ഐസില്‍ അമേരിക്കന്‍ ജേര്‍ണലിസ്റ്റിന്റെ തലവെട്ടി; വീഡിയോ അപ്ലോഡ് ചെയ്തു

മൊസൂള്‍: ഐസില്‍ അമേരിക്കന്‍ ഫോട്ടോ ജേര്‍ണലിസ്റ്റ് ജെയിംസ് റൈറ്റ് ഫോലെയുടെ തലവെട്ടി. 2012ല്‍ സിറിയയില്‍ കൃത്യനിര്‍വഹണം നടത്തുന്നതിനിടയിലാണ് ജെയിംസ് റൈറ്റിനെ കാണാതായത്. അന്നുമുതല്‍ റൈറ്റ് ഐസിലിന്റെ തടങ്കലിലായിരുന്നുവെന്നു വേണം കരുതാന്‍.

അമേരിക്കയ്ക്കുള്ള ഒരു സന്ദേശമെന്ന നിലയിലാണ് റൈറ്റിന്റെ തലവെട്ടുന്ന ദൃശ്യങ്ങള്‍ ഐസില്‍ സോഷ്യല്‍ മീഡിയയില്‍ അപ്ലോഡ് ചെയ്തത്.
പ്രിയപ്പെട്ട സുഹൃത്തുക്കളെ, കുടുംബാംഗങ്ങളെ, സ്‌നേഹിതരെ എന്റെ യഥാര്‍ത്ഥ കൊലയാളികളായ യു.എസ് സര്‍ക്കാരിനെതിരെ നിങ്ങള്‍ ശബ്ദമുയര്‍ത്തണമെന്ന് തലവെട്ടുന്നതിന് മുന്‍പ് റൈറ്റ് പറയുന്നുണ്ട്.

ബ്രിട്ടീഷ് ശൈലിയില്‍ സംസാരിക്കുന്ന പോരാളിയാണ് റൈറ്റിന്റെ തലവെട്ടുന്നത്. ഇയാള്‍ ബ്രിട്ടീഷുകാരനാണെന്ന സംശയം നിലനില്‍ക്കുന്നുണ്ട്. ഐസില്‍ സംഘാംഗങ്ങളില്‍ നിരവധി യുഎസ്, ബ്രിട്ടീഷ് പൗരന്മാരുണ്ടെന്ന് ഇതിനകം വ്യക്തമായിട്ടുണ്ട്. നേരത്തെ ബ്രിട്ടീഷുകാരനായ ചാവേറിന്റെ വീഡിയോ ഐസില്‍ പുറത്തുവിട്ടിരുന്നു.

തടങ്കലിലുള്ള മറ്റൊരു അമേരിക്കന്‍ ജേര്‍ണലിസ്റ്റായ സ്റ്റീവന്‍ ജോയല്‍ സോട്ട്‌ലോഫിന്റെ തലവെട്ടുമെന്ന് റൈറ്റിന്റെ തലവെട്ടിയതിനുശേഷം ഐസില്‍ പോരാളി ഭീഷണിപ്പെടുത്തുന്നുണ്ട്.

സോട്ട്‌ലോഫിനെ ക്യാമറയ്ക്ക് മുന്‍പിലൂടെ നടത്തുന്ന ദൃശ്യങ്ങളും വീഡിയോയിലുണ്ട്.

SUMMARY: Foley has been missing since Thanksgiving 2012 while working in Syria. ISIS posted the extremely graphic video 'A Message to America' to social media. Foley speaks to camera before his death and labels the US his killers

Keywords: ISISL, Iraq, Syria, US Journalist, Behead,