വെള്ളൂര്‍ കൊട്ടണച്ചേരി ക്ഷേത്രത്തിലെ ഭണ്ഡാരങ്ങള്‍ കവര്‍ന്നു

പയ്യന്നൂര്‍:(www.kvartha.com 21/04/2018) വെള്ളൂര്‍ കൊടക്കത്ത് കൊട്ടണച്ചേരി ദേവസ്വം ക്ഷേത്രത്തിലെ ഭണ്ഡാരങ്ങള്‍ കവര്‍ന്നു. വിവരമറിഞ്ഞെത്തിയ പയ്യന്നൂര്‍ പോലീസ് അന്വേഷണമാരംഭിച്ചു. കഴിഞ്ഞ ദിവസം രാത്രിയിലാണ് ക്ഷേത്രത്തിലെ ഭണ്ഡാരങ്ങള്‍ കവര്‍ന്നത്. പുലര്‍ച്ചെ ക്ഷേത്രത്തിലെ ശുചീകരണ ജോലിക്കെത്തിയവരാണ് ക്ഷേത്ര ഭണ്ഡാരങ്ങള്‍ കുത്തിപ്പൊളിച്ചിട്ടിരിക്കുന്നത് കണ്ട് കമ്മിറ്റിക്കാര്‍ക്ക് വിവരം നല്‍കിയത്.

ക്ഷേത്ര മതില്‍ക്കെട്ടിനകത്തെ രണ്ടു ഭണ്ഡാരങ്ങളും നടപ്പന്തലിന് സമീപമുള്ള ഒരു ഭണ്ഡാരവുമുള്‍പ്പെടെ മൂന്ന് ഭണ്ഡാരങ്ങളാണ് കുത്തിപ്പൊളിച്ചിരിക്കുന്നത്. ഭണ്ഡാരങ്ങള്‍ കുത്തിപ്പൊളിച്ച് പണം കവര്‍ന്ന ശേഷം സംഭവം പെട്ടെന്ന് ശ്രദ്ധയില്‍പെടാതിരിക്കാനായി അടച്ച് വെച്ച നിലയിലായിരുന്നു. ഈ പ്രദേശങ്ങളിലെ പ്രമുഖ ക്ഷേത്രത്തിലെ ഭണ്ഡാരങ്ങളാണ് കവര്‍ച്ച ചെയ്തിരിക്കുന്നത്. ഭണ്ഡാരങ്ങളില്‍ നിന്ന് ഇരുപത്തയ്യായിരം രൂപയെങ്കിലും കവര്‍ന്നിട്ടുണ്ടാകുമെന്ന ക്ഷേത്രം സമുദായിയുടെ പരാതിയില്‍ പോലീസ് കേസെടുത്ത് അന്വേഷണം തുടങ്ങി. മൂന്നാഴ്ച മുമ്പ് കൊഴുമ്മലിലെ ക്ഷേത്രത്തിലും ഭണ്ഡാരം കവര്‍ച്ച ചെയ്ത സംഭവമുണ്ടായിരുന്നു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: News, Payyannur, Kannur, Kerala, Temple, theft, Police, Complaint,  Religion, Donation box of Vellore Kottanacheri Temple stolen