്യല്‍നെറ്റ് വര്‍ക്ക് സൈറ്റുകളിലും ട്വിറ്ററിലും പടര്‍ന്ന് കയറുകയാണ്. പ്രധാന ചര്‍ച്ചകളെല്ലാം ഇപ്പോള്‍ പൂനം നഗ്നയായതിനെ കുറിച്ചാണ്. നഗ്ന ചിത്രം പോസ്റ്റ് ചെയ്തതിന് പൂനത്തിനെതിരെ കേസെടുക്കണമെന്നാവശ്യവുമായി വിവിധ സ്ത്രീ സംഘടനകള്‍ ഇതിനകം രംഗത്ത് വന്നിട്ടുണ്ട്.

Keywords: Mumbai, Poonam Pandey, IPL, Sports, Cricket

വിമര്‍ശകരുടെ വായടച്ച്‌ ഐശ്വര്യ കാന്‍ ഫെസ്റ്റില്‍

2012-05-26T09:34:00.000+05:30

പ്രസവശേഷം ശരീര സൗന്ദര്യം നഷ്ടപ്പെട്ടെന്ന്‌ ഏറെ കൊട്ടിഘോഷിച്ച പാശ്ചാത്യ മാധ്യമങ്ങളുടേയും വിമര്‍ശകരുടേയും വായടച്ച് ഐശ്വര്യ കാനിലെ റെഡ് കാര്‍പെറ്റിലെത്തി. കറുത്ത ഗൗണില്‍ റെഡ് കാര്‍പെറ്റിലെത്തിയ ഐശ്വര്യയിലായിരുന്നു എല്ലാ ക്യാമറകണ്ണുകളും. അമ്മയായ ശേഷം ഇതാദ്യമായാണ്‌ ഐശ്വര്യ ഒരു പൊതുപരിപാടിയില്‍ പങ്കെടുക്കുന്നത്.

അതീവ സുന്ദരിയായാണ് ഐശ്വര്യ കാന്‍ ഫെസ്റ്റി വലില്‍ എത്തിയത്. കഴിഞ്ഞമാസമാണ് തടിച്ച് മുഖസൗന്ദര്യം നഷ്ടപ്പെട്ട നിലയിലുള്ള ഐശ്വര്യയുടെ ഫോട്ടോ പുറത്തിറങ്ങിയത്. ആനയുടെ ശബ്ദം പശ്ചാത്തലമായി കൊടുത്ത് ഈ ചിത്രങ്ങള്‍ ഒരു വെബ്സൈറ്റ് വീഡിയോ രൂപത്തില്‍ പുറത്തിറക്കിയിരുന്നു. അഞ്ച് ലക്ഷത്തിലേറെ ആളുകള്‍ ഈ വീഡിയോ കാണുകയും ചെയ്തിരുന്നു.

English Summery

We'll give Aishwarya Rai Bachchan points for sheer gutsiness, and for metaphorically thumbing her nose at the weight watchers. Her fourth outfit at Cannes is possibly her most adventurous look ever, even though it shows almost no skin. Not only does the dark grey, spangly gown cling to every supersize curve, it also defines her plus size waist with a thin belt. But Ash clearly doesn't care if she looks fat or not, and we're giving her a rousing cheer for it.

വീണാമാലിക് കന്നടയില്‍ 'ഡേര്‍ട്ടി' നായികയാകും

2012-05-25T12:00:00.000+05:30

ബാംഗ്ലൂര്‍: പാകിസ്താനി മോഡലും നടിയുമായ വീണാ മാലിക് ഡേര്‍ട്ടി പിക്ച്ചറിന്റെ നായികയാകും. ഇതിന്റെ ഫോട്ടോ ഷൂട്ടിന് വീണാമാലിക് പൂന്തോട്ട നഗരത്തില്‍ കഴിഞ്ഞ ദിവസം വിമാനമിറങ്ങി.

ഇനിയുള്ള രണ്ട് ദിവസം വീണ ബാംഗ്ലൂരിലുണ്ടാകും. അഭയ നായിഡു സ്റ്റുഡിയോയില്‍ ഫോട്ടോ ഷൂട്ടിന് ആറര ലക്ഷം രൂപയുടെ സജ്ജീകരണമാണ് ഒരുക്കിയത്. ഇന്ത്യയിലെ തന്റെ പ്രിയനാടാണ് ബാംഗ്ലൂര്‍. ഈ പൂന്തോട്ട നഗരം എന്നെ എന്നെന്നും ആകര്‍ഷിക്കുകയും ഇവിടെ എത്താന്‍ എന്നും ആഗ്രഹിക്കാറുണ്ടെന്നും വീണ മാധ്യമ പ്രവര്‍ത്തകരോടു പറഞ്ഞു.

വിദ്യാബാലന്‍ തരംഗമാക്കിയ ഡേര്‍ട്ടി പിക്ച്ചറിന്റെ കന്നട പതിപ്പിനു അനുയോജ്യമായ നായിക വീണ തന്നെയാണെന്നു സംവിധായകന്‍ ത്രിശൂല്‍ ഉറപ്പിക്കുന്നു. വിദ്യയെക്കാള്‍ മികച്ച പ്രകടനം വീണ വെള്ളിത്തിരയില്‍ കാഴ്ച വെയ്ക്കും, ത്രിശൂല്‍ പറഞ്ഞു. ഗോവ, മൈസൂര്‍, ബാംഗ്ലൂര്‍, ശ്രീലങ്ക എന്നിവിടങ്ങളിലായിരിക്കും കന്നട പതിപ്പിന്റെ ചിത്രീകരണം.

കന്നടയിലെ മുന്‍നിര നടിക്കുള്ള പ്രതിഫലത്തിന്റെ നാലിരിട്ടിയാണ് വീണയ്ക്ക് കരാറായാതെന്ന് നിര്‍മ്മാതാവ് വെങ്കിടപ്പ പറഞ്ഞു. വീണയെ കാത്ത് രണ്ടാഴ്ച മുമ്പ് സെറ്റ് ഒരുക്കിയിരുന്നു. അസൗകര്യം മൂലം നടി എത്തിയില്ല. ഇത് മൂലം ആറര ലക്ഷം രൂപയുടെ നഷ്ടം നേരിട്ടു.

