ജിഷ്ണു പ്രണോയ് കേസ്: ഇരിങ്ങാലക്കുട എ എസ് പി കിരണ്‍ നാരായണ്‍ അന്വേഷണ ഉദ്യോഗസ്ഥന്‍

തിരുവനന്തപുരം:  (www.kvartha.com 11.01.2017) എഞ്ചിനീയറിംഗ് വിദ്യാര്‍ത്ഥി ജിഷ്ണു പ്രണോയുടെ മരണവുമായി ബന്ധപ്പെട്ട് തൃശൂര്‍ റൂറല്‍ പഴയന്നൂര്‍ പോലീസ് സ്റ്റേഷനില്‍ ക്രൈം നമ്പര്‍ 19/2017 ആയി റിപ്പോര്‍ട്ട് ചെയ്ത കേസിന് പ്രത്യേക അന്വേഷണ സംഘം രൂപീകരിച്ച് ഉത്തരവായി. ഇരിങ്ങാലക്കുട എ എസ് പി  കിരണ്‍ നാരായണ്‍ ആണ് അന്വേഷണ ഉദ്യോഗസ്ഥന്‍.

തൃശൂര്‍ റൂറല്‍ ഡിസ്ട്രിക്ട് ക്രൈംബ്രാഞ്ച് എസ്‌ഐ പി കെ പദ്മരാജന്‍, തൃശൂര്‍ റൂറല്‍ പഴയന്നൂര്‍ പോലീസ് സ്റ്റേഷനിലെ അഡീഷണല്‍ എസ്‌ഐ ടി കെ ശശിധരന്‍, തൃശൂര്‍ റൂറല്‍ വനിത സെല്‍ വനിത എ എസ് ഐ ഉദയചന്ദ്രിക എന്നിവര്‍ സംഘത്തില്‍ അംഗങ്ങളാണ്.

തൃശൂര്‍ റൂറല്‍ ജില്ലാ പോലീസ് മേധാവി അന്വേഷണത്തിന് വ്യക്തിപരമായ മേല്‍നോട്ടം വഹിക്കും. പ്രത്യേക അന്വേഷണസംഘം അന്വേഷണപുരോഗതി സംബന്ധിച്ച് ദൈ്വവാര റിപ്പോര്‍ട്ട് തൃശൂര്‍ റേഞ്ച് ഐജിക്ക് നല്‍കണമെന്നും സംസ്ഥാന പോലീസ് മേധാവി നിര്‍ദ്ദേശിച്ചു.

Keywords: Kerala, Thiruvananthapuram, Thrissur, Police, Investigates, Special team, Murder, Suicide, Crime, Special Police Team for Jishnu Pranoy Case