Hi guest ,  welcome  |   Sign in   |   Visit KeralaFlash   |   Download Font

പൂനെയിൽ കെട്ടിടത്തിന്റെ സ്ലാബ് തകർന്നുവീണ് 13 തൊഴിലാളികൾ കൊല്ലപ്പെട്ടു

pf-button-both

Written By kvarthakochi on Tuesday, December 18, 2012 | 11:55 pm

National, Pune, Obituary, Accident, Accidental death, Labourers, Killed, Slab, Under construction building, Collapsed, Wagholi, About 20km from Pune, Police
പൂനെ: പൂനെയിൽ നിർമ്മാണത്തിലിരിക്കുന്ന കെട്ടിടത്തിന്റെ സ്ലാബ് തകർന്നുവീണ് 13 തൊഴിലാളികൾ കൊല്ലപ്പെട്ടു. പൂനെയിൽ നിന്നും 20 കിമീ അകലെ വാഘോലിയിലാണ് അപകടം നടന്നത്. നാലാം നിലയിൽ ജോലിചെയ്തുകൊണ്ടിരുന്ന നിർമ്മാണതൊഴിലാളികളുടെ മുകളിലേയ്ക്കാണ് കൂറ്റൻ സ്ലാബ് അടർന്നുവീണത്. അവശിഷ്ടങ്ങൾക്കിടയിൽ കൂടുതൽ തൊഴിലാളികൾ കുടുങ്ങിയതായാണ് റിപോർട്ട്. രക്ഷാപ്രവർത്തനങ്ങൾ ഊർജ്ജിതമാണ്.

അപകടസ്ഥലത്തുനിന്നും ഇതുവരെ ഒരാളെ മാത്രമാണ് രക്ഷപ്പെടുത്താൻ കഴിഞ്ഞിട്ടുള്ളത്. ഇയാളെ ആശുപത്രിയിൽ പ്രവേശിപ്പിച്ചിരിക്കുകയാണ്. നിർമ്മാണത്തിനുപയോഗിച്ച സിമന്റ് സ്ലാബ് ഗുണനിലവാരം കുറഞ്ഞതാണെന്ന് ആരോപണമുണ്ട്.

SUMMERY: Pune: 13 labourers were killed when a slab of an under-construction building collapsed today at Wagholi, about 20km from Pune, police said.

Keywords: National, Pune, Obituary, Accident, Accidental death, Labourers, Killed, Slab, Under construction building, Collapsed, Wagholi, About 20km from Pune, Police
11:55 pm | 0 comments

പോളിയോ വിതരണം: പാകിസ്ഥാനില്‍ അഞ്ചുപേരെ വെടിവെച്ചു കൊന്നു

pf-button-both
World, Pakistan, Polio, Distribution, Pak Taliban, Shot, Killed, Obituary, Karachi, UNICEF,
കറാച്ചി: പാകിസ്ഥാനിലെ കറാച്ചിയില്‍ പോളിയോ തുള്ളിമരുന്ന് വിതരണം നടത്തിയ നാല് സ്ത്രീകളടക്കം അഞ്ച് പേരെ വെടിവെച്ച് കൊന്നു. ഐക്യരാഷ്ട്ര സംഘടനയുടെ ഏജന്‍സിയായ യുനിസെഫിനു വേണ്ടി പ്രവര്‍ത്തിക്കുന്നവരാണ് കൊല്ലപ്പെട്ടത്. ആക്രമണം ഉത്തരവാദിത്വം ആരും ഏറ്റെടുത്തിട്ടില്ല. എന്നാല്‍, യു എന്നിന്റെ പോളിയോ പ്രതിരോധ പ്രവര്‍ത്തനത്തിനെതിരെ പാക് താലിബാന്‍ ഭീഷണി മുഴക്കിയിരുന്നു. യുനിസെഫിന്റെ ഭാഗമായി പാകിസ്ഥാനില്‍ നടന്ന ത്രിദിന വാക്‌സിനേഷന്‍ പരിപാടിയുടെ രണ്ടാം ദിനത്തിലാണ് രാജ്യത്തെ നടുക്കിയ ആക്രമണ പരമ്പര അരങ്ങേറിയത്.

കറാച്ചിയിലെ മൂന്ന് സ്ഥലങ്ങളിലായാണ് ആക്രമണം നടന്നത്. വടക്ക്-പടിഞ്ഞാറന്‍ മേഖലയിലെ പെഷാവറില്‍ തോക്കുധാരിയായ ആക്രമി ഒരു കൂട്ടം വനിതാ ആരോഗ്യപ്രവര്‍ത്തകര്‍ക്കെതിരെ വെടിയുതിര്‍ക്കുകയായിരുന്നുവെന്ന് ദൃക്സാക്ഷികള്‍ പറഞ്ഞു.

ആക്രമണത്തെ തുടര്‍ന്ന് കറാച്ചിയിലെ പോളിയോ തുള്ളിമരുന്നു വിതരണം നിര്‍ത്തിവെച്ചതായി പാക് ആരോഗ്യ അധികൃതര്‍ അറിയിച്ചു. 5.2 ബില്യണ്‍ പോളിയോ തുള്ളിമരുന്നുകളാണ് മൂന്ന് ദിവസം നടക്കുന്ന ത്രിദിന വാക്‌സിനേഷന്‍ പരിപാടിയില്‍ വിതരണം ചെയ്യേണ്ടിയിരുന്നത്. 24,000 ആരോഗ്യപ്രവര്‍ത്തകരാണ് കറാച്ചിയില്‍ പോളിയോ തുള്ളിമരുന്ന് വിതരണം നടത്തുന്നത്.

അഫ്ഗാനിസ്ഥാന്‍, നൈജീരിയ , പാകിസ്ഥാന്‍ എന്നീ രാജ്യങ്ങളില്‍ ഇപ്പോഴും പോളോയോ രോഗബാധ റിപ്പോര്‍ട്ട് ചെയ്യുന്നുണ്ട്. 2011 ല്‍ 15 കുട്ടികള്‍ പോളിയോബാധ മൂലം പാകിസ്താനില്‍ വികലാംഗരായി. ഒസാമാ ബിന്‍ ലാദനെ പിടികൂടുന്നതിനായി സി.ഐ.എയുടെ നേതൃത്വത്തില്‍ 2011 ല്‍ വ്യാജപോളിയോ വിതരണം നടത്തിയത് പാകിസ്ഥാനില്‍ വന്‍പ്രതിഷേധത്തിന് കാരണമായിരുന്നു.