എഫ്.എച്ച്.എം. മാഗസിന്റെ ഇന്ത്യന്‍ പതിപ്പില്‍ നഗ്‌നയായി പ്രത്യക്ഷപ്പെട്ട വീണാ മാലിക്ക് എന്നും വിവാദങ്ങളുടെ തോഴിയാണ്. ഒരു കാലത്ത് പാക് ക്രിക്കറ്റ് താരം മുഹമ്മദ് ആസിഫിന്റെ കാമുകിയായിരുന്നു. ക്രിക്കറ്റ് വാതുവെപ്പ് കേസില്‍ അദ്ദേഹത്തിനെതിരെ മൊഴി നല്‍കിയതും വിവാദമായിരുന്നു. അതിനിടെ ഒരു ഹിന്ദി ചിത്രത്തിന്റെ ഷൂട്ടിങ്ങിനിടയില്‍ മുംബൈയില്‍ കാണാതായ സംഭവവും വീണയെ പുതിയ വിവാദ വാര്‍ത്തകളില്‍ മുന്‍ നിരയിലെത്തിച്ചിരുന്നു.

Keywords: Bangalore, Entertainment, Veena malik

ഐസ്ക്രീം കേസിലെ വിവാദനായിക റജീനയുടെ ജീവിതം സിനിമയിലേയ്ക്ക്

2012-05-25T10:32:00.000+05:30

കേരള രാഷ്ട്രീയത്തെ പിടിച്ചുകുലുക്കിയ ഐസ്ക്രീം കേസിലെ വിവാദനായിക റജീനയുടെ ജീവിതം സിനിമയിലേയ്ക്ക്. സാമുവലിന്റെ മക്കള്‍ എന്ന ചിത്രത്തിലൂടെയാണ്‌ സംവിധായകന്‍ റജീനയുടെ ജീവിതം സിനിമയിലേയ്ക്ക് പകര്‍ത്തുന്നത്. റജീനയുടെ വേഷം ചിത്രത്തില്‍ അവതരിപ്പിക്കുന്നത് മീരാജാസ്മിനാണ്‌. ലാല്‍ ജോസ് സംവിധാനം ചെയ്ത അച്ഛനുറങ്ങാത്ത വീട് എന്ന ചിത്രത്തിന്റെ രണ്ടാം ഭാഗമാണ്‌ സാമുവലിന്റെ മക്കള്‍. സാമുവലിന്റെ മക്കളുടെ രചനയും സംവിധാനവും നിര്‍വ്വഹിക്കുന്നത് ബാബു ജനാര്‍ദ്ദനനാണ്‌. ചിത്രം അടുത്തമാസം പത്തിനാരംഭിക്കും.

Keywords: Entertainment, Ice cream case, Kerala, Rejina, Film

ആനക്കൊമ്പ് കേസ്: മോഹന്‍ലാല്‍ 'ഒളിവിലെന്ന്' വനംവകുപ്പ്!

2012-05-24T16:51:00.000+05:30

തിരുവനന്തപുരം: മലയാളത്തിന്റെ സൂപ്പര്‍ താരം മോഹന്‍ലാലിന്റെ വീട്ടില്‍ നിന്ന് ആനക്കൊമ്പ് കണ്ടെത്തിയിട്ടും ഇതിനെതിരെ നടപടിയെടുക്കാന്‍ അമാന്തിക്കുന്ന വനംവകുപ്പ് അധികൃതരുടെ നിലപാടിനെതിരെ രാഷ്ട്രീയ രംഗത്തും നിയമവൃത്തങ്ങളിലും ചര്‍ച്ചമുറുകി.

വന്യജീവി സംരക്ഷണ നിയമപ്രകാരം കൈവശംവയ്ക്കുന്നത് നിരോധിച്ചിട്ടുള്ള ആനക്കൊമ്പ് കണ്ടെത്തിയിട്ടും അത് കൈവശക്കാരന്റെ വീട്ടില്‍ സൂക്ഷിക്കുന്നതിലുള്ള അനൗചിത്യമാണ് ചര്‍ച്ചയായത്. ഇതിലെ നിയമവിരുദ്ധത തിരിച്ചറിഞ്ഞിട്ടും വനംവകുപ്പ് ഉറക്കം നടിക്കുന്നത് മോഹന്‍ലാലിനെ രക്ഷിക്കാനാണെന്നാണ് ആരോപണം. തന്റെ മകനായ വനംവകുപ്പ് മന്ത്രിക്ക് ആനക്കൊമ്പ് കട്ടവരെ സംരക്ഷിക്കുന്നതിലും മറ്റുമാണ് താല്‍പര്യമെന്ന് ബാലകൃഷ്ണപിള്ള പത്രസമ്മേളനത്തില്‍ തുറന്നടിച്ചതും ജനം മറന്നിട്ടില്ല.

മോഹന്‍ലാലിന്റെ വീട്ടില്‍ നിന്ന് ഇന്‍കംടാക്‌സ് അധികൃതരാണ് ആനക്കൊമ്പ് പിടിച്ചെടുത്തത്. സംഭവത്തില്‍ മോഹന്‍ലാലിനെതിരെ കേസെടുക്കാത്ത നടപടി വ്യക്തമാക്കണമെന്നാവശ്യപ്പെട്ട് മലയാളത്തിലെ ഒരു ന്യൂസ് പോര്‍ട്ടല്‍ അധികൃതര്‍ വിവരാവകാശ നിയമപ്രകാരം അയച്ചകത്തിനുള്ള മറുപടിയല്‍ സുപ്പര്‍ താരത്തിന്റെ വീട്ടില്‍ നിന്ന് പിടിച്ചെടുത്തത് ആനക്കൊമ്പ് തന്നെയാണെന്ന് സമ്മതിച്ചിട്ടുണ്ട്.

2012 ഫെബ്രുവരി 29ന് വന്യജീവിവിഭാഗം ഡെപ്യൂട്ടി ഫോറസ്റ്റ് കണ്‍സര്‍വേറ്റര്‍ക്ക് സമര്‍പ്പിക്കപ്പെട്ട അപേക്ഷ, മലയാറ്റൂര്‍ ഡിവിഷണല്‍ ഫോറസ്റ്റ് ഓഫീസര്‍് ഡെപ്യൂട്ടി കണ്‍സര്‍വേറ്റര്‍ക്ക് അയച്ചുകൊടുക്കുകയായിരുന്നു. ഇതേതുടര്‍ന്ന് ലഭിച്ച വിവരങ്ങളിലാണ് ആനക്കൊമ്പാണെന്ന് സംശയിക്കപ്പെട്ട വസ്തു ആനക്കൊമ്പുതന്നെ എന്ന് വ്യക്തമാക്കപ്പെട്ടിട്ടുള്ളത്.

