Follow KVARTHA on Google news Follow Us!
ad

പള്ളി പൊളിച്ചിട്ട്​ കാൽ നൂറ്റാണ്ടു കഴിഞ്ഞിട്ടും ഒന്നുരണ്ട് കല്ലാശാരിമാർ കർസേവകപുരത്തിരുന്ന്​ കൽതൂണു കൊത്തി കാലം കഴിക്കുന്നതല്ലാതെ, അമ്പലമില്ല. വിശ്വഹിന്ദു പരിഷത്​, ശ്രീരാമസേന എന്നിങ്ങനെ പല ലേബലുകളിൽ വാനരപ്പടയെ നയിക്കുന്നവർക്ക്​ ഇൗ ഭരണത്തിൽ എന്തു ഗതി? തൊഗാഡിയയ്ക്ക് വിലപിക്കാൻ ഇത്രയും കാരണങ്ങൾ..........എ എസ് സുരേഷ് കുമാറിന്റെ ലേഖനം.

Thogadiya, Narendramodi, Encounter, Press Conference, Babri Mosque, Ayodhya Temple, Delhi, A S Suresh Kumar, Madhyamam Daily Article, Malayalam Newsപള്ളി പൊളിച്ചിട്ട്​ കാൽ നൂറ്റാണ്ടു കഴിഞ്ഞിട്ടും ഒന്നുരണ്ട് കല്ലാശാരിമാർ കർസേവകപുരത്തിരുന്ന്​ കൽതൂണു കൊത്തി കാലം കഴിക്കുന്നതല്ലാതെ,
തിരുവനന്തപുരം:(www.kvartha.com 21.01.2018) വി എച്ച് പി ആഗോള അധ്യക്ഷൻ പ്രവീൺ തൊഗാഡിയയുടെ വിലാപ വാർത്താ സമ്മേളന വെളിപ്പെടുത്തലിന്റെ പശ്ചാത്തലത്തിൽ ഹിന്ദുത്വ രാഷ്ട്രീയത്തിന്റെ ഉള്ളുകള്ളികൾ പൊളിച്ചടുക്കി മാധ്യമം ഡൽഹി ബ്യൂറോ ചീഫ് എ എസ് സുരേഷ് കുമാറിന്റെ ലേഖനം.

പള്ളി പൊളിച്ചിട്ട്​ കാൽ നൂറ്റാണ്ടു കഴിഞ്ഞിട്ടും ഒന്നുരണ്ട് കല്ലാശാരിമാർ കർസേവകപുരത്തിരുന്ന്​ കൽതൂണു കൊത്തി കാലം കഴിക്കുന്നതല്ലാതെ, അമ്പലമില്ല. വിശ്വഹിന്ദു പരിഷത്​, ശ്രീരാമസേന എന്നിങ്ങനെ പല ലേബലുകളിൽ വാനരപ്പടയെ നയിക്കുന്നവർക്ക്​ ഇൗ ഭരണത്തിൽ എന്തു ഗതി? അതൊക്കെയൊന്ന്​ ഉറക്കെ ചോദിക്കാനാണ്​ പുസ്​തകം.


സാക്ഷാൽ എൽ.കെ അദ്വാനി വരെ മോദിക്കു മുമ്പിൽ ചുരുണ്ടുകൂടിയത്​ തൊഗാഡിയ അറിയാത്തതാവില്ല. മുരളി മനോഹർ ജോഷിയും യശ്വന്ത്​സിൻഹയും അരുൺ ഷുരിയും ഗോവിന്ദാചാര്യയുമൊക്കെ ഒന്നുമല്ലാതായി. ഒത്തിരി കാലം മോദിക്കൊപ്പം നടന്ന, പോരും പാരയും തന്ത്ര കുതന്ത്രങ്ങളുമെല്ലാം നന്നായറിയുന്ന, ബി.ജെ.പി മുൻ ജനറൽ സെക്രട്ടറി സഞ്​ജയ്​ ജോഷി പോലും തോറ്റമ്പി മൂലക്കായി. മോഡ്യായ നമഃ എന്ന്​ ജപിക്കുന്നവർക്ക്​ അവസരങ്ങൾ ഉണ്ടുതാനും. ഗുജറാത്തിൽ മുഖ്യമന്ത്രിപ്പണി ഏൽപിച്ചു കൊടുത്തപ്പോഴും തിരിച്ചെടുത്തപ്പോഴും തെരഞ്ഞെടുപ്പു വീണ്ടും കഴിഞ്ഞപ്പോഴുമൊക്കെ അടങ്ങിയൊതുങ്ങി നിന്ന ആനന്ദിബെൻ പ​േട്ടലാണ്​ ഏറ്റവും ഒടുവിലത്തെ ഉദാഹരണം.. ഇങ്ങനെ പോകുന്നു മാധ്യമം പ്രസിദ്ധീകരിച്ച ലേഖനം. സുരേഷ് കുമാർ ഇത് ഫേസ് ബുക്കിൽ പോസ്റ്റ് ചെയ്യുകയും ചെയ്തിട്ടുണ്ട്.