Keywords: World, Pakistan, Polio, Distribution, Pak Taliban, Shot, Killed, Obituary, Karachi, UNICEF, 
11:54 pm | 0 comments

ബലാത്സംഗം: പ്രതികള്‍ക്കു വധശിക്ഷ നല്‍കണമെന്ന് പാര്‍ലമെന്റ്

pf-button-both
Appalled , Gang-rape, Delhi bus, Leader of Opposition, Lok Sabha, Sushma Swaraj, Capital punishment, Zero Hour, Mental trauma, Munirka, South Delhi,  Palam.
ന്യൂഡല്‍ഹി: ന്യൂഡല്‍ഹിയില്‍ വിദ്യാര്‍ഥിനിയെ ബസ്സില്‍വച്ച് ബലാല്‍സംഗം ചെയ്‌തതിനെതിരെ പാര്‍ലമെന്റില്‍ വന്‍പ്രതിഷേധം. ബലാത്സംഗക്കേസുകളിലെ പ്രതികള്‍ക്കു വധശിക്ഷ നല്‍കണമെന്നു പാര്‍ലമെന്‍റ് ആവശ്യപ്പെട്ടു. ബലാത്സംഗക്കേസ് പ്രതികള്‍ക്കു പരമാവധി ശിക്ഷ നല്‍കണമെന്നതു സഭയുടെ പൊതു വികാരമാണെന്നു ലോക് സഭാ സ്പീക്കര്‍ മീര കുമാര്‍ പറഞ്ഞു.

ബിജെപിയാണ് വിഷയം സഭയില്‍ അവതരിപ്പിച്ചത്.ഇത്തരം കേസുകളില്‍ കുറ്റവാളികള്‍ക്കു വധശിക്ഷ നല്‍കണമെന്നു ലോക് സഭാ പ്രതിപക്ഷ നേതാവ് സുഷമസ്വരാജ് ആവശ്യപ്പെട്ടു. പാര്‍ലമെന്റിന്റെ ഇരുസഭകളും നിര്‍ത്തിവച്ചാണ് വിഷയം ചര്‍ച്ച ചെയ്തത്. വിഷയം ചര്‍ച്ചചെയ്യാന്‍ കേന്ദ്ര ആഭ്യന്തര മന്ത്രി രാജ്യസഭയില്‍ ടി.എന്‍. സീമയുടെ നേതൃത്വത്തില്‍സിപിഎം അംഗങ്ങള്‍ നടുത്തളത്തിലിറങ്ങി പ്രതിഷേധിച്ചു. മുന്‍ സ്പീക്കര്‍ നജ്മ ഹെപ്തുള്ള അടക്കമുള്ളവര്‍ പ്രതിഷേധത്തില്‍ പങ്കെടുത്തു.

ബലാത്സംഗക്കേസുകള്‍ വേഗത്തില്‍ പൂര്‍ത്തീകരിക്കാന്‍ അതിവേഗ കോടതികള്‍ സ്ഥാപിക്കണമെന്നു വനിത കമ്മിഷന്‍ അധ്യക്ഷ ഗിരിജ വ്യാസ് ആവശ്യപ്പെട്ടു. ആഭ്യന്തര മന്ത്രി സുശീല്‍ കുമാര്‍ ഷിന്‍ഡെ സഭയില്‍ ഹാജരാകണമെന്നു ബിജെപി ആവശ്യപ്പെട്ടു. ബിജെപിയംഗം മായ സിങ് ആണു നോട്ടിസ് നല്‍കിയത്.
വിഷയത്തില്‍ സര്‍ക്കാര്‍ വിശദീകരണം നല്‍കുമെന്നു രാജ്യസഭാധ്യക്ഷന്‍ ഹമീദ് അന്‍സാരി അറിയിച്ചു.

Key Words: Appalled , Gang-rape, Delhi bus, Leader of Opposition, Lok Sabha, Sushma Swaraj, Capital punishment, Zero Hour, Mental trauma, Munirka, South Delhi,  Palam.
11:50 pm | 0 comments

ന്യൂഡല്‍ഹി ബലാല്‍സംഘം​: രണ്ടുപേര്‍കൂടി പിടിയില്‍

pf-button-both
National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
ന്യൂഡല്‍ഹി: ന്യൂഡല്‍ഹിയില്‍ വിദ്യാര്‍ത്ഥിനിയെ ബസ്സില്‍ കൂട്ടബലാല്‍സംഘം ചെയ്ത സംഭവത്തില്‍ രണ്ടുപേരെക്കൂടി പൊലീസ് പിടികൂടി. ബസ്സ് ഡ്രൈവര്‍ രാംസിങ്ങിനെയും, രാംസിങ്ങിന്റെ സഹോദരനെയുമാണ് പൊലീസ് അറസ്റ്റ്ചെയ്തത്. മറ്റുരണ്ടുപേരേ നേരത്തേ അറസ്റ്റ് ചെയ്തിരുന്നു. പ്രതികളെ പിടികൂടിയ വിവരം പോലീസ് കമ്മീഷണര്‍ ധീരജ് കുമാറാണ് അറിയിച്ചത്.

പെണ്‍കുട്ടിയെയും സുഹൃത്തിനെയും ബസ്സില്‍ ഈ സംഘം ബസ്സില്‍ കയറ്റിയത് പൊതുഗതാഗത സംവിധാനത്തിന് ഉപയോഗിക്കുന്ന ബസ്സാണെന്ന് തെറ്റിദ്ധരിപ്പിച്ചാണ്. ഇതിനുശേഷം പെണ്‍കുട്ടിയുടെ സുഹൃത്തിനെ തലയ്ക്ക് മാരകമായ പരിക്കേല്‍പ്പിച്ച് പുറത്തേക്ക് തള്ളിയിട്ടതിനുശേഷം ഇവര്‍ പെണ്‍കുട്ടിയെ പീഡിപ്പിക്കുകയായിരുന്നുവെന്ന് പൊലീസ് വ്യക്തമാക്കി.

ബസ്സില്‍ ആകെ ആറുപേരാണ് ഉണ്ടായിരുന്നത്.രണ്ട്പേരെ ഇനിയും പിടി കൂടാനുണ്ട് ഇവര്‍ രാജസ്ഥാനിലേക്ക് കടന്നതായി സൂചനയുണ്ടെന്നും പോലീസ് പറഞ്ഞു. അറസ്റ്റിലായ നാലുപേരെയും രാജസ്ഥാനില്‍ നിന്നാണ്പിടികൂടിയത്. അതേ സമയം ആശുപത്രിയില്‍ കഴിയുന്ന പെണ്‍കുട്ടി ഗുരുതരാവസ്ഥ തരണം ചെയ്തിട്ടില്ലെന്നും ആരോഗ്യ നിലയില്‍ നേരിയ പുരോഗതി ഉണ്ടെന്നും പൊലീസ് അറിയിച്ചു.