ഇന്‍കംടാക്‌സ് ഉദ്യോഗസ്ഥര്‍ കണ്ടെടുത്ത ആനക്കൊമ്പാണെന്ന് സംശയിക്കപ്പെട്ട വസ്തു വനംവകുപ്പിന് എന്ന് കൈമാറ്റം ചെയ്യപ്പെട്ടുവെന്നുള്ള ചോദ്യത്തിന് അത് തങ്ങള്‍ക്ക് കൈമാറ്റം ചെയ്തിട്ടില്ലെന്ന രസകരമായ വിവരമാണ് ലഭ്യമായത്. അതേസമയം കൈമാറ്റം ചെയ്യപ്പെടാതെ പ്രസ്തുത വസ്തു ആനക്കൊമ്പാണെന്ന് വനംവകുപ്പ് ഉദ്യോഗസ്ഥര്‍ എങ്ങനെ തിട്ടപ്പെടുത്തിയെന്ന സംശയം അവശേഷിപ്പിക്കുന്നു. ഈ സംശയങ്ങള്‍ ദൂരീകരിക്കാന്‍ വനംവകുപ്പ് അധികൃതര്‍ ബാധ്യസ്ഥരാണ്. 2011 ഒക്‌ടോബര്‍ 15ന് ഇതുസംബന്ധിച്ച നിയമസഭാചോദ്യത്തിന് ആനകൊമ്പാണെന്ന് തിട്ടപ്പെടുത്തുവാനുള്ള പരിശോധനകള്‍ തുടരുന്നുവെന്നായിരുന്നു വനംവകുപ്പ് മന്ത്രിയുടെ മറുപടി.

'മോഹന്‍ലാല്‍ സ്ഥലത്ത് ഇല്ലാത്തതിനാല്‍ ഇദ്ദേഹത്തെ നേരില്‍ കണ്ട് മൊഴിയെടുക്കുന്നതിനോ രേഖകള്‍ പരിശോധിക്കുന്നതിനോ' കഴിഞ്ഞിട്ടില്ലെന്നും ഡിഎഫ്ഒയുടെ കത്ത് പറയുന്നു. ആനക്കൊമ്പ് തങ്ങളുടെ കസ്റ്റഡിയിലില്ലെന്നു പറയുന്ന വനംവകുപ്പ് അത് ലാലിന്റെ തേവരയിലെ വീട്ടിലാണെന്നും പറയുന്നുണ്ട്.

Keywords: Kerala, Thiruvananthapuram, Mohan lal, Actor, Malayalam Film, Cinema, Entertainment, Case.

രണ്ടരക്കോടിയുടെ തട്ടിപ്പ് നടത്തിയ ബോളീവുഡ് നടി ടുലീപ് സിംഗ് ഒളിവില്‍

2012-05-24T16:42:00.000+05:30

മുംബൈ: രണ്ടരക്കോടിയുടെ തട്ടിപ്പ് നടത്തിയ ബോളീവുഡ് നടി ടുലീപ് സിംഗ് ഒളിവില്‍. രണ്ടരക്കോടിയുടെ സ്വര്‍ണാഭരണങ്ങള്‍ വാങ്ങി പണത്തിനുപകരം ചെക്ക് നല്‍കിയാണ്‌ ടുലീപ് സിംഗ് തട്ടിപ്പ് നടത്തിയത്. അക്കൗണ്ടില്‍ പണമില്ലാതെയാണ്‌ നടി ചെക്ക് നല്‍കിയത്. ടുലീപിനൊപ്പം പങ്കാളിയായ കാമുകന്‍ രമണ്‍ നയ്യാര്‍ പോലീസ് കസ്റ്റഡിയിലാണ്‌. ഇരുവരും സമാനമായ രീതിയില്‍ 10 കോടിയുടെ തട്ടിപ്പ് നടത്തിയതായും സൂചനയുണ്ട്. ബോളീവുഡ് സിനിമകള്‍ക്ക് പുറമേ മറാഠി, ഭോജ്പൂരി സിനിമകളിലും ടുലീപ് സിംഗ് അഭിനയിച്ചിട്ടുണ്ട്. നടിക്കായി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്.

English Summery

police declared look out notice against actress who faked 2.50 crores.

മേഘ്ന രാജ് പോലീസ് വേഷത്തിലെത്തുന്നു

2012-05-23T15:45:00.001+05:30

വ്യത്യസ്ത വേഷങ്ങള്‍കൊണ്ട് ശ്രദ്ധേയയാവുകയാണ്‌ മേഘന രാജ്. ബ്യൂട്ടിഫുള്‍ എന്ന ചിത്രത്തിനു ശേഷം നിരവധി ഓഫറുകളാണ്‌ മേഘ്നയ്ക്ക് ലഭിച്ചിരിക്കുന്നത്. കെ മധു സംവിധാനം ചെയ്യുന്ന 'ബാങ്കിംഗ് അവേഴ്സ്' എന്ന ചിത്രത്തിലൂടെയാണ്‌ മേഘ്ന പോലീസ് വേഷത്തിലെത്തുന്നത്. അനൂപ് മേനോനാണ്‌ ഈ ചിത്രത്തിലും നായകന്‍.

Keywords: Entertainment, Meghana Raj, Police role

ചലച്ചിത്രതാരം പ്രിയങ്ക വിവാഹിതയായി

2012-05-23T14:07:00.000+05:30

ചെന്നൈ: ചലച്ചിത്രതാരം പ്രിയങ്ക വിവാഹിതയായി. തമിഴ് സംവിധായകന്‍ ലോറന്‍സ് റാം ആണ്‌ വരന്‍. ആറ്റുകാല്‍ ക്ഷേത്രത്തില്‍ വച്ചായിരുന്നു വിവാഹം. മലയാളിയായ പ്രിയങ്ക സീരിയലുകളിലൂടെയാണ്‌ അരങ്ങേറ്റം കുറിച്ചത്. ടിവി ചന്ദ്രന്റെ വിലാപങ്ങള്‍ക്കപ്പുറം എന്ന ചിത്രത്തിലെ അഭിനയത്തിന്‌ മികച്ച നടിക്കുള്ള അവാര്‍ഡ് ലഭിച്ചിരുന്നു. വെയില്‍ എന്ന ചിത്രത്തിലൂടെയാണ്‌ പ്രിയങ്ക തമിഴ് ചലച്ചിത്ര രംഗത്തേയ്ക്ക് പ്രവേശിച്ചത്. ദീര്‍ഘനാളത്തെ പ്രണയത്തിനുശേഷമാണ്‌ ഇരുവരും വിവാഹിതരായത്‌.