എ എസ് സുരേഷ് കുമാർ ഫേസ് ബുക്കിൽ പോസ്റ്റിയത്:


തീവ്രഹിന്ദുത്വം കളിക്കുന്നതും കൊല്ലും കൊലയും നടത്തുന്നതുമൊക്കെ ഡീസൻറായിട്ടു​ വേണം. ആജ്​ഞാപിക്കുന്ന നേതാക്കൾക്ക്​ വഴങ്ങി വേണം കിങ്കരന്മാർ നിൽക്കാൻ. അല്ലാത്തവർക്ക്​ പ്രവീൺ തൊഗാഡിയയുടെ ഗതി വരും. വിശ്വഹിന്ദു പരിഷത്​ അഖിലാണ്​ഡ വർക്കിങ്​ പ്രസിഡൻറ് ഡോ. പ്രവീൺ തൊഗാഡിയയെ അടുത്ത കാലത്ത്​ കണ്ടെടുത്തത്​ ഏതോ പാർക്കിൽ നിന്നോ പുറ​േമ്പാക്കിൽ നിന്നോ ആണ്​. പള്ളി പൊളിക്കാനും കുടൽമാല എടുക്കാനുമൊക്കെ ചാടിപ്പുറപ്പെട്ടിരുന്ന ഉഗ്രവിഷ മൂർത്തിയാണ്​ എന്നൊക്കെ പറഞ്ഞിട്ട്​ എന്തു കാര്യം? ദയ അർഹിക്കുന്നില്ലെങ്കിലും കഷ്​ടമാണ്​ കാര്യം. വ്യാജഏറ്റുമുട്ടലിൽ കൊന്നു വെടിപ്പാക്കാൻ തുപ്പാക്കിയുമായി രാജസ്​ഥാൻ, ഗുജറാത്ത്​ പൊലീസുകാർ തനിക്കു നേരെ ഉന്നം പിടിച്ചു നീങ്ങുകയാണെന്ന്​ തൊഗാഡിയ ലോകത്തോട്​ വിളിച്ചു പറഞ്ഞു. മരണവാറണ്ടി​െൻറ വിവരം കേട്ടപാതി കേൾക്കാത്ത പാതി, കിട്ടിയ ഓടോ റിക്ഷയിൽ ചാടിക്കയറി എവി​ടേക്കെന്നില്ലാതെ പായുകയായിരുന്നു ഹിന്ദുത്വ വിപ്ലവ നായകൻ. ഏതു ഹിന്ദുത്വ വിപ്ലവകാരിക്കുമുണ്ട്​ ജീവഭയം. പൊലീസി​െൻറ ​േതാക്കിനു നേരെ വിരിച്ചു നിൽക്കാനുള്ളതല്ല തൊഗാഡിയയുടെ 56 ഇഞ്ച്​ നെഞ്ച്​. മുന്തിയ ഇനം സെഡ്​^കാറ്റഗറി സുരക്ഷ ഉപേക്ഷിച്ച്​ ജീവനും വാരിപ്പിടിച്ചുള്ള ആ ഒാട്ടത്തിനൊടുവിലാണ്​ പാർക്കിലെ ചാരുബെഞ്ചിൽ നിന്ന്​ അബോധാവസ്​ഥയിൽ കണ്ടുകിട്ടിയത്​. ബോധം തെളിഞ്ഞപ്പോൾ തൊഗാഡിയ നാക്കുചുഴറ്റിയതു മുഴുവൻ ഡൽഹിയിലെ ഒരു മേലാളനു നേരെയാണ്​. ഇൗ പരാക്രമം കൊണ്ട്​ തൊഗാഡിയക്ക്​ ഉണ്ടായ മെച്ചം, ഇനി വ്യാജഏറ്റുമുട്ടലിൽ കൊല്ലപ്പെടില്ലെന്ന്​ ഉറപ്പാക്കിയതാണ്​. അങ്ങനെയെങ്ങാൻ കൊല്ലപ്പെട്ടാൽ തൊഗാഡിയക്ക്​ പറ്റില്ലെങ്കിലും, നാട്ടുകാർ ചോദിക്കും. ആ ബോധം ടിയാ​െൻറ പിന്നാലെ പാഞ്ഞ പൊലീസുകാർക്ക്​ ഉണ്ടാകണമെന്നില്ലെങ്കിലും, അവരെ പറഞ്ഞു വിട്ടവർക്ക്​ ഉണ്ടാകാതെ തരമില്ല.

