ന്യൂഡെല്ഹി: (www.kvartha.com 18.01.2018) ചൈനീസ് സ്മാർട്ട്ഫോൺ നിർമ്മാതാക്കളായ ഹ്യുവാവേ ഓണർ ബ്രാൻഡ് നെയിമിൽ പുറത്തിറക്കിയ ഓണർ 9 ലൈറ്റ് വിപണിയിലെത്തി. കഴിഞ്ഞദിവസം ഡൽഹിയിൽ നടന്ന ചടങ്ങിലാണ് പുതിയ ഫോൺ പുറത്തിറക്കിയത്. മികച്ച സാങ്കേതിക സവിശേഷതയോടു കൂടിയ ഫോണിന്റെ വിലയും അത്യാകർഷകമാണ്. ഈ മാസം 21 ന് ഫ് ളിപ്പ് കാര്ട്ടിലൂടെയാണ് ആദ്യ ഫ്ളാഷ് വിൽപന. മുൻവശത്തും പിൻവശത്തുമുള്ള ഇരട്ടക്യാമറകളാണ് ഓണർ 9 ലൈറ്റിന്റെ ഏറ്റവും വലിയ സവിശേഷത.
പിൻവശത്ത് f/2 അപർചറുള്ള 13 മെഗാപിക്സലിന്റെ ലെൻസും 2 മെഗാപിക്സലിന്റെ മറ്റൊരു ലെൻസും ഉപയോഗിക്കുന്നു. 13 മെഗാപിക്സലിന്റെ ലെൻസ് ഫോക്കസിംഗിനും 2 മെഗാപിക്സലിന്റെ ലെൻസ് ഡെപ്ത് ഫീൽഡ് വിവരങ്ങൾ ശേഖരിക്കുന്നതിനും ഉപയോഗിക്കുന്ന രീതിയിലുള്ള ഹാർഡ്വെയർ സപ്പോർട്ടാണ് ഹ്യുവാവേ ഈ ഫോണിൽ ഉപയോഗിച്ചിട്ടുള്ളത്.
പ്രൊഫഷണൽ ക്യാമറകളിലേതുപോലെ മികച്ച ചിത്രങ്ങളെടുക്കാൻ ഈ സാങ്കേതിക വിദ്യ സഹായകമാകും. മുൻവശത്തെ ക്യാമറാ സിസ്റ്റവും ഇതേ രീതിയിൽ തന്നെയാണ്. പ്രൊഫഷണൽ ക്യാമറകളിൽ ഉപയോഗിക്കുന്ന ബോകെ എഫക്ട്, ശബ്ദമുപയോഗിച്ചുള്ള നിയന്ത്രണം, സവിശേഷമായ ബ്യൂട്ടി ഇഫക്ടുകൾ, PADF സംവിധാനം എന്നിവ ഈ ക്യാമറകളിൽ ഉൾക്കൊള്ളിച്ചിട്ടുണ്ട്.
5.65 ഇഞ്ച് വലിപ്പമുള്ള ഫുൾ എച്ച്.ഡി പ്ളസ് ഡിസ്പ്ളേയോടു കൂടിയ ഓണർ 9 ലൈറ്റിന് രണ്ട് മോഡലുകളാണുള്ളത്. 3 ജി.ബി റാമും 32 ജി.ബി സ്റ്റോറേജ് സ്പേസുമുള്ളതാണ് ആദ്യ മോഡൽ. ഏകദേശ വില 10,999 രൂപ. 14,999 രൂപയുള്ള രണ്ടാമത്തെ മോഡലിൽ 4 ജി.ബി റാമും 64 ജി.ബി സ്റ്റോറേജുമാണിതിലുള്ളത്. എല്ലാ മോഡലുകളിലും സ്റ്റോറേജ് സ്പേസ് മൈക്രോ എസ്.ഡി. കാർഡ് വഴി 256 ജി.ബി കൂട്ടിച്ചേർക്കാനാവും.
18:9 അനുപാതത്തിൽ ഡിസ്പ്ളേയുടെ അരികുകളുടെ കട്ടി വളരെ കുറച്ച ഫോണിന്റെ രൂപം അത്യാകർഷകമാണ്. ഫോണിന്റെ ഇരുപുറങ്ങളിലും 2.5D സംരക്ഷണത്തോടെയുള്ള ഗ്ളാസുകളാണ്. ആൻഡ്രോയ്ഡ് 8 ഓറിയോ അധിഷ്ഠിതമായി ഹുവായ് സ്വന്തമായി നിർമ്മിച്ച EMUI 8.0 ഓപ്പറേറ്റിംഗ് സിസ്റ്റത്തിലാണ് പ്രവർത്തനം. ഹ്യുവാവേയുടെ സ്വന്തം ഹൈസിലിക്കോൺ കിരിൻ 659 എന്ന അതിവേഗ പ്രോസസറാണ് ഫോണിന് കരുത്തുപകരുന്നത്. ഇപ്പോൾ വിപണിയിൽ ലഭ്യമായ ഓണർ 9 ൽ ഉപയോഗിച്ചിരിക്കുന്ന പ്രോസസറിനേക്കാൾ വേഗതയേറിയതാണിത്.
ഇരട്ട നാനോ സിംകാർഡുകൾ ഉപയോഗിക്കാവുന്ന ഓണർ 9 ലൈറ്റിൽ 4G VoLTE, ഒ.ടി.ജി മൈക്രോ യു.എസ്.ബി സംവിധാനങ്ങളും ഹ്യുവായ് ഉൾക്കൊള്ളിച്ചിരിക്കുന്നു. ബാറ്ററിയുടെ കാര്യത്തിൽ മാത്രമാണ് അൽപം പോരായ്മ പറയാനാവുക. 3000mAh ബാറ്ററിയാണ് ഫോണിൽ ഉപയോഗിച്ചിട്ടുള്ളത്. സവിശേഷമായ പവർമാനേജ്മെന്റ് സംവിധാനം ഉപയോഗിച്ചിട്ടുള്ളതിനാൽ 20 മണിക്കൂർ വരെ സംസാരസമയവും 24 ദിവസം വരെ സ്റ്റാൻഡ്ബൈ സമയവും കിട്ടുമെന്നാണ് കമ്പനിയുടെ അവകാശവാദം.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )
Keywords: Honor 9 Lite with quad-cameras to debut in India on Jan 17; will be Flipkart exclusive, New Delhi, News, Business, Technology, Mobile Phone, National.
Keywords: Honor 9 Lite with quad-cameras to debut in India on Jan 17; will be Flipkart exclusive, New Delhi, News, Business, Technology, Mobile Phone, National.