ജഗതിയെ കാണാന്‍ പി.സി.ജോര്‍ജ് അനുവദിക്കുന്നില്ലെന്ന് മകള്‍ ശ്രീലക്ഷ്മി

തിരുവന്തപുരം: വാഹനാപകടത്തില്‍ പരിക്കേറ്റ് ചികിത്സയില്‍ കഴിയുന്ന സിനിമാതാരം ജഗതി ശ്രകുമാറിനെ വീട്ടില്‍ പോയി കാണാന്‍ അനുവദിക്കുന്നില്ലെന്ന് കാണിച്ച് മകള്‍ ശ്രീലക്ഷ്മി പ്രതിപക്ഷ നേതാവ് വി.എസ്. അച്യുതാനന്ദന് പരാതി നല്‍കി.

ജഗതിയുടെ മൂന്നാം ഭാര്യയിലെ മകളായ ശ്രീലക്ഷ്മിയാണ് അച്ഛനെക്കാണാന്‍ ചീഫ് വിപ്പ് പി.സി.ജോര്‍ജ് അനുവദിക്കുന്നില്ലെന്നു കാണിച്ച് പരാതി നല്‍കിയത്. പരാതി നല്‍കിയ ശേഷം ശ്രീലക്ഷ്മി മാധ്യമപ്രവര്‍ത്തകരോടു സംസാരിക്കുകയും ചെയ്തു.

പി.സി.ജോര്‍ജ് കാരണം എനിക്കും അമ്മക്കും ജീവിക്കാന്‍ കഴിയാത്ത സ്ഥിതിയാണുള്ളതെന്നും ശ്രീലക്ഷ്മി കൂട്ടിച്ചേര്‍ത്തു. കോടതി ഉത്തരവുമായി വെല്ലൂരില്‍ ചികിത്സയില്‍ കഴിഞ്ഞിരുന്ന ജഗതിയെ കാണാന്‍ പോയിരുന്നു.

ജഗതിയെ കാണുന്നതില്‍ നിന്നും തങ്ങളെ തടയില്ലെന്ന് അദ്ദേഹത്തിന്റെ കുടുംബം പറഞ്ഞിരുന്നുവെങ്കിലും പി.സി.ജോര്‍ജ് തങ്ങളെ തടയുകയായിരുന്നുവെന്നും ശ്രീലക്ഷ്മി കൂട്ടിച്ചേര്‍ത്തു.

തങ്ങളുടെ കുടുംബകാര്യത്തില്‍ ഇടപെടാന്‍ പി.സി.ജോര്‍ജിന് അവകാശമില്ലെന്നാണ് ശ്രീലക്ഷ്മി പറയുന്നത്.

Keywords: Sreelakshmi, Jagathy Sreekumar, P.C George, Daughter, V.S Achuthanandan, Complaint, Thiruvananthapuram, Vehicles, Accident, House, Media, Court Order, Treatment, Family, Mother, Kerala,Malayalam news, Kerala News, International News, National News, Gulf News, Health News, Educational News, Business News, Stock news, Gold News, Jagathy's daughter emotional talk against P C George