» » » » » » » വൈദ്യുതി പ്രതിസന്ധി: കല്‍ക്കരി താപ നിലയം സ്ഥാപിക്കണം: കെ.എസ്.ഇ.ബി ഓഫീസേഴ്‌സ് അസോസിയേഷന്‍

തൊടുപുഴ: (www.kvartha.com 11.09.2015) കേരളം ഇരുട്ടിലേക്ക് നീങ്ങാതിരിക്കാന്‍ മെഗാ കല്‍ക്കരി താപ നിലയം സ്ഥാപിക്കണമെന്ന് കെ.എസ്.ഇ.ബി ഓഫീസേഴ്‌സ് അസോസിയേഷന്‍. ജലവൈദ്യുതി പദ്ധതി കഴിഞ്ഞാല്‍ ഏറ്റവും കുറഞ്ഞ നിരക്കില്‍ വൈദ്യുതി ലഭ്യമാക്കാന്‍ കഴിയുന്നത് കല്‍ക്കരി നിലയങ്ങള്‍ക്കാണ്.

ഉയര്‍ന്ന സ്ഥാപന ചെലവുമൂലം സൗരോര്‍ജ്ജകാറ്റാടി പദ്ധതികള്‍ സാമ്പത്തിക ലാഭമുണ്ടാക്കില്ലെന്നും അസോസിയേഷന്‍ നേതാക്കള്‍ പത്രസമ്മേളനത്തില്‍ പറഞ്ഞു. വൈദ്യുതി നിരക്ക്  മൂന്നുതവണ വര്‍ദ്ധിപ്പിച്ചിട്ടും ബോര്‍ഡിന്റെ കടബാദ്ധ്യത അഞ്ചിരട്ടിയായി.മഴക്കുറവ് വരാനിരിക്കുന്ന വര്‍ഷങ്ങളിലും ജലവൈദ്യുത രംഗത്ത് തിരിച്ചടിയാകും.

അന്യസംസ്ഥാനങ്ങളുമായുളള വൈദ്യുതി കരാറുകള്‍ നടപ്പാകുന്നില്ല. പള്ളിവാസല്‍, തോട്ടിയാര്‍, ചാത്തങ്കോട്ടുനട, ആനക്കയം, കക്കയം തുടങ്ങിയ  വൈദ്യുതി ഉല്‍പാദന പദ്ധതികള്‍ ഒരിഞ്ചുപോലും മുന്നോട്ടുപോയിട്ടില്ല. കഴിഞ്ഞ സര്‍ക്കാര്‍ ഒഡീഷയിലെ ബൈതരണിയില്‍ നേടിയെടുത്ത കല്‍ക്കരിപ്പാടം കേന്ദ്ര സര്‍ക്കാര്‍ തിരിച്ചെടുത്തു.

പ്രതിവര്‍ഷം ശരാശരി 20 സബ്‌സ്‌റ്റേഷനുകള്‍  വീതം കമ്മീഷന്‍ ചെയ്തിരുന്ന സ്ഥാനത്ത്  കഴിഞ്ഞ നാലുകൊല്ലം കൊണ്ട് പൂര്‍ത്തിയായത്  33 സബ്‌സ്‌റ്റേഷനുകളാണ്. സൗജന്യക്കണക്ഷന്‍ നിര്‍ത്തലാക്കി. പിന്നോക്ക വിഭാഗങ്ങള്‍ക്ക് നല്‍കിയിരുന്ന മുന്‍ഗണന  ഇല്ലാതാക്കി.
അറ്റകുറ്റപ്പണികള്‍ സാധനസാമഗ്രികളില്ലാതെ മുടങ്ങുന്നു. നൂറിലേറെ സെക്ഷനുകളില്‍ അസിസ്റ്റന്റ് എഞ്ചിനീയര്‍മാരും  സീനിയര്‍ സൂപ്രണ്ടുമാരുമില്ല. വൈദ്യുതി മീറ്ററുകള്‍ കിട്ടാനില്ല. 13ലക്ഷത്തോളം മീറ്ററുകളാണ് തകരാറിലായിരിക്കുന്നതെന്നും നേതാക്കള്‍ പറഞ്ഞു.
Thodupuzha, Press meet, Engineers, Conference
അസോസിയേഷന്‍ 19 ാം സംസ്ഥാനസമ്മേളനം വെളളി, ശനി ദിവസങ്ങളില്‍  തൊടുപുഴയില്‍
നടക്കും. വനിതാസമ്മേളനം ഇന്നു രാവിലെ 9.45ന് അഖിലേന്ത്യാ ജനാധിപത്യ മഹിളാഅസോസിയേഷന്‍ വൈസ് പ്രസിഡന്റ് സുഭാഷിണി അലി ഉദ്ഘാടനം ചെയ്യും. 3.30ന് കേരള വികസന മാതൃകപ്രതിസന്ധികള്‍ സാദ്ധ്യതകള്‍  സെമിനാര്‍ മുന്‍ വൈദ്യുതി മന്ത്രി എ.കെ.ബാലന്‍ ഉദ്ഘാടനം ചെയൂം. നാളെ രാവിലെ ഒമ്പതിന്  പ്രതിനിധി സമ്മേളനം പ്രതിപക്ഷ ഉപനേതാവ് കോടിയേരി ബാലകൃഷ്ണന്‍ ഉദ്ഘാടനം ചെയ്യും.

പ്രസിഡന്റ് ബി.പ്രദീപ്, ജനറല്‍ സെക്രട്ടറി എം.ജി സുരേഷ് കുമാര്‍,  ജെ.സത്യരാജ്, കെ.കെ ബോസ്, സിയാദ് എന്നിവര്‍ പത്രസമ്മേളനത്തില്‍ പങ്കെടുത്തു.

Also Read:
അടയാത്ത ഗേറ്റ് പരിശോധിക്കുന്നതിനിടെ ഗേറ്റ്മാന്‍ ട്രെയിന്‍തട്ടി മരിച്ചു

Keywords: Thodupuzha, Press meet, Engineers, Conference, Kerala.

About Kasargodvartha

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കെവാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date

Search This portal