തീവ്രഹിന്ദുത്വത്തിനു വേണ്ടി ജീവിതം ഉഴിഞ്ഞു വെച്ച്​ വയസുകാലത്ത്​ അനാഥനാക്കി ആട്ടിയോടിക്കുന്ന പാർട്ടി^ഭരണ അധികാരികളെ വെറുതെ വിടാൻ തൊഗാഡിയ ഇപ്പോഴും തീരുമാനിച്ചിട്ടില്ല. കണ്ണീരിൽ ചാലിച്ചെഴുതിയ കദനകഥ വൈകാതെ പുസ്​തകമായി പുറത്തിറക്കാൻ പോവുകയാണ്​. പേര്​ ‘കാവിബിംബങ്ങൾ, മുഖവും മുഖംമൂടിയും’. അത്​ പുറത്തുവരുമ്പോൾ ഇന്ന്​ സംഘ്​പരിവാറിനെ മൊത്തമായും ചില്ലറയായും കയ്യടക്കി വെച്ചിരിക്കുന്നവർ ജീവിച്ചിരുന്നിട്ടു കാര്യമുണ്ടാവില്ലെന്നു മാത്രമാണ്​ തൊഗാഡിയക്കു പറയാനുള്ളത്​. ഹിന്ദുത്വത്തി​െൻറ മറവിൽ അധികാരത്തിന്റെ കൊത്തളങ്ങളിലേക്ക്​ കയറിപ്പോകുകയും, ഹിന്ദുത്വത്തെ വഞ്ചിക്കുകയും ചെയ്​തവരുടെ മുഖംമൂടിയാണ്​ പിച്ചിചീന്താൻ പോകുന്നത്​. രാമക്ഷേത്രം, 370ാം വകുപ്പ്​, ഏകസിവിൽകോഡ് എന്നിങ്ങനെ എന്തെന്തു മോഹങ്ങളാണ്​ വിറ്റത്​!

പള്ളി പൊളിച്ചിട്ട്​ കാൽ നൂറ്റാണ്ടു കഴിഞ്ഞിട്ടും ഒന്നുരണ്ട് കല്ലാശാരിമാർ കർസേവകപുരത്തിരുന്ന്​ കൽതൂണു കൊത്തി കാലം കഴിക്കുന്നതല്ലാതെ, അമ്പലമില്ല. വിശ്വഹിന്ദു പരിഷത്​, ശ്രീരാമസേന എന്നിങ്ങനെ പല ലേബലുകളിൽ വാനരപ്പടയെ നയിക്കുന്നവർക്ക്​ ഇൗ ഭരണത്തിൽ എന്തു ഗതി? അതൊക്കെയൊന്ന്​ ഉറക്കെ ചോദിക്കാനാണ്​ പുസ്​തകം. വിളമ്പുന്നത്​ തൊഗാഡിയയാണെങ്കിലും, കഥയിൽ കഴമ്പുണ്ടോ എന്ന്​ സഹൃദയലോകം ചിന്തിക്കാതിരിക്കില്ല. അകത്തള രഹസ്യങ്ങൾ വലിച്ചുവാരിയിട്ടാൽ മുഖം ചളുങ്ങുമെന്ന്​ ഉറപ്പുള്ള പലരും പൊലീസുകാരുടെ കൈയിൽ തോക്ക്​ പിടിപ്പിച്ചിട്ടുണ്ടെന്ന്​ തൊഗാഡിയ സത്യംസത്യമായും വിശ്വസിക്കുന്നു. ഗുജറാത്ത്​ മുൻആഭ്യന്തര മന്ത്രി ഹിരൺ പാണ്​ഡ്യ മുതൽ സൊഹ്​റാബുദ്ദീൻ ​ശൈഖ്​ വരെയുള്ളവരുടെ കൊലപാതകത്തിന്റെ അകംപുറ വർത്തമാനങ്ങൾ അറിയുന്നൊരാൾ വിളിച്ചുപറയുന്ന ഉൾഭയം ഗൗരവത്തോടെയല്ലാതെ കണ്ടുനിൽക്കുന്നവർക്ക്​ ഉൾക്കൊള്ളാനുമാവില്ല.

