വനിതാ മതില്‍ ദയനീയമായി പരാജയപ്പെടുമെന്ന് പി സി ജോര്‍ജ്

തിരുവനന്തപുരം:(www.kvartha.com 10/12/2018) നവോത്ഥാനം സംരക്ഷിക്കാന്‍ സിപിഎം നടത്തുന്ന വനിതാ മതില്‍ ദയനീയമായി പരാജയപ്പെടുമെന്ന് ജനപക്ഷം നേതാവ് പി സി ജോര്‍ജ് എംഎല്‍എ. സുപ്രീംകോടതി വിധിയുടെ പേരില്‍ മുഖ്യമന്ത്രി കാട്ടുന്ന വിവരക്കേടാണ് ശബരിമലയിലെ കുഴപ്പങ്ങള്‍ക്ക് കാരണമെന്നും ഇത് ചോദിച്ചു വാങ്ങിയ വിധിയാണെന്നും അദ്ദേഹം പറഞ്ഞു.

സിപിഎം എംഎല്‍എമാരെ മുഖ്യമന്ത്രി പേടിപ്പിച്ചു നിര്‍ത്തുകയാണെന്നും അദ്ദേഹം ആരോപിച്ചു. സിപിഎം പ്രവര്‍ത്തകര്‍ പൂര്‍ണമായും പിണറായിയുടെ നിലപാടിന് എതിരാകുമെന്നും നൂറുകണക്കിന് സിപിഎമ്മുകാര്‍ വിശ്വാസ സംരക്ഷണത്തിനായി പാര്‍ട്ടി വിടുമെന്നും അദ്ദേഹം കൂട്ടിച്ചേര്‍ത്തു. ആരാണ് ടോം ജോസിനെ പിടിച്ച് ചീഫ് സെക്രട്ടറിയാക്കിയതെന്നും പി സി ചോദിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: News, Thiruvananthapuram, Kerala, Chief Minister, Supreme Court of India,PC George against women wall