English Summery

Priyanka ties the knot

തമിഴ് നടി ഉദയതാര വിവാഹിതയായി

2012-05-20T21:33:00.000+05:30

ചെന്നൈ: തമിഴ് നടി ഉദയതാര വിവാഹിതയായി. കൊച്ചി സ്വദേശി ജുബിന്‍ ജോസഫാണ്‌ വരന്‍. ദുബായ് ആസ്ഥാനമായി പ്രവര്‍ത്തിക്കുന്ന എയര്‍ ലൈന്‍സിലെ പൈലറ്റാണ്‌ ജുബിന്‍. കണ്ണും കണ്ണും, മലയാന്‍, വിളൈ എന്നീ ചിത്രങ്ങളില്‍ നായികാ വേഷത്തിലെത്തിയത് ഉദയതാരയാണ്‌. വീട്ടുകാര്‍ നിശ്ചയിച്ചുറപ്പിച്ച വിവാഹമായിരുന്നു ഇരുവരുടേയും. വിവാഹശേഷവും സിനിമയില്‍ സജീവമാകാനുള്ള ഒരുക്കത്തിലാണ്‌ ഉദയതാര.

English Summery

Tamil actress Udayathara, who made her debut in Tamil movie Thee Nagar and then went on to act in other Tamil movies like Kannum Kannum, Malayan and Vilai, tied the knot with Jubin Joseph in Kochi yesterday

ചുംബിക്കാന്‍ ശ്രമിച്ച റിപോര്‍ട്ടറുടെ കരണത്തടിച്ച വില്‍ സ്മിത്ത് വിവാദത്തില്‍

2012-05-20T11:09:00.000+05:30

മോസ്ക്കോ: ഓസ്ക്കാര്‍ അവാര്‍ഡ് ജേതാവും പ്രശസ്ത ഹോളീവുഡ് താരവുമായ വില്‍ സ്മിത്ത് വിവാദത്തില്‍. തന്നെ ചുംബിക്കാന്‍ ശ്രമിച്ച പുരുഷ ജേര്‍ണലിസ്റ്റിന്റെ കരണത്തടിച്ചതാണ്‌ വില്‍ സ്മിത്തിനെ വെട്ടിലാക്കിയത്. കാന്‍ ഫെസ്റ്റിവലില്‍ പങ്കെടുക്കുന്നതിനിടയില്‍ റെഡ് കാര്‍പറ്റില്‍ വച്ചാണ്‌ ഉക്രൈന്‍ ടെലിവിഷന്‍ ജേര്‍ണലിസ്റ്റ് വിറ്റലി സെഡ്യൂക്ക് വില്‍ സ്മിത്തിനെ ആലിംഗനം ചെയ്യാന്‍ ശ്രമിച്ചത്.

English Summery

Hollywood star Will Smith has slapped a male television reporter who tried to kiss him

യുവതിയെ ശല്യം ചെയ്ത റോയല്‍ ചലഞ്ചേഴ്സ് താരം അറസ്റ്റില്‍

2012-05-18T12:16:00.000+05:30

ന്യൂഡല്‍ഹി: യുവതിയെ ശല്യം ചെയ്തതിന്‌ റോയല്‍ ചലഞ്ചേഴ്സ് താരത്തെ അറസ്റ്റ് ചെയ്തു. ഓസ്ട്രേലിയന്‍ സ്വദേശിയായ ലൂക് പൊമര്‍ബഷ് ആണ്‌ അറസ്റ്റിലായത്. കഴിഞ്ഞ ദിവസം നടന്ന ഡല്‍ഹി ബംഗ്ലൂര്‍ മത്സരത്തിനു ശേഷം നടന്ന ഐപിഎല്‍ പാര്‍ട്ടിക്കിടെ ഒരു യുവതിയോട് അപമര്യാദയായി പെരുമാറുകയും യുവതിയുടെ ഭര്‍ത്താവിനെ മര്‍ദ്ദിക്കുകയും ചെയ്തതിനാണ്‌ താരത്തെ അറസ്റ്റ്‌ ചെയ്തത്.

Keywords: Arrest, Woman, IPL, New Delhi, Royal Challengers, Entertainment, Sports, National

സുരക്ഷാ ഉദ്യോഗസ്ഥര്‍ അപമര്യാദയായി പെരുമാറിയതാണ്‌ പ്രശ്നങ്ങള്‍ക്ക് തുടക്കമെന്ന്‌ ഷാരൂഖ്

2012-05-17T18:54:00.000+05:30

മുംബൈ: തന്റെ മക്കള്‍ക്കെതിരെ സുരക്ഷാ ഉദ്യോഗസ്ഥര്‍ അപമര്യാദയായി പെരുമാറിയതാണ്‌ വാങ്കഡെ സ്റ്റേഡിയത്തിലുണ്ടായ പ്രശ്നങ്ങള്‍ക്ക് കാരണമെന്ന്‌ ഷാരൂഖ്. ക്രിക്കറ്റ് അസോസിയേഷന്‍ ഏര്‍പ്പെടുത്തിയ ആജീവനാന്ത വിലക്ക് തനിക്ക് പ്രശ്നമില്ലെന്നും താന്‍ മദ്യപിച്ചിരുന്നില്ലെന്നും ഷാരൂഖ് വ്യക്തമാക്കി. ഇന്നലെ വാങ്കഡേ സ്റ്റേഡിയത്തില്‍ നടന്ന കൊല്‍ക്കത്ത നൈറ്റ് റൈഡേഴ്‌സ് മുംബൈ ഇന്ത്യന്‍സ് മത്സരത്തിനിടെയാണ് സംഭവം. മത്സരത്തില്‍ കൊല്‍ക്കത്ത ജയിച്ചതോടെ കിംഗ് ഖാന്‍ ആവേശത്തിലായി. ആവേശഭരിതനായ ഖാന്‍ ഗ്രൗണ്ടിലേയ്ക്ക് ഇറങ്ങാന്‍ ശ്രമിച്ചതോടെ സുരക്ഷാഉദ്യോഗസ്ഥര്‍ തടഞ്ഞതാണ് രംഗം വഷളാകാന്‍ കാരണം.

English Summery

Mumbai: Giving an explanation as to why he lost his cool Wednesday night at the Wankhede stadium, Shah Rukh Khan spoke to the media for the first time after the actor got into scuffle with the MCA officials.

ഫിലിം ക്രിട്ടിക്സ് അവാര്‍ഡുകള്‍ പ്രഖ്യാപിച്ചു; മോഹന്‍ ലാല്‍ മികച്ചനടന്‍

2012-05-17T13:15:00.000+05:30

തിരുവനന്തപുരം: ഈ വര്‍ഷത്തെ സംസ്ഥാന ഫിലിം ക്രിട്ടിക്സ് അവാര്‍ഡുകള്‍ പ്രഖ്യാപിച്ചു. പ്രണയമാണ്‌ മികച്ച ചിത്രം. പ്രണയത്തില്‍ മുഖ്യവേഷത്തിലെത്തിയ മോഹന്‍ ലാലാണ്‌ മികച്ച നടന്‍. റീമ കല്ലിങ്കല്‍ ആണ്‌ മികച്ച നടി. പ്രശസ്ത കവി ഒഎന്‍ വി കുറുപ്പിന്‌ ചലച്ചിത്ര രത്ന പുരസ്ക്കാരവും ലഭിച്ചു.

