തോമസ് ചാണ്ടി വിഷയം: മുഖ്യമന്ത്രി എന്ത് തീരുമാനമെടുത്താലും എന്‍സിപിക്ക് ബാധകമാണെന്ന് കോടിയേരി

തിരുവനന്തപുരം: (www.kvartha.com 14.11.2017)  മുഖ്യമന്ത്രി പിണറായി വിജയന്‍ എന്ത് തീരുമാനമെടുതത്താലും അത് എന്‍സിപിക്ക് ബാധകമാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. തീരുമാനമെടുക്കാന്‍ മുഖ്യമന്ത്രിക്ക് സമയപരിധി നല്‍കിയിട്ടില്ല. എന്‍സിപി കൂടി പങ്കെടുത്ത യോഗമാണ് വിഷയത്തില്‍ തീരുമാനമെടുക്കാന്‍ മുഖ്യമന്ത്രിയെ ചുമതലപ്പെടുത്തിയത്. കോടിയേരി പറഞ്ഞു.

വിഷയത്തേക്കുറിച്ച് നിയമപരമായി പരിശോധിച്ചാകും നടപടി എടുക്കുകയെന്നും കോടിയേരി കൂട്ടിച്ചേര്‍ത്തു. നിയമം ലംഘിച്ചെങ്കില്‍ വിട്ടുവീഴ്ചയുണ്ടാകില്ലെന്നും തെറ്റു ചെയ്യാത്തവരെ ക്രൂശിക്കില്ലെന്നും വിഷയം മുന്നണിയുടെ പ്രതിച്ഛായയെ ബാധിച്ചിട്ടില്ലെന്നും കോടിയേരി പറഞ്ഞു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Thiruvananthapuram, Kerala, News, Politics, Kodiyeri Balakrishnan, NCP, Kodiyeri against NCP.