Keywords: National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
11:45 pm | 0 comments

പ്രവാചക സ്‌നേഹം അളക്കാനാവില്ല കേന്ദ്രമന്ത്രി ഇ. അഹ്മദ്

pf-button-both
Kozhikode, E. Ahmed, Book, Released, Nalanda Auditorium, Seminar, Inauguration

കോഴിക്കോട്: പ്രവാചക സ്‌നേഹം വിവരണാതീതമാമെന്നും ഓരോ മുസ്‌ലിമിനും പ്രവാചകനോടുള്ള സ്‌നേഹം അളന്നു തിട്ടപ്പെടുത്താന്‍ കഴിയില്ലെന്നും വിദേശകാര്യ സഹമന്ത്രി ഇ. അഹ്മദ്. മനുഷ്യ ലോകത്തിന് നന്മ ചെയ്യാനാണ് പ്രവാചകന്‍ പഠിപ്പിക്കുന്നത്. നളന്ദ ഓഡിറ്റോറിയത്തില്‍ സംഘടിപ്പിച്ച മിഡില്‍ ഹില്‍ ബുക്‌സിന്റെ പ്രവാചക ചരിത്രം പുസ്തക പ്രകാശനവും ഖുര്‍ആന്‍ സന്ദേശ സെമിനാറും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ഒരുപാട് പ്രവാചകരുടെ നന്മകളും ഗുണങ്ങളും നിരവധി ഘടകങ്ങളും ഉള്‍കൊണ്ടവരാണ് അന്ത്യ പ്രവാചകന്‍ മുഹമ്മദ് നബി. ലോകത്തിന്റെ വിവിധ ഭാഗങ്ങളില്‍ ഇസ്ലാമിക ആശയത്തില്‍നിന്ന് വിഭിന്നമായി ആക്രമവും തീവ്രവാദവും നടത്തുന്നവര്‍ക്ക് പ്രവാചക സ്‌നേഹം പ്രകടിപ്പിക്കാനുള്ള അവകാശമില്ല. ഇത്തരം കാര്യങ്ങള്‍ പ്രവാചക ദര്‍ശനത്തിനും പ്രവാചകര്‍ പകര്‍ന്നുനല്‍കിയ ആശയങ്ങളിലുമുള്ള വ്യതിചലനമാണ് - അദ്ദേഹം പറഞ്ഞു.
Kozhikode, E. Ahmed, Book, Released, Nalanda Auditorium, Seminar, Inauguration

ലക്ഷദ്വീപ് സ്‌റ്റേറ്റ് വഖഫ് ബോര്‍ഡ് ചെയര്‍മാന്‍ യു.സി.കെ. തങ്ങള്‍ അധ്യക്ഷത വഹിച്ചു. കെ.ജി. റസാഖ് രചിച്ച 'എന്റെ പ്രവാചകന്‍ പുസ്തകം' കേരള ബുക്ക് മാര്‍ക്ക് സെക്രട്ടറി ബാബു കുഴിമറ്റത്തിന് നല്‍കിയും 'സംസം ഒരത്ഭുത പ്രതിഭാസം' പുസ്തകം സുബൈര്‍ നെല്ലിക്കാം പറമ്പിലിന് നല്‍കിയും കേന്ദ്രസഹ മന്ത്രി ഇ. അഹ്മദ് പ്രകാശനം ചെയ്തു. കേരളാ സിറാമിക്‌സ് ചെയര്‍മാന്‍ അഹ്മദ്കുട്ടി ഉണ്ണികുളം ആമുഖ പ്രഭാഷണം നടത്തി. റഹ്മത്തുല്ല ഖാസിമി മുത്തേടം മുഖ്യപ്രഭാഷണം നടത്തി.

സി. മോയിന്‍കുട്ടി എം.എല്‍.എ, കെ.എസ്.ഐ.ഇ. ചെയര്‍മാന്‍ എം.സി. മായിന്‍ ഹാജി, ഹാന്‍വീവ് ചെയര്‍മാന്‍ യു.സി. രാമന്‍, കെ.യു.ആര്‍.ഡി.എഫ്.സി. ചെയര്‍മാന്‍ കെ. മൊയ്തീന്‍, യു.കെ. രാമന്‍, പി.കെ. മുഹമ്മദ്, എം.എ. റസാഖ് മാസ്റ്റര്‍, എം.എ. മജീദ്, എസ്.വി. ഹസന്‍കോയ, നാസര്‍ ഫൈസി കൂടത്തായി, അഡ്വ. ഹംസകുട്ടി, സുബൈദ നീലേശ്വരം, അബ്ദുല്ല കുന്നേല്‍, അബ്ദുല്‍ കരീം ദാരിമി, കെ.ടി. റസാഖ് പൂതപ്പാടി എന്നിവര്‍ സംസാരിച്ചു.

Keywords: Kozhikode, E. Ahmed, Book, Released, Nalanda Auditorium, Seminar, Inauguration, Islamic, Terrorist, Prophet Mohammed, Kerala Vartha, Malayalam News, Kerala. 
11:44 pm | 0 comments

രഞ്ജി ട്രോഫി: കേരളത്തിന് ഇന്നിംഗ്‌സ് ജയം

pf-button-both
Sports, Cricket, Renji Trophy, Kerala, Tripura, Captain, Rohan Prem,
അഗര്‍ത്തല: ത്രിപുരക്കെതിരായ രഞ്ജി ട്രോഫി ക്രിക്കറ്റ് മത്സരത്തില്‍ കേരളത്തിന് ഇന്നിംഗ്‌സ് ജയം. കേരളം ഇന്നിംഗ്‌സിനും 78റണ്‍സിനും ത്രിപുരയെ തകര്‍ത്തു. സീസണില്‍ കേരളത്തിന്റെ ആദ്യ ജയമാണിത്.

ക്യാപ്റ്റന്‍ രോഹന്‍ പ്രേമിന്റെ 170റണ്‍സിന്റെ മികവില്‍ ഒന്നാം ഇന്നിംഗ്‌സില്‍ കേരളം 400റണ്‍സെടുത്തു. അറ് വിക്കറ്റ് വീഴ്ത്തിയ മനു കൃഷ്ണന്റെ ബൗളിംഗ് മികവില്‍ ത്രിപുര ഒന്നാം ഇന്നിംഗ്‌സില്‍ 127റണ്‍സിന് പുറത്തായി. ഇതോടെ കേരളം ആതിഥേയരോട് ഫോളോ ഓണ്‍ ചെയ്യാന്‍ ആവശ്യപ്പെട്ടു. രണ്ടാം ഇന്നിംഗ്‌സില്‍ ത്രപുര 196റണ്‍സിന് ഓള്‍ ഔട്ടായി .

കേരളത്തിന് വേണ്ടി സന്ദീപ് വാര്യര്‍ 5വിക്കറ്റ് വീഴ്ത്തി. പരുക്കില്‍ നിന്നും മോചിതനായി ടീമില്‍ മടങ്ങിയെത്തിയ ശ്രീശാന്ത് രണ്ട് വിക്കറ്റ് നേടി. ഇന്നിംഗ്‌സ് ജയം നേടിയതിനാല്‍ കേരളത്തിന് മത്സരത്തില്‍ നിന്ന് 7പോയിന്റ് ലഭിച്ചു. സീസണില്‍ 5 മത്സരങ്ങള്‍ പൂര്‍ത്തിയാക്കിയ കേരളത്തിന് ആകെ 11പോയിന്റാണുള്ളത്.