Keywords: Thiruvananthapuram, Kerala, Mohanlal, Award film, Entertainment, Best Actor

ഷഹീദ് അഫ്രിദിയുടെ ജീവിതം സിനിമയാകുന്നു

2012-05-17T12:51:00.000+05:30

ഇസ്ലാമാബാദ്: പ്രമുഖ പാക് ക്രിക്കറ്റ് താരം ഷഹീദ് അഫ്രീദിയുടെ ജീവിതം സിനിമയാകുന്നു. 'മേം ഹൂന്‍ ഷഹീദ് അഫ്രീദി' എന്ന്‌ പേരിട്ടിരിക്കുന്ന ചിത്രം ഹുമയൂണ്‍ സയീദും ഷഹ്സാദ് നസീബും ചേര്‍ന്നാണ്‌ നിര്‍മ്മിക്കുന്നത്. ഉസ്മാന്‍ അലി രാസ സംവിധാനം ചെയ്യുന്ന ചിത്രത്തില്‍ നിര്‍മ്മാതാവ് സയീദ് ടീമിന്റെ പരിശീലകനായി എത്തുന്നുണ്ട്. പാക്കിസ്ഥാന്‍ ക്രിക്കറ്റ് ബോര്‍ഡിന്റെ സഹകരണത്തോടെ ചിത്രത്തിന്റെ പകുതിയിലേറെ ഭാഗങ്ങള്‍ കറാച്ചിയില്‍ ചിത്രീകരിച്ച് കഴിഞ്ഞു. നൊമാന്‍ ഹബീബ് എന്ന 19കാരനാണ്‌ ഷഹീദ് അഫ്രീദിയായി ചിത്രത്തില്‍ മുഖ്യവേഷത്തിലെത്തുന്നത്. 32കാരനായ അഫ്രീദി ഇതുവരെ 27 ടെസ്റ്റ് മല്‍സരങ്ങളും 334 ഏകദിനങ്ങളും 46 ട്വന്റി 20 മല്‍സരങ്ങളും കളിച്ചിട്ടുണ്ട്. സ്പോര്‍ട്ട്സ് ചിത്രമായ 'ചക്ദേ ഇന്ത്യ' പാക്കിസ്ഥാനില്‍ വന്‍ വിജയമായിരുന്നു.

Keywords: Islamabad, sports, Entertainment, World, Shahid Afridi, Film

'ചലക് ദിഖ്‌ലാജ'യില്‍ ജയസൂര്യയും ആനന്ദിയും മല്‍സരാര്‍ത്ഥികളായെത്തുന്നു

2012-05-16T12:00:00.002+05:30

മുംബൈ: ബോളീവുഡ് താരം മാധുരി ദീക്ഷിത്ത് സെലിബ്രിറ്റി വിധികര്‍ത്താവായെത്തുന്ന ടെലിവിഷന്‍ റിയാലിറ്റി ഷോ 'ചലക് ദിഖ്‌ലാജ'യില്‍ ശ്രീലങ്കന്‍ ക്രിക്കറ്റ് താരം ജയസൂര്യയും പ്രമുഖ സീരിയല്‍ താരം ആനന്ദിയും മല്‍സരാര്‍ത്ഥികളായെത്തുന്നു.

ആകെ 12 സെലിബ്രിറ്റികളാണ്‌ പരിപാടിയില്‍ മല്‍സരാര്‍ത്ഥികളായെത്തുന്നത്. പ്രത്യൂഷ ബാനര്‍ജി, ഇഷ ഷര്‍വാണി, ഗായകന്‍ തളത്ത് അസീസ്, ഹാസ്യതാരം ഭാരതി എന്നിവരും മല്‍സരാര്‍ത്ഥികളാകുന്നുണ്ട്. റെമോ ഡിസൂസ, കരണ്‍ ജോഹര്‍ എന്നിവരാണ്‌ മറ്റ് വിധികര്‍ത്താക്കള്‍. സോണി ചാനലിലൂടെ പരിപാടി സംപ്രേഷണം ചെയ്യാനാണ്‌ തീരുമാനിച്ചിരുന്നതെങ്കിലും പിന്നീട് കളേഴ്സിലേയ്ക്ക് പരിപാടിയുടെ സംപ്രേഷണം മാറ്റുകയായിരുന്നു.

Keywords: Mumbai, Entertainment, Dance

നഷ്ടമായത് ഉദിച്ചുയര്‍ന്നുകൊണ്ടിരിക്കുന്ന വെള്ളിനക്ഷത്രം

2012-05-15T14:43:00.000+05:30

ഉത്തര നേപ്പാളിലെ മലനിരകളില്‍ തട്ടി ചെറു യാത്രാ വിമാനം കത്തിയെരിഞ്ഞപ്പോള്‍ 15 പേര്‍ കൊല്ലപ്പെടുകയും, അതില്‍ ഉദിച്ചുയര്‍ന്ന വെള്ളിനക്ഷത്രമായ മലയാളികളുടെ പ്രിയ ബാലതാരം തരുണിയുമുണ്ടെന്ന റിപ്പോര്‍ട്ട് മലയാളികളുടെ ഹൃദയത്തില്‍ വിങ്ങലാണുണ്ടാക്കിയത്.

രണ്ട് സിനിമകൊണ്ടുതന്നെ മലയാളികളുടെ പൊന്നോമനയായി മാറിയ തരുണിക്ക് പുതിയ അവസരങ്ങള്‍ വന്നുകൊണ്ടിരിക്കുന്നതിനിടെയാണ് ദാരുണമായ മരണവാര്‍ത്ത കേള്‍ക്കാന്‍ ഇടയായത്. സംവിധായകന്‍ വിനയന്റെ രണ്ട് ചിത്രങ്ങളിലാണ് തരുണി മലയാളത്തില്‍ ആകെ അഭിനയിച്ചത്. പ്രേത കഥയായ വെള്ളിനക്ഷത്രത്തില്‍ അഭിനയത്തിന്റെ ഒട്ടേറെ മുഹൂര്‍ത്തങ്ങളാണ് തരുണി അനശ്വരമാക്കിയത്. സത്യം എന്ന സിനിമയുടെ ഗതി തന്നെ മാറ്റിമറിക്കുന്ന കഥാപാത്രമായിരുന്നു ഈ കൊച്ചു അഭിനയിത്രിയുടേത്. മരിച്ചവരില്‍ തരുണിയുടെ മാതാവും ഉള്‍പ്പെട്ടിരുന്നു.

