» » » » » » » » രാജി വെക്കാന്‍ ബിജെപി വാഗ്ദാനം ചെയ്തത് 30 കോടി; വെളിപ്പെടുത്തലുമായി എംഎല്‍എ

കോലാര്‍: (www.kvartha.com 10.02.2019) രാജി വെയ്ക്കാന്‍ ബിജെപി 30 കോടി വാഗ്ദാനം ചെയ്‌തെന്ന വെളിപ്പെടുത്തലുമായി കര്‍ണാടക എംഎല്‍എ. ജനതാദള്‍ (എസ്) എംഎല്‍എ കെ ശ്രീനിവാസ ഗൗഡയാണ് ബിജെപി പണം വാഗ്ദാനം ചെയ്‌തെന്ന ആരോപണവുമായി രംഗത്തെത്തിയത്. അഡ്വാന്‍സ് എന്ന നിലയില്‍ തനിക്ക് അഞ്ച് കോടി രൂപ നല്‍കിയതായും അദ്ദേഹം പറഞ്ഞു.

ബിജെപി നേതാക്കളായ സി എന്‍ അശ്വത് നാരായണ്‍, എസ് ആര്‍ വിശ്വനാഥ്, സി പി യോഗേശ്വര എന്നിവര്‍ തന്റെ വീട്ടില്‍ വന്നാണ് ഇക്കാര്യം സംസാരിച്ചതെന്നും ശ്രീനിവാസ ഗൗഡ വെളിപ്പെടുത്തി. അവിടെവെച്ച് അഞ്ചു കോടി രൂപ തന്നെന്നും ശ്രീനിവാസ ഗൗഡ പറഞ്ഞു.

ജെഡിഎസില്‍ നിന്ന് രാജിവയ്ക്കണമെന്നായിരുന്നു അവരുടെ ആവശ്യം. എന്നാല്‍ തന്റെ പാര്‍ട്ടിയോട് വിശ്വസ്തനാണെന്നും ഒരിക്കലും രാജിവയ്ക്കില്ലെന്നും പറഞ്ഞു. തനിക്കു തന്ന പണം തിരികെ കൊണ്ടുപോകാനും അവരോട് ആവശ്യപ്പെട്ടു. ഇക്കാര്യം എച്ച് ഡി കുമാരസ്വാമിയോട് പറയുകയും ചെയ്തിരുന്നു. ശ്രീനിവാസ ഗൗഡ വ്യക്തമാക്കി.

കര്‍ണാടകത്തിലെ ജെഡിഎസ് - കോണ്‍ഗ്രസ് സര്‍ക്കാരിനെ താഴെയിറക്കാന്‍ ബിജെപി സംസ്ഥാന അധ്യക്ഷന്‍ ബി എസ് യദ്യയൂരപ്പ കോണ്‍ഗ്രസ് എംഎല്‍എമാരെ വിലകൊടുത്തു വാങ്ങാന്‍ ശ്രമിക്കുന്നതായി കോണ്‍ഗ്രസും കഴിഞ്ഞ ദിവസം ആരോപിച്ചിരുന്നു.



Keywords: Karnataka, News, National, MLA, Politics, BJP, "BJP Offered 30 Crores To Quit", Says Lawmaker Of HD Kumaraswamy's Party 

About Kvartha Rah

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കെവാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date

Search This portal