പുറമ്പോക്കിലായ തൊഗാഡിയക്കല്ല, ഡൽഹിയിലെ മേലാളനാണ്​ സംഘ്​പരിവാറിലും ബി.ജെ.പിയിലും ഏതുനിലക്കും താരമൂല്യം. വ്യാജ ഏറ്റുമുട്ടൽ നടത്തിയില്ലെങ്കിലും, കുതി​കാൽ വെട്ട്​ ഉറപ്പ്​. വി.എച്ച്​.പിയിൽ തൊഗാഡിയ കറിവേപ്പിലയാകുന്നത്​ വൈകാതെ കാണേണ്ടി വരും. നേരത്തെ അതിനു ശ്രമിക്കാതിരുന്നില്ല. പക്ഷേ, അന്നേരം വിജയിച്ചത്​ തൊഗാഡിയയാണ്​. എന്നാൽ ഇനിയങ്ങോട്ട്​ ആർ.എസ്​.എസി​െൻറ പിന്തുണ ഉറപ്പാക്കിയുള്ള കരുനീക്കമാണ്​ നടക്കാൻ പോകുന്നത്​. തൊഗാഡിയയെ സഹായിക്കുന്ന വി.എച്ച്​.പി ഇൻറർനാഷനൽ പ്രസിഡൻറ്​ രാഘവ്​ റെഢി, ഭാരതീയ മസ്​ദൂർ സംഘ്​ ജനറൽ സെക്രട്ടറി വിർജേഷ്​ ഉപാധ്യായ എന്നിവരുടെയും കസേര, കമണ്​ഡലാദികൾ തെറിക്കും. ഫെബ്രുവരി അവസാനം നടക്കാൻ പോകുന്ന വി.എച്ച്​.പി നിർവാഹക സമിതി യോഗം പ്രസിഡൻറി​െൻറയും അനുചര വൃന്ദത്തെയും മാറ്റുമെന്നാണ്​ വിവരം. പൊതുതെരഞ്ഞെടുപ്പിനു മുമ്പ്​ സംഘ്​പരിവാറിനുള്ളിലെ കലഹങ്ങൾ തീർത്തെടുത്ത്​ മോദിക്ക്​ വീണ്ടുമൊരു ഉൗഴം ഉറപ്പാക്കാനുള്ള ശ്രമത്തിലാണ്​ ആർ.എസ്​.എസും മറ്റും. കൊല്ലാൻ വരുന്നേ എന്ന തൊഗാഡിയൻ വിലാപം ഇൗ നീക്കത്തിന്​ ആക്കം പകരുന്നു. മോദിയും തൊഗാഡിയയും കീരിയും പാമ്പുമാണെന്ന കാര്യം ഒരു രഹസ്യമല്ല. തൊഗാഡിയക്കെതിരെ പ്രധാനമന്ത്രി നരേന്ദ്രമോദി തന്നെ ആർ.എസ്​.എസ്​ നേതൃത്വത്തോട്​ പരാതി പറഞ്ഞിട്ടുണ്ട്​. ഗുജറാത്ത്​ നിയമസഭാ തെരഞ്ഞെടുപ്പിൽ ബി.ജെ.പിയെ തോൽപിക്കാൻ തൊഗാഡിയ കളിച്ചു എന്നതി​ന്​ തന്റേതായ തെളിവുകളും മോദി കൊടുത്തിട്ടുണ്ട്​. പട്ടേൽ പ്രക്ഷോഭ നേതാവ്​ ഹാർദിക്​  പട്ടേലിന്​ ഒത്താശകൾ ചെയ്​ത്​ ബി.ജെ.പിയെ വിയർപ്പിക്കാൻ ത​േൻറതായ സംഭാവനകൾ തൊഗാഡിയ ചെയ്​തുവെന്നാണ്​ മോദിയും അമിത്​ഷായും കണ്ടെത്തിയിട്ടുള്ളത്​. ഇത്​ 2019ൽ ആവർത്തിക്കാൻ കെൽപില്ലാത്ത വിധം തല്ലിച്ചതക്കാതെ വയ്യെന്നാണ്​ തീരുമാനമെങ്കിൽ, തൊഗാഡിയയെ അബോധാവസ്​ഥയിൽ പാർക്കി​ൽ നിന്ന്​ കണ്ടെടുക്കാതെ വയ്യ.

