Follow KVARTHA on Google news Follow Us!
ad

കൊടി സുനിക്ക് ജയിലില്‍ പരമസുഖം; താമസം അഞ്ച് പേരെ പാര്‍പ്പിക്കാവുന്ന സെല്ലില്‍ തനിച്ച്, ക്വട്ടേഷനുകള്‍ ആസൂത്രണം ചെയ്യാന്‍ ഫോണ്‍ സൗകര്യം ഒരുക്കി ഉദ്യോഗസ്ഥര്‍, മെയ്യനങ്ങാതെ മാസം 4000 രൂപ ശമ്പളവും

പരോളിലിറങ്ങി മോഷണശ്രമം നടത്തിയതിന് പിടിയിലായ ടി.പി.ചന്ദ്രശേഖരന്‍ വധക്കേസിലെ പ്രതി കൊടി Thrissur, News, Kerala, Crime, Criminal Case, Report, Jail
തൃശൂര്‍: (www.kvartha.com 16.02.2019) പരോളിലിറങ്ങി മോഷണശ്രമം നടത്തിയതിന് പിടിയിലായ ടി.പി.ചന്ദ്രശേഖരന്‍ വധക്കേസിലെ പ്രതി കൊടി സുനിക്ക് വിയ്യൂര്‍ ജയിലില്‍ വലിയ സൗകര്യങ്ങളാണ് നല്‍കുന്നത്. അഞ്ച് പേരെ പാര്‍പ്പിക്കാവുന്ന സെല്ലില്‍ കഴിഞ്ഞ ഒരു വര്‍ഷമായി തനിച്ചാണ് സുനിയുടെ വാസം.

ജയിലിനുള്ളിലിരുന്നു ക്വട്ടേഷനുകള്‍ ആസൂത്രണം ചെയ്യാനുള്ള ഫോണ്‍ സൗകര്യം ഒരുക്കിക്കൊടുക്കാനും ചാര്‍ജ് ചെയ്തു നല്‍കാനും ജയില്‍ ഉദ്യോഗസ്ഥരുടെ നീണ്ട പടതന്നെയുണ്ട്. മാനുഷിക പരിഗണനയെന്ന പേരിലാണ് കൊടി സുനിക്ക് സൗകര്യങ്ങള്‍ ഒരുക്കിയിരിക്കുന്നത്.


പച്ചക്കറിത്തോട്ടത്തില്‍ പണിക്ക് ഇറങ്ങിയ വകയില്‍ ഓരോ മാസവും 3000 മുതല്‍ 4000 രൂപ വരെ വരുമാനവും ലഭിക്കുന്നു. ഒറ്റ ദിവസം പോലും ജോലി ചെയ്യാതെയാണ് ഈ തുക കൈയ്യില്‍ വരുന്നത്. ജയിലിനുള്ളിലിരുന്നു പുറത്തേക്ക് ഫോണ്‍ വിളികള്‍ നടത്താന്‍ സുനിക്കു സൗകര്യമൊരുക്കിയത് ഉദ്യോഗസ്ഥരില്‍ ചിലരാണ്. ഫോണ്‍ ഉപയോഗത്തിനായി ചാര്‍ജ് നിറച്ച ബാറ്ററികള്‍ നിരന്തരം ഉദ്യോഗസ്ഥര്‍ സെല്ലില്‍ എത്തിക്കുന്നു.

പരോളിലിറങ്ങി കൈതേരി സ്വദേശിയെ തട്ടിക്കൊണ്ടുപോയ സംഭവമടക്കം ആസൂത്രണം ചെയ്യപ്പെട്ടതു ജയിലിനുള്ളിലാണെന്നാണ് റിപ്പോര്‍ട്ടുകള്‍. കാര്‍ ആക്രമിച്ചു കള്ളക്കടത്തു സ്വര്‍ണം കവര്‍ന്നതടക്കം ജയിലിനുള്ളിലിരുന്ന് ആസൂത്രണം ചെയ്ത ക്വട്ടേഷനുകളുടെ പേരില്‍ പോലീസ് അന്വേഷണം നേരിടുകയാണ് ഇപ്പോള്‍ സുനി.



Keywords: Kodi Suni Still Enjoys a Luxury Life Inside Jail? Officers Are At His Service, Thrissur, News, Kerala, Crime, Criminal Case, Report, Jail.