» » » » » » » » » » വനിതാ കമ്മീഷന്‍ അംഗം ഷാഹിദാ കമാലിന് നേരെ കയ്യേറ്റം, പോലീസ് സത്വര നടപടികള്‍ സ്വീകരിക്കണമെന്ന് എം സി ജോസഫെയ്ന്‍

തിരുവനന്തപുരം: (www.kvartha.com 10.09.2018) വനിതാ കമ്മീഷന്‍ അംഗം ഷാഹിദാ കമാലിനെ ഹര്‍ത്താല്‍ ദിനത്തില്‍ ഒരു വിഭാഗം  ആളുകള്‍ ആക്രമിച്ചു. കൊട്ടാരക്കരയില്‍ നിന്നും പത്തനാപുരത്തേക്കുള്ള വഴിയില്‍ കാര്‍ തടഞ്ഞു നിര്‍ത്തി അക്രമികള്‍ ഷാഹിദാ കമാലിന്റെ മുടിയില്‍ പിടിച്ചു വലിച്ച് ദേഹോപദ്രവമേല്‍പ്പിക്കുകയായിരുന്നു. കാറിന്റെ ഗ്ലാസ് തകര്‍ക്കാനും ശ്രമിച്ചു. മര്‍ദനമേറ്റ് അവശനിലയിലായ ഷാഹിദാ കമാലിനെ പത്തനാപുരം പോലീസ് സ്ഥലത്തെത്തി താലൂക്ക് ആശുപത്രിയില്‍ പ്രവേശിപ്പിച്ചു.

സംഭവത്തില്‍ വനിതാ കമ്മീഷന്‍ ശക്തമായ പ്രതിഷേധം രേഖപ്പെടുത്തി. അധ്യക്ഷ എം സി ജോസഫെയ്ന്‍ സംഭവത്തെ അപലപിച്ചു. പോലീസ് സത്വര നടപടികള്‍ സ്വീകരിക്കണമെന്നും കുറ്റവാളികളെ എത്രയും വേഗം പിടികൂടണമെന്നും വനിതാ കമ്മീഷന്‍ അധ്യക്ഷ ആവശ്യപ്പെട്ടു.

കഴിഞ്ഞ ദിവസം കന്യാസ്ത്രീയെ കിണറ്റില്‍ മരിച്ച നിലയില്‍ കണ്ടെത്തിയ പത്തനാപുരം മൗണ്ട് താബോര്‍ കോണ്‍വെന്റിലേക്ക് പോവുകയായിരുന്നു ഷാഹിദാ കമാല്‍. മറ്റ് വാഹനങ്ങള്‍ കടത്തിവിട്ട ഒരു വിഭാഗം ആളുകള്‍ തന്റെ കാര്‍ മാത്രം ദുരുദ്ദേശപരമായി തടഞ്ഞു നിര്‍ത്തി ഗ്ലാസ് തകര്‍ക്കാന്‍ ശ്രമിക്കുകയായിരുന്നുവെന്ന് ഷാഹിദാ കമാല്‍ പറഞ്ഞു. തുടര്‍ന്ന് തന്നെ അസഭ്യം പറയുകയും മര്‍ദിക്കുകയും ചെയ്തു.

ഒപ്പമുണ്ടായിരുന്ന ഡ്രൈവര്‍ നിധിനും മര്‍ദനത്തില്‍ പരിക്കേറ്റു. നിധിനും താലൂക്ക് ആശുപത്രിയില്‍ ചികിത്സയിലാണ്. ഷാഹിദാ കമാല്‍ പത്തനാപുരം പോലീസില്‍ പരാതി നല്‍കിയതനുസരിച്ച് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.

Kerala, Thiruvananthapuram, News, Women, Assault, Congress, Police, Case, Shahida Kamal assaulted in Pathanapuram; Women commission protested

Keywords: Kerala, Thiruvananthapuram, News, Women, Assault, Congress, Police, Case, Shahida Kamal assaulted in Pathanapuram; Women commission protested 

About Kvartha Rah

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കെവാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date

Search This portal