Keywords: Sports, Cricket, Renji Trophy, Kerala, Tripura, Captain, Rohan Prem, 
11:44 pm | 0 comments

പൊതുമാപ്പിന് മലയാളികള്‍ കുറവ്

pf-button-both
 Amnesty, Gulf, UAE, Dubai, Malayalees, Outpass,  Amnesty, Kerala, Malayalees, Indians, Embassy, December, February, Malayalama News, Kerala Vartha.
ദുബൈ: യു എ ഇ പ്രഖ്യാപിച്ച പൊതുമാപ്പിനായി അപേക്ഷ സമര്‍പ്പിച്ച ഇന്ത്യക്കാരില്‍ മലയാളികള്‍ കുറവാണെന്ന് റിപ്പോര്‍ട്ട്. പൊതുമാപ്പ് നിലവില്‍വന്ന് പന്ത്രണ്ട് ദിവസത്തിനകം അഞ്ഞൂറോളം ഇന്ത്യക്കാര്‍ അപേക്ഷ നല്‍കി. ഇതില്‍ മലയാളികള്‍ പൊതുവെ കുറവാണ്. അപേക്ഷകരില്‍ ഭൂരിപക്ഷവും പാസ്‌പോര്‍ട്ട് കയ്യിലില്ലാത്തവരാണ്. ഇതേസമയം, പൊതുമാപ്പ് കാലാവധി രണ്ടാഴ്ചയോട് അടുക്കുമ്പോള്‍ ഔട് പാസിനായി അപേക്ഷയുമായി എത്തുന്ന ഇന്ത്യക്കാരുടെ എണ്ണവും പൊതുവേ കുറവാണ്.

ബിഎല്‍എസ് കേന്ദ്രങ്ങളില്‍ നിന്നോ കോണ്‍സുലേറ്റില്‍ നിന്നോ ലഭിക്കുന്ന രേഖയുമായി ഇവിടെയാണ് ഔട്ട്പാസിനായി അപേക്ഷകര്‍ വരുന്നത്. രേഖകള്‍ പരിശോധിച്ച ശേഷം വിരലടയാളം രേഖപ്പെടുത്തി പത്തു ദിവസത്തിന് ശേഷം വരാന്‍ നിര്‍ദ്ദേശിച്ചാണ് ഇവിടെനിന്നും അപേക്ഷകരെ തിരിച്ചയക്കുന്നത്. എന്നാല്‍, പാസ്‌പോര്‍ട്ട് ഇല്ലാത്തവരെയും സ്‌പോണ്‍സറില്‍ നിന്നും ഒളിച്ചോടിയവരേയും ഇത്തരത്തില്‍ മടക്കി അയക്കുന്നില്ല.

പൊതുമാപ്പിനായി എത്തിയ ഇന്ത്യക്കാരില്‍ ആന്ധ്ര, തമിഴ്‌നാട് സംസ്ഥാനങ്ങളില്‍ നിന്നുള്ളവരാണ് കൂടുതല്‍. പൊതുമാപ്പിന് അപേക്ഷയുമായി എത്തുന്ന വിവിധ രാജ്യക്കാരില്‍ പാകിസ്താനില്‍ നിന്നുള്ളവരാണ് മുന്നില്‍. ബംഗ്ലാദേശ്, ശ്രീലങ്ക, ഫിലിപ്പെയ്ന്‍സ് തുടങ്ങിയ രാജ്യങ്ങളില്‍ നിന്നുള്ളവരാണ് തൊട്ടുപിന്നില്‍.

Keywords: Amnesty, Gulf, UAE, Dubai, Malayalees, Outpass,  Amnesty, Kerala, Malayalees, Indians, Embassy, December, February, Malayalama News, Kerala Vartha.
11:42 pm | 0 comments

എം.എസ്.എസ് റാവു ബി.എസ്.എന്‍.എല്‍ ചീഫ് ജനറല്‍ മാ­നേജര്‍

pf-button-both
General, Manager, Thiruvananthapuram, Kerala, Office, Duty, Years, Kerala Vartha, Malayalam Vartha, Malayalam News, MSS Rao, BSNL.
തിരുവനന്തപുരം: ബി.എസ്.എന്‍.എല്‍ കേരളാ സര്‍ക്കിള്‍ ചീഫ് ജനറല്‍ മാനേജരായി എം.എസ്.എസ് റാവു ചുമതലയേറ്റു. ന്യൂഡല്‍ഹിയിലെ ബി.എസ്.എന്‍.എല്‍ കോര്‍പറേറ്റ് ഓഫീസില്‍ ജോലി നോക്കിവരുകയായിരുന്ന റാവു ആന്ധ്രാ സ്വദേശിയാണ്.

1978 ബാച്ച് ഐടി എസ് ഓഫീസറായ ഇദ്ദേഹം 30 വര്‍ഷത്തിലേറെയായി ഡി ഒ ടി, എം.ടി.എന്‍.എല്‍, ബി.എസ്.എന്‍.എല്‍ എന്നിവിടങ്ങളില്‍ ജോലി ചെയ്തിട്ടുണ്ട്.

Keywords: General, Manager, Thiruvananthapuram, Kerala, Office, Duty, Years, Kerala Vartha, Malayalam Vartha, Malayalam News, MSS Rao, BSNL.
11:36 pm | 0 comments

മുന്‍ കാമുകിയുടെ തലയറുത്ത് കുറ്റിക്കാട്ടിലെറിഞ്ഞു, സൈനികന്‍ ഒളിവില്‍

pf-button-both
Prema, House, Student, Leave, Police, Hospital, Morchary, Kerala Vartha, Malayalam News, Kerala News, Love, Murder, Forest, Killed, Injured
നാഗര്‍കോവില്‍: മുന്‍ കാമുകിയുടെ തലയറുത്ത് കുറ്റിക്കാട്ടിലെറിഞ്ഞു, സൈനികന്‍ ഒളിവില്‍. കന്യാകുമാരി­ തിരുനെല്‍ വേലി ജില്ലാ അതിര്‍ത്തിയില്‍ ആലംകുളം മരുത്തുവാപുരം മേല്‍തെരുവ് ഗ്രാമത്തില്‍ ഓട്ടോ ഡ്രൈവറായ പെരിയസ്വാമി തേവരുടെ മകള്‍ ബി.കോം അവസാന വര്‍ഷ വിദ്യാര്‍ത്ഥിനിയായ പ്രേമയാണ് (21) അതിക്രൂരമായി കൊല്ലപ്പെട്ട­ത്.

പ്രേമയും കുടുംബവും താമസിക്കുന്ന വീടിനരുകിലെ സൈനികന്‍ മണികണ്ഠന്‍ ആണ് കൊലചെയ്തശേഷം ഒളിവില്‍ പോയത്. മണികണ്ഠനും പ്രേമയുമായി കുറച്ചു വര്‍ഷങ്ങളായി പ്രണയത്തിലായിരുന്നു. മണികണ്ഠന്റെ സ്വഭാവദൂഷ്യമറിഞ്ഞ പ്രേമ പ്രണയം അവസാനിപ്പിച്ചു. ഇയാളുടെ ശല്യം കാരണം പഠനത്തിനായി പ്രേമ ബന്ധുവീട്ടിലേയ്ക്ക് താമസം മാറ്റി. ഇതിനിടയില്‍ സൈന്യത്തില്‍ ചേര്‍ന്ന മണികണ്ഠന്‍ ഇനി ശല്യം ചെയ്യില്ലെന്ന വിശ്വാസത്താല്‍ പ്രേമ സ്വന്തം വീട്ടില്‍ വ­ന്നു.