രസ്‌ന, കോള്‍ഗേറ്റ്, സഫോള, റിലയന്‍സ് മൊബൈല്‍ തുങ്ങി നിരവധി പരസ്യങ്ങളിലും മുംബൈ സ്വദേശിനിയായ തരുണിയുടെ പൊലിമ ശ്രദ്ധിക്കപ്പെട്ടിരുന്നു.

തന്റെ മനസില്‍ തരുണി തിളക്കമുള്ള ഒരു വെള്ളിനക്ഷത്രമാണെന്നാണ് വിനയന്‍ അനുസ്മരിച്ചത്. അഭിനയ രംഗത്ത് മികച്ച സംഭാവനകള്‍ ചെയ്യാന്‍ കഴിവുണ്ടായിരുന്ന അത്ഭുത പ്രതിഭയായിരുന്നു അകാലത്തില്‍ അണഞ്ഞുപോയത്. തരുണിയുടെ നൃത്തം പോലും കൊച്ചുകുട്ടികളുടെയും മുതിര്‍ന്നവരുടേയും ഹൃദയം കവര്‍ന്നിരുന്നു.

അമിതാഭ് ബച്ചനൊപ്പം ടിവി പരസ്യത്തിലൂടെയാണ് തരുണിയുടെ സിനിമയിലേക്കുള്ള ചുവടുമാറ്റം. അഭിനയരംഗത്തു വരുമ്പോള്‍ അഞ്ചുവയസുണ്ടായിരുന്ന തരുണിക്ക് മരിക്കുമ്പോള്‍ പതിമൂന്നു വയസായിരുന്നു. ഓമനത്തമുള്ള മുഖമാണ് തരുണിക്ക് പ്രേക്ഷക മനസില്‍ പ്രത്യേകം ഇടംലഭിക്കാന്‍ കാരണമായത്. ഇതുകൂടാതെ ആരിലും ഇഷ്ടം തോന്നിക്കുന്ന കുസൃതിയും തരുണിക്ക് കൈമുതലായുണ്ടായിരുന്നു. ഷൂട്ടിംഗ് ലോക്കേഷനുകളില്‍ എല്ലാവരുടേയും ഓമനയായിരുന്നു തരുണി എന്ന് സിനിമയില്‍ ഒന്നിച്ചു പ്രവര്‍ത്തിച്ചിരുന്നവര്‍ പറയുന്നു.

മലയാളം അറിയില്ലെങ്കിലും ഒന്നോ രണ്ടോ തവണ കാര്യങ്ങള്‍ പറഞ്ഞുകൊടുക്കുമ്പോള്‍ അത് ഭംഗിയായി അവതരിപ്പിക്കാന്‍ തരുണി മിടുക്കിയായിരുന്നു. അന്യഭാഷയില്‍ നിന്നും വരുന്ന മുതിര്‍ന്ന പല നായിക-നായകന്മാരും കഷ്ടപ്പെട്ട് മലയാള ഡയലോഗ് പറയാന്‍ പാടുപെടുന്നത് ഊറിചിരിക്കാന്‍ വക നല്‍കുന്നതാണെങ്കിലും തരുണിക്ക് ഇത്തരം വെല്ലുവിളകള്‍ ഒന്നും തന്നെ നേരിടേണ്ടി വന്നിരുന്നില്ലെന്ന് സിനിമയുടെ സാങ്കേതിക പ്രവര്‍ത്തകര്‍ പറയുന്നു. മലയാള സിനിമയിലെ കോമഡി സീനുകളില്‍ കോമഡി താരങ്ങള്‍ക്കൊപ്പം തരുണി കസറുന്ന പ്രകടനമാണ് കാഴ്ചവെച്ചത്. വെള്ളിനക്ഷത്രത്തില്‍ തരുണിയുടെ പ്രകടനം കണ്ട് കോമഡി തമ്പുരാന്‍ സലിംകുമാര്‍പോലും പൊട്ടിച്ചിരിച്ചിരുന്നു. തരുണിയുടെ നഷ്ടം മലയാളികള്‍ക്ക് ഏറെ നൊമ്പരമാണ് ഉണ്ടാക്കിയിട്ടുള്ളത്.

ഉത്തര നേപ്പാളില്‍ പര്‍വത മുകളിലെ വിമാനത്താവളത്തില്‍ ഇറങ്ങുന്നതിനിടെയാണ് ചെറു യാത്രാവിമാനം തകര്‍ന്നുവീണത്. പൊഖാര പട്ടണത്തില്‍നിന്നും ടിബറ്റ് അതിര്‍ത്തിയിലെ ജോംസോമിനടുത്തുള്ള പ്രമുഖ ഹിന്ദു തീര്‍ഥാടനകേന്ദ്രമായ മുക്തിനാഥിലേക്കു വിമാനം ചാര്‍ട്ടര്‍ ചെയ്തു പോയവരാണു ദുരന്തത്തിനിരയായത്.

Keywords: Tharuni, Cine artist, Death, Air crash, Nepal

പ്രശസ്തിയില്‍ അമീര്‍ ഖാനെ പിന്തള്ളി സത്യമേവ ജയതേ മുന്‍പില്‍

2012-05-15T09:39:00.002+05:30

ന്യൂഡല്‍ഹി: പ്രശസ്തിയില്‍ അമീര്‍ ഖാനെ പിന്തള്ളി സത്യമേവ ജയതേ മുന്നേറുന്നു. സാമൂഹ്യപ്രസക്തിയുള്ള വിഷയങ്ങളുമായി പ്രേക്ഷകരുടെ മുന്‍പിലെത്തുന്ന സത്യമേവ ജയതേ ഗൂഗില്‍ സേര്‍ച്ചില്‍ മുന്നേറുകയാണ്‌. രാജ്യത്തെ ഏറ്റവും കൂടുതല്‍ ജനങ്ങള്‍ അമീറിനേക്കാള്‍ സത്യമേവ ജയതേയാണ്‌ ഇന്റര്‍നെറ്റില്‍ തിരയുന്നത്.