സാക്ഷാൽ എൽ.കെ അദ്വാനി വരെ മോദിക്കു മുമ്പിൽ ചുരുണ്ടുകൂടിയത്​ തൊഗാഡിയ അറിയാത്തതാവില്ല. മുരളി മനോഹർ ജോഷിയും യശ്വന്ത്​സിൻഹയും അരുൺ ഷുരിയും ഗോവിന്ദാചാര്യയുമൊക്കെ ഒന്നുമല്ലാതായി. ഒത്തിരി കാലം മോദിക്കൊപ്പം നടന്ന, പോരും പാരയും തന്ത്ര കുതന്ത്രങ്ങളുമെല്ലാം നന്നായറിയുന്ന, ബി.ജെ.പി മുൻ ജനറൽ സെക്രട്ടറി സഞ്​ജയ്​ ജോഷി പോലും തോറ്റമ്പി മൂലക്കായി. മോഡ്യായ നമഃ എന്ന്​ ജപിക്കുന്നവർക്ക്​ അവസരങ്ങൾ ഉണ്ടുതാനും. ഗുജറാത്തിൽ മുഖ്യമന്ത്രിപ്പണി ഏൽപിച്ചു കൊടുത്തപ്പോഴും തിരിച്ചെടുത്തപ്പോഴും തെരഞ്ഞെടുപ്പു വീണ്ടും കഴിഞ്ഞപ്പോഴുമൊക്കെ അടങ്ങിയൊതുങ്ങി നിന്ന ആനന്ദിബെൻ  പട്ടേലാണ്​ ഏറ്റവും ഒടുവിലത്തെ ഉദാഹരണം. മധ്യപ്രദേശിൽ ഗവർണറാകുന്നതിനപ്പുറം ആനന്ദലബ്​ധിക്ക്​ ഇനിയെന്തു വേണം?



മോഹിക്കുന്നതു കിട്ടാനല്ല, കിട്ടുന്നതു കൊണ്ട്​ മോഹിക്കാനാണ്​ പഠിക്കേണ്ടത്​. കോൺഗ്രസിൽ കലഹിക്കാൻ മുന്നിൽ നിന്ന നജ്​മ ഹിബത്തുല്ല ബി.ജെ.പിയിലെത്തിയപ്പോൾ എത്ര അടങ്ങിയൊതുങ്ങിയെന്നും മന്ത്രിയും, പിന്നെ ഗവർണറുമായെന്നും നോക്കുക. അത്തരം ഗവർണർമാരാകട്ടെ, കണ്ടറിഞ്ഞു ചെയ്യുന്നുമുണ്ട്​. തങ്ങളെ രാജ്​ഭവനുകളിൽ കുടിയിരുത്തിയതിന്റെ കൂറാണ്​ പ്രധാനം. ഭരണഘടനാ പദവിയുടെ മൂല്യബോധമൊന്നുമല്ല. ത്രിപുരയിൽ ഇരിക്കുന്ന തഥാഗത റോയി മുഖ്യമന്ത്രിയെ മറികടന്ന്​ ചീഫ്​ സെക്രട്ടറിയേയും ഡി.ജി.പിയേയുമൊക്കെ വിളിച്ചു വരുത്തുകയും തെരഞ്ഞെടുപ്പു കാര്യങ്ങൾ ചർച്ച ചെയ്യാൻ ആഭ്യന്തരമന്ത്രി രാജ്​നാഥ്​സിങ്ങിനെ കാണുകയുമൊക്കെ ചെയ്യുന്നു. അത്​ ഗവർണറുടെ രാഷ്​ട്രീയ മുഖം. സംഘടനാ മുഖം വേറെയുണ്ട്​. ആർ.എസ്​.എസ്​ പിന്തുണയുള്ള സംഘടന നടത്തുന്ന വിവാദ അതിർത്തി സുരക്ഷാ യോഗത്തിൽ പ​െങ്കടുക്കാനുള്ള പശ്​ചിമ ബംഗാൾ, ത്രിപുര ഗവർണർമാരുടെ തീരുമാനം അതിന്​ ഉദാഹരണം. കൊൽക്കത്തയിൽ ഫെബ്രുവരിയിൽ സാമാന്ത ചേതനാ മഞ്ച്​ നടത്തുന്ന അതിർത്തി സുരക്ഷാ യോഗത്തിന്റെ ലക്ഷ്യം, ബംഗ്ലാദേശിൽ നിന്നുള്ള അനധികൃത കുടിയേറ്റം, പശുക്കടത്ത്​ എന്നിവ ഉയർത്തിക്കാണിക്കുകയാണ്​. ഭരണഘടനാ പദവിയിലിരിക്കുന്നവർ ആർ.എസ്​.എസ്​ സമ്മേളനത്തിന്​ പോകുന്നത്​ ചട്ട വിരുദ്ധമാണ്​. 