എന്നാല്‍ ലീവിനുവരുമ്പോള്‍ വീണ്ടും ശല്യം തുടങ്ങിയതോടെ പ്രേമ വീണ്ടും താമസം മാറ്റി. എന്നാല്‍ ഇത്തവണ ലീവിന് വന്ന മണികണ്ഠന്‍ പ്രേമയെ കണ്ടെത്താന്‍ താന്‍ വീണ്ടും ലീവ് കഴിഞ്ഞു പോകുന്നതായി പ്രചരിപ്പിച്ച് മാറിനിന്നു. മണികണ്ഠന്‍ പോയെന്ന വിശ്വാസത്താല്‍ കോളേജ് കഴിഞ്ഞ് വീട്ടിലെത്തിയ പ്രേമയെ ഇയാള്‍ വടിവാളുമായെത്തി ആക്രമിക്കുകയായിരുന്നു. മുതുകില്‍ വെട്ടേറ്റ പ്രേമ വീടിനുള്ളിലേയ്ക്ക് ഓടി കയറിയെങ്കിലും പിന്നാലെ എത്തി കഴുത്തില്‍ വെട്ടുകയായിരുന്നു. ഇതിനുശേഷം ശരീരത്തില്‍ നിന്ന് വേര്‍പെട്ട് കിടന്ന തലയെടുത്ത് കുറ്റിക്കാട്ടിലെറിഞ്ഞ ശേഷം ഇയാള്‍ സ്ഥലം വിടുകയായിരു­ന്നു.

വഴിയില്‍ വെച്ച് പ്രേമയുടെ അച്ഛനെ കണ്ടതിനെതുടര്‍ന്ന് വീണ്ടും ആക്രമിക്കുകയായിരുന്നു. സാരമായി വെട്ടേറ്റ പെരിയസ്വാമിയെ പാളയംകോട്ട ജില്ലാ ആശുപത്രിയിലാക്കിയിരിക്കുകയാണ്. സംഭവമറിഞ്ഞ് തിരുനെല്‍ വേലി അഡീഷണല്‍ എസ്.പി. മഹേന്ദ്രന്റെ നേതൃത്വത്തില്‍ വന്‍ പോലീസ് സംഘം സ്ഥലത്തെത്തി. മണികണ്ഠനെ പിടികൂടാനായി പ്രത്യേക സംഘത്തെ നിയോഗിച്ചതായി പോലീസ് അറിയിച്ചു. പ്രേമയുടെ മൃതദേഹം പോസ്റ്റുമോര്‍ട്ടത്തിനായി ജില്ലാ ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുകയാണ്.

Keywords: Prema, House, Student, Leave, Police, Hospital, Morchary, Kerala Vartha, Malayalam News, Kerala News, Love, Murder, Forest, Killed, Injured.
11:35 pm | 0 comments

മത്സ്യത്തിന്റെയും കക്കയുടെയും ഉല്പാദനം കുറയുന്നതായി റിപ്പോര്‍ട്

pf-button-both
 Fish, Production, Report, Lake, Machine, Thanniermukkam, Bund, Kerala Vartha, Malayalam Vartha, Malayalam News, River, Sea.
മുഹമ്മ: വേമ്പനാട്ടുകായലില്‍ മത്സ്യത്തിന്റെയും കക്കയുടെയും ഉല്പാദനം കുറയുന്നതായി റിപ്പോര്‍ട്. കായലിലെ ആവാസ വ്യവസ്ഥയ്ക്ക് കോട്ടമുണ്ടാക്കുന്ന യന്ത്രം ഉപയോഗിച്ചുള്ള മണല്‍ഘനനവും കക്കാഘനനവുമാണ് മീന്‍ ലഭ്യത കുറയാന്‍ കാരണം.

മുന്‍പ് കായലില്‍ സുലഭമായി കിട്ടിയിരുന്ന മത്സ്യ ഇനങ്ങള്‍ പലതും ഇന്ന് പേരിനുപോലുമില്ല. ആറ്റുകൊഞ്ചിന്റെ ലഭ്യത വളരെ കുറഞ്ഞിട്ടുണ്ട്. കരിമീന്‍, കക്ക, കാളാഞ്ചി എന്നിവയുടെ സ്ഥിതിയും ഭിന്നമല്ല. ഓരുജലമാണ് മത്സ്യങ്ങളുടെ പ്രജനനത്തിന് ആവശ്യമായ ഘടകം. തണ്ണീര്‍മുക്കം ബണ്ട് വന്നതോടെ ഓരു ജലത്തിന്റെ കടന്നു കയറ്റം ഇല്ലാതായി. ബണ്ട് അടക്കുന്നതോടെ വേമ്പനാട്ട് കായലിന്റെ ഏറ്റവും വിസ്തൃതമായ തണ്ണീര്‍മുക്കം മുതല്‍ തെക്കോട്ടുള്ള ഭാഗങ്ങളില്‍ ഉപ്പുവെള്ളം കിട്ടാതാവും. താരന്‍, കാര, ചൂടന്‍, തെള്ളി, എന്നീ ചെമ്മീന്‍ ഇനങ്ങളും കണമ്പ്, പൂമീന്‍, വറ്റ തുടങ്ങിയ മത്സ്യ ഇനങ്ങളും ഗണ്യമായി കുറഞ്ഞിട്ടുണ്ട്. കടലില്‍ നിന്ന് കയറുന്ന മത്സ്യ ഇനങ്ങളും തണ്ണീര്‍മുക്കം മുതല്‍ തെക്കോട്ട് ലഭിക്കില്ല.

വൃശ്ചിക വേലിയേറ്റ സമയത്ത് തെരണ്ടി, ചൊ­റക്, ചെമ്മീന്‍ എന്നിവയും കായലില്‍ സുലഭമായി എത്തിച്ചേരേണ്ടതാണ്. വേമ്പനാട്ട് കായലില്‍ മത്സ്യത്തിന്റെയും കക്കയുടെയും ഉല്പാദനം കുറയുന്നത് മത്സ്യ മേഖലയ്ക്ക് തിരിച്ചടിയാകുന്നതാണെന്നാണ് സൂ­ചന.

