'ആ ഹിറ്റ് ചിത്രത്തിലെ മൂന്ന് നായകന്മാരില്‍ ഒരാള്‍ ഞാനായിരുന്നു; പക്ഷേ അവസാനം എന്നെ ഒഴിവാക്കി'; ആസിഫ് അലി

കൊച്ചി: (www.kvartha.com 13.03.2019) മലയാളത്തിലെ ഹിറ്റ് ചിത്രമായ അമര്‍ അക്ബര്‍ അന്തോണിയില്‍ മൂന്ന് നായകന്മാരില്‍ ഒരാള്‍ ആവേണ്ടിയിരുന്നത് താനായിരുന്നുവെന്നും എന്നാല്‍ പിന്നീട് തന്നെ ഒഴിവാക്കുകയായിരുന്നുവെന്നും നടന്‍ ആസിഫ് അലി. നടനും മിമിക്രി താരവുമായ നാദിര്‍ഷ ആദ്യമായി സംവിധാനം ചെയ്ത ചിത്രമായിരുന്നു അമര്‍ അക്ബര്‍ അന്തോണി. ഇപ്പോള്‍ ആസിഫ് അലി നായകനായി എത്തുന്ന നാദിര്‍ഷ ചിത്രമായ മേരാ നാം ഷാജി എന്ന ചിത്രത്തിന്റെ ഓഡിയോ ലോഞ്ചിനിടെയാണ് ആസിഫ് അലി ഇക്കാര്യം വെളിപ്പെടുത്തിയത്.

പൃഥ്വിരാജ്, ഇന്ദ്രജിത്ത്, ജയസൂര്യ എന്നിവര്‍ പ്രധാന കഥാപാത്രങ്ങളായി എത്തിയ ചിത്രമായിരുന്നു അമര്‍ അക്ബര്‍ അന്തോണി. ആസിഫ് അലിയും ചിത്രത്തില്‍ ഒരു ചെറിയ വേഷത്തില്‍ എത്തിയിരുന്നു. ആ വേഷം വളരെ ഇഷ്ടപ്പെട്ടുവെന്നും ആസിഫ് പറഞ്ഞു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Asif Ali on Amar Akbar Anthony casting, Kochi, News, Kerala, Cinema, Actor, Entertainment, Asif Ali.