മുല്ലപ്പള്ളിയുടെ ആരോപണം അംഗീകരിക്കുന്നില്ല: തിരുവഞ്ചൂര്‍

തിരുവനന്തപുരം: ടി.പി. വധക്കേസില്‍ സിപിഎം- കോണ്‍ഗ്രസ് ഗൂഢാലോചന ഉണ്ടോയെന്ന് അന്വേഷിക്കണമെന്ന കേന്ദ്ര ആഭ്യന്ത സഹമന്ത്രിയുടെ പരാമര്‍ശത്തിന് മറുപടിയുമായി ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍. മുല്ലപ്പള്ളിയുടെ ആരോപണത്തെ അംഗീകരിക്കില്ലെന്നും കേസില്‍ വമ്പന്‍ സ്രാവുകള്‍ ഉള്‍പെട്ടിട്ടുണ്ടെന്ന് ഉന്നയിക്കുന്നവര്‍ തെളിവുകള്‍ ഹാജരാക്കണമെന്നും തിരുവഞ്ചൂര്‍ തുറന്നടിച്ചു.

ടി.പി. ചന്ദ്രശേഖരന്‍ വധക്കേസില്‍ അന്വേഷണം അട്ടിമറിക്കാന്‍ സി.പി.ഐ(എം)-കോണ്‍ഗ്രസ് ഗൂഢാലോചന ഉണ്ടോയെന്ന് അന്വേഷിക്കണമെന്നായിരുന്നു മുല്ലപ്പള്ളിയുടെ പരാമര്‍ശം.
കേസ് അന്വേഷണം ഉന്നത ഏജന്‍സിക്ക് കൈമാറണമെന്നും കേസില്‍ സാക്ഷികളുടെ കൂറുമാറ്റം അന്വേഷിക്കണമെന്നും മുല്ലപ്പള്ളി ആവശ്യപ്പെട്ടിരുന്നു. ഇതാണ് സംസ്ഥാന ആഭ്യന്തര മന്ത്രിയുടെ പ്രതികരണത്തിന് കാരണം.

Keywords: Thiruvananthapuram, Thiruvanchoor Radhakrishnan, Mullappalli Ramachandran, T.P Chandrasekhar Murder Case, Kerala, Police, Investigation, Kerala News, International News, National News, Gulf News, Health News, Educational News, Business News, Stock News, Gold News.