Keywords: Fish, Production, Report, Lake, Machine, Thanniermukkam, Bund, Kerala Vartha, Malayalam Vartha, Malayalam News, River, Sea.
11:35 pm | 0 comments

യാക്കോബായ സഭ കെ.പി.യോഹന്നാനുമായി കൈകോര്‍ക്കുന്നു

pf-button-both
 Jacobite, Yohannan, Thiruvalla, Ernakulam, Belivers, World, Thomas, Kerala Vartha, Malayalam News, Kerala Vartha.
കോട്ടയം: മലങ്കര യാക്കോബായ സഭ കെ.പി.യോഹന്നാനുമായി കൈകോര്‍ക്കുന്നു. കെ.പി യോഹന്നാന്റെ നേതൃത്വത്തിലുള്ള സഭയെ യാക്കോബായ സഭ അംഗീകരിക്കാന്‍ തയ്യാറെടുക്കുന്നത് പുതിയ വിവാദത്തിന് വഴിമരുന്നിട്ടിരിക്കുകയാണ്. കഴിഞ്ഞ കുറെ മാസങ്ങളായി ഇതുമായി ബന്ധപ്പെട്ട ചര്‍ച്ചകള്‍ എറണാകുളം, തിരുവല്ല പ്രദേശങ്ങള്‍ കേന്ദ്രീകരിച്ച് തിരക്കിട്ട് രഹസ്യമായി നടന്നുവരികയായിരുന്നു. രഹസ്യവിവരം പുറത്തറിഞ്ഞതോടെ വിശ്വാസികളില്‍ ഭൂരിപക്ഷവും പ്രതിഷേധവുമായി രംഗപ്രവേശം ചെയ്തതായാണ് സൂചന.

ബിഷപ്പ് കെ.പി.യോഹന്നാനെ സംബന്ധിച്ച് ആഗോള സഭയുടെ ഭാഗമായി തീരുകയെന്നത് വളരെ അത്യാവശ്യമായി തീര്‍ന്നിരിക്കുന്ന സാഹചര്യത്തില്‍ യാക്കോബായ സഭ നിരത്തുന്ന ഏത് ഉപാധികളും അദ്ദേഹം അംഗീകരിക്കാന്‍ തയാറായതാണ് സൂചന. യാക്കോബായ സഭയുടെ ഇന്ത്യയിലെ തലവന്‍ തോമസ് പ്രഥമന്‍ കാതോലിക്കാ, സുന്നഹദോസ് സെക്രട്ടറി ജോസഫ് മാര്‍ ഗ്രീഗോറിയോസ്, മുന്‍ സഭാ സെക്രട്ടറി തമ്പു ജോര്‍ജ്ജ് തുകലന്‍ തുടങ്ങിയവരാണ് ഐക്യനീക്കത്തിന് ചുക്കാന്‍ പിടിക്കുന്നത്. സഭയുടെ പരമാദ്ധ്യക്ഷനായ പാത്രിയര്‍ക്കീസിന്റെ നേരിട്ടുള്ള നിയന്ത്രണത്തില്‍ ഇപ്പോള്‍ പ്രവര്‍ത്തിച്ചുവരുന്ന ക്‌നാനായ വിഭാഗം പോലെ സ്വതന്ത്രവിഭാഗമായി കണക്കുകൂട്ടുന്നതിനാണ് ഇപ്പോള്‍ നീക്കം നടക്കുന്നത്.

സ്വതന്ത്രവിഭാഗമായി കണക്കുകൂട്ടുന്നതോടെ വിശ്വാസികള്‍ക്ക് കൂടുതല്‍ എതിര്‍ക്കാന്‍ കഴിയില്ലെന്നാണ് യാക്കോബായ സഭ കരുതുന്നത്. ഫെബ്രൂവരിയില്‍ കേരളത്തിലെത്തുന്ന പാത്രിയര്‍ക്കീസ് ഇഗ്‌നാത്തിയോസ് സഭാ പ്രഥമന്‍ ഐക്യം സംബന്ധിച്ച് പ്രഖ്യാപനം നടത്തുമെന്നാണ് ഒടുവില്‍ ലഭ്യമാകുന്ന റിപ്പോര്‍ട്ട്. എന്നാല്‍ ചര്‍ച്ചകള്‍ നടന്നതായും വിശ്വാസികള്‍ എങ്ങനെ പ്രതികരിക്കുമെന്ന പേടിയുമാണ് ചര്‍ച്ചകള്‍ സംബന്ധിച്ച വിവരങ്ങള്‍ പുറത്തുവിടാന്‍ മടിക്കുന്നതെന്നാണ് മെത്രാപ്പോലീത്താമാരില്‍ ഒരു വിഭാഗം പറയുന്നത്.

Keywords: Jacobite, Yohannan, Thiruvalla, Ernakulam, Belivers, World, Thomas, Kerala Vartha, Malayalam News, Kerala Vartha.
11:33 pm | 0 comments

ടയറിന് അടിയില്‍പ്പെട്ട വീട്ടമ്മയുടെ വലതുകാല്‍ മുറിച്ചു­മാറ്റി

pf-button-both
Driver, Bus, Conductor, Santhamma, Hospital, Sister, Food, Kerala Vatha, Malayalam Vartha, Malayalam News.
കോട്ടയം: ടയറിന് അടിയില്‍പ്പെട്ട വീട്ടമ്മയുടെ വലതുകാല്‍ മുറിച്ചുമാറ്റി. ബസില്‍ കയറുന്നതിനു മുന്‍പ് വണ്ടി മുന്‍പോട്ട് നീങ്ങിയതിനെ തുടര്‍ന്ന് മുന്‍ ചക്രത്തിനടിയില്‍പ്പെട്ട് ചതഞ്ഞരഞ്ഞ വില്ലൂന്നി കുന്നം പുറത്ത് പരേതനായ കെ.എന്‍ വാസുവിന്റെ ഭാര്യ ശാന്തമ്മ(60)യുടെ വലതുകാലാണ് മുട്ടിനുമുകളില്‍ മുറിച്ചുമാറ്റിയ­ത്.

മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുന്ന സഹോദരിക്ക് ഉച്ചഭക്ഷണവുമായി പോയതായിരുന്നു ശാ­ന്ത. ഡ്രൈവര്‍ അശ്രദ്ധയോടെ ബസ് മുന്നോട്ടെടുത്തതാണ് അപകടകാരണമെന്ന് പോലീസ് പറഞ്ഞു. കോലാട്ട് അമ്പലത്തിനു സമീപമുള്ള ബസ് സ്‌റ്റോപ്പില്‍ നിര്‍ത്തിയിട്ടിരുന്ന ശ്രീലക്ഷ്മി ബസില്‍ കയറാനെത്തിയതാണ് ശാന്തമ്മ. ഫുട് ബോര്‍­ഡി­നടുത്ത് എത്തിയപ്പോഴേക്കും ബസ് മുന്നോട്ട് നീങ്ങി. അപകടത്തെ തുടര്‍­ന്ന് ഡ്രൈവറും കണ്ടക്ട്‌റും ഓടി രക്ഷപെട്ടു.