മദ്ധ്യപ്രദേശാണ്‌ സത്യമേവ ജയതേ തിരയുന്നവരില്‍ ഏറ്റവും മുന്‍പില്‍. രാജസ്ഥാനാണ്‌ രണ്ടാമത്. പെണ്‍ഭ്രൂണഹത്യയും കുട്ടികളുടെമേലുള്ള ലൈംഗീക ചൂഷണവും പ്രമേയമാക്കിയ സത്യമേവ ജയതേ വന്‍ പ്രതികരണമാണ്‌ ജനങ്ങളിലുളവാക്കുന്നത്.

Keywords: Entertainment, New Delhi, Aamir Khan

നേപ്പാള്‍ വിമാനപകടം: ബാലതാരം തരുണി സച്ച്‌ദേവും അമ്മയും കൊല്ലപ്പെട്ടു

2012-05-15T02:00:00.000+05:30

കാഠ്മണ്ഡു: നേപ്പാള്‍ വിമാനപകടത്തില്‍ മരിച്ചവരില്‍ പ്രമുഖ ബാലതാരം തരുണി സച്ച്‌ദേവും അമ്മ ഗീത സച്ച്‌ദേവും കൊല്ലപ്പെട്ടു. വെള്ളിനക്ഷത്രം, സത്യം എന്നീ മലയാളം സിനിമകളില്‍ അഭിനയിച്ചിട്ടുള്ള തരുണി സച്ച് ദേവ് മുംബൈ ഖാര്‍ സ്വദേശിയാണ്. അമിതാഭ് ബച്ചന്റെ പാ എന്ന ചിത്രത്തിലും, നിരവധി പരസ്യ ചിത്രങ്ങളിലും തരുണി അഭിനയിച്ചിട്ടുണ്ട്.

Keywords: Nepal, Actress, Taruni Sachdev, Malayalam film.

കാഞ്ചി മഠാധിപതിക്കെതിരെ നടി രജ്ഞിതയുടെ മാനനഷ്ടക്കേസ്

2012-05-14T13:00:00.002+05:30

ചെന്നൈ: കാഞ്ചി മഠാധിപതി ശ്രീ ജയേന്ദ്ര സരസ്വതിക്കെതിരെ മാനനഷ്ടക്കേസ് ഫയല്‍ ചെയ്തു. അപവാദ പ്രചരണം നടത്തിയെന്നാരോപിച്ചാണ്‌ നടി കേസ് കൊടുത്തത്. ഒരഭിമുഖത്തില്‍ നിത്യാനന്ദയുമായി രഞ്ജിതയ്ക്കുള്ള അടുപ്പം പരമാര്‍ശിച്ചതാണ്‌ നടിയെ പ്രകോപിപ്പിച്ചത്. ചെന്നൈയിലെ അഡീഷണല്‍ ചീഫ് മെട്രോപൊളിറ്റന്‍ മജിസ്‌ട്രേറ്റ് വിപി രവീന്ദ്രന്‍ മുമ്പാകെയാണ് രഞ്ജിത പരാതി നല്‍കിയത്.

Keywords: Chennai, National, Entertainment, Ranjitha, Case

കല്‍പനയുടെ വിവാഹ മോചനം: ആരോപണങ്ങള്‍ നിഷേധിച്ച് അനില്‍കുമാര്‍

2012-05-13T20:53:00.000+05:30

ബാംഗ്ലൂര്‍: സിനിമാ താരം കല്‍പനയുടെ വിവാഹമോചനവുമായി ബന്ധപ്പെട്ട ആരോപണങ്ങള്‍ നിഷേധിച്ച് ഭര്‍ത്താവും സിനിമാ സംവിധായകനുമായ അനില്‍ കുമാര്‍ രംഗത്തെത്തി.

ബാംഗ്ലൂരിലെ ഒരു വ്യവസായി സ്ത്രീയുമായി ബന്ധമുണ്ടെന്ന പ്രചാരണം ശുദ്ധ അസംബന്ധമാണ്. ചലച്ചിത്രരംഗത്തെ നിരവധി സ്ത്രീകളുമായി ബന്ധപ്പെടുത്തി അവിഹിത ബന്ധങ്ങള്‍ പറഞ്ഞുപരത്തി. എന്നാല്‍ അപ്പോഴെല്ലാം താന്‍ ക്ഷമിച്ച് ജീവിതം മുന്നോട്ട് കൊണ്ടുപോയി. കഴിഞ്ഞ 14 വര്‍ഷത്തെ ദാമ്പത്യ ജീവിതത്തിനിടയില്‍ ഒരിക്കല്‍ പോലും സ്വസ്ഥത ലഭിച്ചിട്ടില്ല. എന്നാലിപ്പോള്‍ ബാംഗ്ലൂരില്‍ വ്യവസായിയായ സ്ത്രീയുമായി അവിഹിത ബന്ധമുണ്ടെന്നാണാരോപിക്കുന്നത്. ബാംഗ്ലൂരില്‍ എന്റെ സഹോദരിക്ക് ഒരു ഓഫീസുണ്ട്. സഹോദരിയെയും അവരുടെ ബിസിനസ് പാര്‍ട്ണറെയും ബന്ധപ്പെടുത്തിയാണ് ഇപ്പോള്‍ കഥകള്‍ മെനയുന്നത്. സ്വന്തം സഹോദരിയേയും അവരുടെ ഭര്‍ത്താവിനേയും അപമാനിക്കുന്ന ഭാര്യയുമൊത്ത് മുന്‍പോട്ട് പോകാന്‍ തനിക്ക് ബുദ്ധിമുട്ടുണ്ട്. ഇതൊക്കെ കൊണ്ടാണ് വിവാഹമോചനം ആവശ്യപ്പെട്ട് കോടതിയെ സമീപിച്ചത്- അനില്‍ കുമാര്‍ വ്യക്തമാക്കി.

കല്‍പന വിവാഹ മോചിതയായതായി വാര്‍ത്തകള്‍ പ്രചരിച്ചിരുന്നെങ്കിലും അനില്‍കുമാര്‍ ഇതിനെതിരെ പ്രതികരിക്കാന്‍ തയ്യാറായിരുന്നില്ല. തന്റേയും അനില്‍കുമാറിന്റേയും ജീവിതത്തില്‍ സാധാരണ വിവാഹബന്ധങ്ങളിലുണ്ടാകുന്ന പ്രശ്നങ്ങള്‍ ഉള്ളുവെന്ന്‌ നേരത്തെ കല്‍പന ഒരഭിമുഖത്തില്‍ വ്യക്തമാക്കിയിരുന്നു. ഇതിനിടയിലാണ്‌ അനില്‍കുമാര്‍ വിശദീകരണവുമായി കെവാര്‍ത്ത ഡോട് കോമിന് ഇമെയില്‍ അയച്ചത്.

