അവിശ്വസനീയം! കൈ കൊണ്ട് തൊടാതെ പല്ലുപയോഗിച്ച് ആറ് ഇഷ്ടിക കൊണ്ട് പോകുന്ന യുവാവിന്റെ വീഡിയോ വൈറലാകുന്നു; വീഡിയോ കാണാം

പഞ്ചാബ്: (www.kvartha.com 21.04.2017) കൈ കൊണ്ട് തൊടുക പോലും ചെയ്യാതെ പല്ലുപയോഗിച്ച് ആറ് ഇഷ്ടിക കൊണ്ടു പോകുന്ന യുവാവ് ശ്രദ്ധേയനാകുന്നു. പാകിസ്ഥാനിലെ പഞ്ചാബ് പ്രദേശത്തെ കെട്ടിട നിര്‍മാണ ജോലിക്കാരനായ സയ്യിദ് താഹിര്‍ (21) ആണ് വിചിത്രമായ അഭ്യാസം കൊണ്ട് കയ്യടി നേടുന്നത്. യുവാവിന്റെ വീഡിയോ ഇപ്പോള്‍ മാധ്യമങ്ങള്‍ ഏറ്റെടുത്തിരിക്കുകയാണ്.

ആദ്യം ഒരു ഇഷ്ടിക എടുത്ത് പല്ലില്‍ വെച്ച് ബാലന്‍സ് ചെയ്ത ശേഷമാണ് ബാക്കിയുള്ള ഇഷ്ടികകള്‍ വെക്കുന്നത്. പല്ലില്‍ എടുത്ത് വെക്കാന്‍ വേണ്ടി മാത്രം യുവാവ് കൈ ഉപയോഗിക്കുന്നുണ്ട്. പിന്നീട് ബാലന്‍സ് കിട്ടിയ ശേഷം തൊടുക പോലും ചെയ്യാതെ പല്ലില്‍ ആറ് ഇഷ്ടിക കൊണ്ട് നടക്കുകയാണ്. സുഹൃത്തുക്കള്‍ പ്രോത്സാഹിപ്പിക്കുന്നതും വീഡിയോയില്‍ വ്യക്തമാണ്.

സ്‌കൂള്‍ പഠനം ഉപേക്ഷിച്ച യുവാവ് പിന്നീട് കെട്ടിട നിര്‍മാണ മേഖലയിലേക്ക് കടക്കുകയായിരുന്നു. അവിടെ വെച്ചാണ് താഹിര്‍ തന്റെ കഴിവ് തിരിച്ചറിഞ്ഞത്. ആദ്യം തമാശയ്ക്ക് ഒരു ഇഷ്ടിക പല്ലില്‍ വെച്ച് നോക്കിയപ്പോള്‍ അത്ഭുതം തോന്നിയെന്നും പിന്നീട് കൂടുതല്‍ പരിശീലനം നേടിയാണ് ഇത്രയും ഇഷ്ടിക വെക്കാനും കൊണ്ടുനടക്കാനും കഴിഞ്ഞതെന്നും താഹിര്‍ വ്യക്തമാക്കി. നിലവില്‍ എട്ട് ഇഷ്ടിക വരെ യുവാവ് പല്ലില്‍ കൊണ്ട് പോകും.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Summary: Remember the famous tagline 'kya aapke toothpaste mei namak hai?' This man probably does have salt in his toothpaste because the task he achieves is nearly impossible otherwise