Keywords: Driver, Bus, Conductor, Santhamma, Hospital, Sister, Food, Kerala Vatha, Malayalam Vartha, Malayalam News.
11:30 pm | 0 comments

മെസി ബാഴ്‌സയില്‍ തുടരും

pf-button-both
Lionel Messi, Contract renewal, Barcelona team, Sports, Football, Spanish club, 2016,
ബാഴ്‌സലോണ: വര്‍ത്തമാന ഫുട്ബോളിലെ ഏറ്റുവും മികച്ച താരമായി ലയണല്‍ മെസി സ്‌പാനിഷ് ക്ലബായ ബാഴ്സലോണയുമായുളള കരാര്‍ പുതുക്കി. പുതിയ കരാര്‍ അനുസരിച്ച മെസ്സി 2018വരെ ബാഴ്‌സിലോണയില്‍ തുടരും. മെസിക്ക് പുറമേ സാവി, പുയോള്‍ എന്നിവരുടെ കരാറും ബാഴ്‌സ പുതുക്കി.

മെസ്സിയുമായുളള​പുതിയ കരാര്‍ അടുത്ത ആഴ്ച ഒപ്പുവയ്ക്കുമെന്ന് ബാഴ്‌സ അധികൃതര്‍ വ്യക്തമാക്കി. മെസിയുടെ നിലവിലുള്ള കരാര്‍ 2016വരെയാണ്. എന്നാല്‍ അതിനു മുന്‍പേ പുതിയ കരാര്‍ ഒപ്പുവച്ചിരിക്കുകയാണ് ബാഴ്‌സ. പുയുളിന്റെ കരാര്‍ 2013വരെയും, സാവിയുടെത് 2014വരെയുമാണ്. പതിമൂന്നാം വയസ്സില്‍​ബാഴ്‌സലോണയില്‍ എത്തിയ മെസി 2004 ഓക്ടോബറിലാണ് ആദ്യമായി ബാഴ്‌സയുടെ സീനിയര്‍ ടീമിനായി കളത്തില്‍ ഇറങ്ങിയത്.

ഒരു കലണ്ടര്‍ വര്‍ഷത്തില്‍ ഏറ്റവും കുടുതല്‍ ഗോള്‍ എന്ന നേട്ടം മെസ്സി ഇത്തവണ സ്വന്തമാക്കിയിരുന്നു. ഇതുവരെ ഈ വര്‍ഷം 90 ഗോളാണ് മെസി നേടിയത്. ജര്‍മനിയുടെ ഗെര്‍ഡ് മുളളറുടെ റെക്കോര്‍ഡാണ് മെസ്സി മറികടന്നത്.

Keywords: Lionel Messi, Contract renewal, Barcelona team, Sports, Football, Spanish club, 2016, 
11:18 pm | 0 comments

വിദ്യാർത്ഥിനിയെ കൂട്ട ബലാൽസംഗം ചെയ്തത് ഒരു പാഠം പഠിപ്പിക്കാൻ

pf-button-both
National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
ന്യൂഡൽഹി: ഡൽഹിയിൽ വിദ്യാർത്ഥിനിയെ ക്രൂരമായ കൂട്ടബലാൽസംഗത്തിന് ഇരയാക്കിയത് ഒരു പാഠം പഠിപ്പിക്കാനാണെന്ന് പ്രതികൾ പോലീസിന് മൊഴി നൽകിയതായി റിപോർട്ട്. ഒപ്പമുണ്ടായിരുന്ന സുഹൃത്തിനെ പ്രതികൾ ആക്രമിക്കാൻ തുടങ്ങിയപ്പോൾ പ്രതികൾ വിദ്യാർത്ഥിനിക്ക് നേരെ തിരിയുകയായിരുന്നു.

മുനിർക്കയിലെ ബസ് സ്റ്റോപ്പിൽ വിദ്യാർത്ഥിനിയും സുഹൃത്തും ബസ് കാത്തുനിൽക്കുന്നതിനിടയിലാണ് പ്രതികൾ ബസുമായി സ്റ്റോപ്പിലെത്തിയത്. ഇരുവരോടും എവിടേക്ക് പോകണമെന്ന് പ്രതികൾ തിരക്കി. ദ്വാരകയിലേയ്ക്ക് പോകണമെന്ന് മറുപടി നൽകിയ ഇരുവരോടും ബസ് ദ്വാരകയിലേയ്ക്കാണെന്ന് പ്രതികൾ പറഞ്ഞു. തുടർന്ന് ഇരുവരും ബസിൽ കയറുകയും പ്രതികൾ യുവതിയോട് മോശമായി സംസാരിക്കുകയും ചെയ്തു. ഇതിനെ ചോദ്യം ചെയ്ത സുഹൃത്തിനെ പ്രതികൾ കൈയ്യേറ്റം ചെയ്യാൻ തുടങ്ങിയതോടെ പെൺകുട്ടി പ്രതികളെ തടഞ്ഞു. ഇതിൽ പ്രകോപിതരായാണത്രേ പ്രതികൾ വിദ്യാർത്ഥിനിയെ ക്രൂരമായി ബലാൽസംഗത്തിനിരയാക്കിയത്.

SUMMERY: New Delhi: The six men who raped a Delhi student on a bus had decided to "punish" her for trying to stop them from attacking the male friend who was accompanying her, police sources said.

Keywords: National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
10:46 pm | 0 comments

ഡൽഹി ബലാൽസംഗം: ഡ്രൈവർ തിരിച്ചറിയൽ പരേഡിന് വിസമ്മതിച്ചു

pf-button-both
National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
ന്യൂഡൽഹി: കൂട്ടബലാൽസംഗക്കേസിലെ മുഖ്യപ്രതിയും ഡ്രൈവറുമായ രാം സിംഗ് തിരിച്ചറിയൽ പരേഡിന് വിസമ്മതിച്ചു. ഇതിനിടെ രാംസിംഗിനെ അഞ്ച് ദിവസത്തേയ്ക്ക് പോലീസ് കസ്റ്റഡിയിൽ വിട്ടു. മുഖം മൂടിക്കെട്ടിയ നിലയിലാണ് രാം സിംഗ് (30) കോടതിയിലെത്തിയത്. അറസ്റ്റിലായ നാലു പ്രതികളിൽ ഒരാളാണ് രാംസിംഗ്. ആറ് പേർ ചേർന്നാണ് മെഡിക്കൽ വിദ്യാർത്ഥിനിയെ കൂട്ടബലാൽസംഗത്തിനിരയാക്കിയത്.

ഒളിവിൽ പോയ രണ്ട് പ്രതികൾക്കായി പോലീസ് തിരച്ചിൽ നടത്തുന്നുണ്ട്. സംഭവം നടന്ന ദിവസം വിദ്യാർത്ഥിനിയിൽ നിന്നും ഒപ്പമുണ്ടായിരുന്ന സുഹൃത്തിൽ നിന്നും പ്രതികൾ മോഷ്ടിച്ച മൊബൈൽ ഫോണുകളും കണ്ടെടുക്കാൻ ശ്രമം നടക്കുന്നുണ്ട്. ഇതിനിടെ വിദ്യാർത്ഥിനി അബോധാവസ്ഥയിൽ തന്നെ തുടരുകയാണെന്ന് ഡോക്ടർമാർ അറിയിച്ചു.