English Summery: Anil Kumar rejects all allegation on Kalpana's divorce

Related News:
അനുജത്തിക്ക് പിന്നാലെ നടി കല്‍പനയും വിവാഹമോചിതയായതായി സൂചന

സിദ്ദാര്‍ത്ഥ് റോയ് കപൂറുമായി പ്രണയത്തിലാണെന്ന്‌ വിദ്യാബാലന്‍

2012-05-12T10:30:00.000+05:30

ന്യൂഡല്‍ഹി: യുടിവി ചെയര്‍മാന്‍ സിദ്ദാര്‍ത്ഥ് റോയ് കപൂറുമായി പ്രണയത്തിലാണെന്ന്‌ വിദ്യാബാലന്‍. ഇരുവരും തമ്മില്‍ പ്രണയത്തിലാണെന്ന ഗോസിപ്പുകള്‍ പുറത്തുവന്നപ്പോഴും മൗനം പാലിച്ച വിദ്യ ഒടുവില്‍ തന്റെ പ്രണയം തുറന്നു സമ്മതിക്കുകയായിരുന്നു. എന്നാല്‍ വിവാഹത്തെക്കുറിച്ച് ഇതുവരെ യാതൊന്നും തീരുമാനിച്ചിട്ടില്ല.

വിവാഹനിശ്ചയവും കഴിഞ്ഞിട്ടില്ല- വിദ്യ പറഞ്ഞു. ഡേര്‍ട്ടി പിക്ച്ചറില്‍ തന്നേക്കാള്‍ മികച്ച അഭിനയം കാഴ്ച വയ്ക്കാന്‍ രാഖി സാവന്തിനായാല്‍ തനിക്കതില്‍ സന്തോഷമുള്ളുവെന്നും വിദ്യ പറഞ്ഞു. ഡേര്‍ട്ടി പിക്ച്ചറിന്റെ ബംഗാളി പതിപ്പില്‍ രാഖി സാവന്ത് വിദ്യയേക്കാള്‍ മികച്ച അഭിനയം കാഴ്ച വയ്ക്കുമെന്ന പ്രസ്താവനയോട് പ്രതികരിക്കുകയായിരുന്നു വിദ്യ.

Keywords: New Delhi, Vidya Balan, Love, Entertainment

KVARTHA: MALAYALAM NEWS | NEWS PAPER LIVE | KERALA | ENTERTAINMENT

നിയമ യുദ്ധത്തിന് വിരാമം: കുഞ്ഞാറ്റ ഇനി ഉര്‍വ്വശിക്ക്

പ്രേം നസീറിന്റെ പ്രതിമാനിര്‍മ്മാണത്തിനെതിരെ മുസ്ലിം സംഘടനകള്‍ രംഗത്ത്

ഇപ്പോള്‍ കണ്ടത് സാമ്പിളാണെന്നും വമ്പന്‍ കാഴ്ചകള്‍ ഉടന്‍ ഉണ്ടാകുമെന്നും പൂനം

റോസ്‌ലിന്‍ ഖാനും തുണിയുരിഞ്ഞു; നഗ്നയായത് ധോണിക്ക് വേണ്ടി

ഒടുവില്‍ പൂനം പാണ്ഡെ വാക്കു പാലിച്ചു; തുണി ഊരിയെറിഞ്ഞു

വിമര്‍ശകരുടെ വായടച്ച്‌ ഐശ്വര്യ കാന്‍ ഫെസ്റ്റില്‍

വീണാമാലിക് കന്നടയില്‍ 'ഡേര്‍ട്ടി' നായികയാകും

ഐസ്ക്രീം കേസിലെ വിവാദനായിക റജീനയുടെ ജീവിതം സിനിമയിലേയ്ക്ക്

ആനക്കൊമ്പ് കേസ്: മോഹന്‍ലാല്‍ 'ഒളിവിലെന്ന്' വനംവകുപ്പ്!

രണ്ടരക്കോടിയുടെ തട്ടിപ്പ് നടത്തിയ ബോളീവുഡ് നടി ടുലീപ് സിംഗ് ഒളിവില്‍

മേഘ്ന രാജ് പോലീസ് വേഷത്തിലെത്തുന്നു

ചലച്ചിത്രതാരം പ്രിയങ്ക വിവാഹിതയായി

തമിഴ് നടി ഉദയതാര വിവാഹിതയായി

ചുംബിക്കാന്‍ ശ്രമിച്ച റിപോര്‍ട്ടറുടെ കരണത്തടിച്ച വില്‍ സ്മിത്ത് വിവാദത്തില്‍

യുവതിയെ ശല്യം ചെയ്ത റോയല്‍ ചലഞ്ചേഴ്സ് താരം അറസ്റ്റില്‍

സുരക്ഷാ ഉദ്യോഗസ്ഥര്‍ അപമര്യാദയായി പെരുമാറിയതാണ്‌ പ്രശ്നങ്ങള്‍ക്ക് തുടക്കമെന്ന്‌ ഷാരൂഖ്

ഫിലിം ക്രിട്ടിക്സ് അവാര്‍ഡുകള്‍ പ്രഖ്യാപിച്ചു; മോഹന്‍ ലാല്‍ മികച്ചനടന്‍

ഷഹീദ് അഫ്രിദിയുടെ ജീവിതം സിനിമയാകുന്നു

'ചലക് ദിഖ്‌ലാജ'യില്‍ ജയസൂര്യയും ആനന്ദിയും മല്‍സരാര്‍ത്ഥികളായെത്തുന്നു

നഷ്ടമായത് ഉദിച്ചുയര്‍ന്നുകൊണ്ടിരിക്കുന്ന വെള്ളിനക്ഷത്രം

പ്രശസ്തിയില്‍ അമീര്‍ ഖാനെ പിന്തള്ളി സത്യമേവ ജയതേ മുന്‍പില്‍

നേപ്പാള്‍ വിമാനപകടം: ബാലതാരം തരുണി സച്ച്‌­ദേവും അമ്മയും കൊല്ലപ്പെട്ടു

കാഞ്ചി മഠാധിപതിക്കെതിരെ നടി രജ്ഞിതയുടെ മാനനഷ്ടക്കേസ്

കല്‍പനയുടെ വിവാഹ മോചനം: ആരോപണങ്ങള്‍ നിഷേധിച്ച് അനില്‍കുമാര്‍

സിദ്ദാര്‍ത്ഥ് റോയ് കപൂറുമായി പ്രണയത്തിലാണെന്ന്‌ വിദ്യാബാലന്‍

നേപ്പാള്‍ വിമാനപകടം: ബാലതാരം തരുണി സച്ച്‌ദേവും അമ്മയും കൊല്ലപ്പെട്ടു