അതിർവരമ്പുകൾ കിളച്ചു മറിക്കുന്നതിന്​ ​ വേറെയുമുണ്ട്​ ഉദാഹരണങ്ങൾ. ത്രിപുര രാഷ്​ട്രീയ തന്ത്രം ചർച്ച ചെയ്യാൻ ആഭ്യന്തര മന്ത്രി രാജ്​നാഥ്​സിങ്ങി​െ​ൻറ വസതിയിൽ വിളിച്ച ബി.ജെ.പി^ആർ.എസ്​.എസ്​ നേതൃയോഗത്തിൽ പ​െങ്കടുത്ത പ്രധാനികളിൽ ഒരാൾ ദേശീയ സുരക്ഷാ ഉപദേഷ്​ടാവ്​ അജിത്​ ഡോവലാണ്​. വാജ്​പേയി പ്രധാനമന്ത്രിയായപ്പോൾ ബി.ജെ.പി അംഗത്വം രാജി വെച്ചശേഷമാണ്​ ബ്രജേഷ്​ മിശ്ര ദേശീയ സുരക്ഷാ ഉപദേഷ്​ടാവായതെന്ന കാര്യം ഇതിനൊപ്പം ചേർത്തുവായിക്കണം. ​

ഇന്ത്യയുടെ രാഷ്​ട്രീയവും കാവിരാഷ്​ട്രീയവും ഇങ്ങനെയെല്ലാം രൂപാന്തരം പ്രാപിച്ചിരിക്കുന്നു. രാഷ്​ട്രീയ ഭരണ സംവിധാനങ്ങളെ അപ്പാടെ കൈപിടിയിലൊതുക്കാൻ സംഘ്​പരിവാർ ശ്രമിക്കുന്നതിനിടയിൽ മോദിയും ആർ.എസ്​.എസുമാണ്​ ഇന്ന്​ പരസ്​പര പൂരകങ്ങൾ. വി.എച്ച്​.പിയും ശ്രീരാമസേനയും ഇതര സംഘ്​പരിവാർ ശാർദൂലവിക്രീഡിതങ്ങളുമൊക്കെ ആജ്​ഞാനുവർത്തികൾ മാത്രം. പണ്ടത്തെ നിയന്ത്രക വേഷമൊന്നുമില്ല. അതിനൊത്തു നിന്നില്ലെങ്കിൽ, തൊഗാഡിയയെ മാത്രമ​ല്ല, ടിയാന്റെ വെളിപാടു പുസ്​തകവും പുറ​മ്പോക്കിൽ നിന്ന്​ കണ്ടെടുക്കേണ്ടി വന്നേക്കാം.



Keywords: Thogadiya, Narendramodi, Encounter, Press Conference, Babri Mosque, Ayodhya Temple, Delhi, A S Suresh Kumar, Madhyamam Daily Article, Malayalam News