SUMMERY: New Delhi: The main accused in the gang-rape of a medical student in Delhi on Sunday, bus driver Ram Singh has refused to undergo a test identification parade, which now forces the police to base its case against him and his co-accused on forensic evidence.

Keywords: National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
10:35 pm | 0 comments

ഡൽഹി ബലാൽസംഗം: രാജ്യസഭയിൽ ജയാബച്ചൻ കരഞ്ഞു

pf-button-both
National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
ന്യൂഡൽഹി: നിരവധി രാജ്യസഭാംഗങ്ങൾ ഡൽഹി ബലാൽസംഗത്തിനിരയായ പെൺകുട്ടിയെക്കുറിച്ച് വളരെ ദുഖത്തോടെ സംസാരിച്ചപ്പോൾ സമാജ് വാദി പാർട്ടി എം.പി ജയാ ബച്ചൻ പെൺകുട്ടിയെക്കുറിച്ച് പറഞ്ഞപ്പോൾ കണ്ണുകൾ നിറഞ്ഞൊഴുകി സംസാരിക്കാൻ കഴിയാതെയായി. രാജ്യസഭാ അദ്ധ്യക്ഷൻ പിജെ കുര്യനെ അഭിസംബോധന ചെയ്ത് സംസാരിച്ചപ്പോഴാണ് ജയ സങ്കടം കൊണ്ട് വിതുമ്പിയത്. ബലാൽസംഗത്തിനിരയായ കുട്ടിയുടെ കുടുംബത്തോട് സർക്കാർ ഇതുവരെ ക്ഷമാപണം നടത്താത്തത് തെറ്റായിപ്പോയെന്നും ജയ പറഞ്ഞു.

സ്ത്രീകളെ ആരാധിച്ചിരുന്ന ഒരു രാജ്യത്ത് കാര്യങ്ങള്‍ ഈ നിലയിലേക്ക് തരംതാണതായി ജയാബച്ചന്‍ പറഞ്ഞു. ബന്ധുക്കളും സഹോദരങ്ങളും ചേര്‍ന്നാണ് പെണ്‍കുട്ടികളെ പീഡിപ്പിക്കുന്നത്. ഈ സാഹചര്യത്തില്‍ സ്ത്രീകളുടെ സംരക്ഷണം എവിടെയാണെന്ന് അവര്‍ ചോദിച്ചു. ഇക്കാര്യത്തില്‍ ഒന്നും ചെയ്യാനാകാതെ ഈ സഭയില്‍ ഇങ്ങനെ നില്‍ക്കുന്നതില്‍ തനിക്ക് നാണക്കേടുണ്ടെന്നും അവര്‍ പറഞ്ഞു. ചെയറിലുണ്ടായിരുന്ന ഉപാധ്യക്ഷന്‍ പി.ജെ കുര്യന്‍ ജയാബച്ചനോട് സീറ്റില്‍ ഇരുന്ന് സംസാരിക്കാന്‍ നിര്‍ദേശിച്ചെങ്കിലും അവര്‍ കൂട്ടാക്കിയില്ല.

SUMMERY: New Delhi: While many Rajya Sabha members became emotional while condemning the gangrape of a young woman in a moving bus in Delhi, Samajwadi Party MP Jaya Bachchan broke down.

Keywords: National, Delhi gang rape, Accused arrested, Medical student, Friend, Assault, Critical, New Delhi, Protest, Jaya Bachan,
10:30 pm | 0 comments

ദുബൈയില്‍ ശിക്ഷ ലഭിക്കാതെ വാഹനം ഓടിക്കുന്നവര്‍ക്ക് സമ്മാനം

pf-button-both
Gulf, UAE, Dubai, Drivers, Gift, Best drivers, Traffic police, Fine, Draw, Public,
ദുബൈ: ഒരു വിധത്തിലുമുള്ള ട്രാഫിക് നിയമ ലംഘനം നടത്താത്തവര്‍ക്ക് ദുബൈ പോലീസിന്റെ പാരിതോഷികം. പിഴശിക്ഷ ലഭിക്കാതെ വാഹനം ഓടിക്കുന്നവര്‍ക്ക് പാരിതോഷികം നല്‍കാനാണ് ദുബൈ പോലീസിന്റെ തീരുമാനം. ദുബൈ എമിറേറ്റില്‍ നിന്നും ഡ്രൈവിംഗ് ലൈസന്‍സ് എടുത്തവരെയാണ് ഇതിനായി പരിഗണിക്കുക.

സാലിക്, മറ്റു പിഴകള്‍ ഒന്നും ലഭിക്കാതെ വാഹനം ഓടിച്ചവരുടെ പേര്, നറുക്കിട്ട് പത്തു പേര്‍ക്ക് സമ്മാനം നല്‍കും. ഫെബ്രുവരിയില്‍ നടക്കുന്ന നറുക്കെടുപ്പില്‍ കാറാണ് സമ്മാനമായി നല്‍കുക സുരക്ഷിതമായ ഡ്രൈവിംഗിനെ കുറിച്ച് പൊതുജനങ്ങളെ ബോധവല്‍ക്കരിക്കുകയാണ് പരിപാടിയുടെ ലക്ഷ്യം.

Keywords: Gulf, UAE, Dubai, Drivers, Gift, Best drivers, Traffic police, Fine, Draw, Public, 
8:35 pm | 0 comments

മോണോ റെ­യില്‍: ഡി­എം­ആര്‍­സി­യു­മാ­യി ചര്‍­ച്ച­യ്­ക്ക് മ­ന്ത്രി­ത­ല സ­മി­തി­യാ­യി

pf-button-both
തി­രു­വ­ന­ന്ത­പുരം: തി­രു­വ­ന­ന്ത­പു­രം-കോ­ഴി­ക്കോ­ട് മോണോ റെ­യി­ലു­ക­ളു­മാ­യി ബ­ന്ധ­പ്പെ­ട്ട പ്ര­വര്‍­ത്ത­ന­ങ്ങള്‍­ക്കായി ഡല്‍­ഹി മെ­ട്രോ റെ­യില്‍ കോര്‍­പ­റേ­ഷ­നു­മായി (ഡി­എം­ആര്‍സി) നി­ബ­ന്ധ­ന­കള്‍ ചര്‍­ച്ച ചെ­യ്­ത് ധാ­ര­ണ­യി­ലെ­ത്തു­ന്ന­തി­നാ­യി പൊതുമരാമത്ത് മന്ത്രി ചെ­യര്‍­മാ­നാ­യി സ­മി­തി­യെ നി­യോ­ഗി­ച്ചു. മു­ഖ്യ­മ­ന്ത്രി­യു­ടെ അ­ധ്യ­ക്ഷ­ത­യില്‍ ചേര്‍ന്ന യോ­ഗ­മാ­ണ് സ­മി­തി­യെ നി­യോ­ഗി­ച്ച­ത്.

ഗ­താ­ഗ­ത വ­കു­പ്പ് അ­ഡീ­ഷ­ണല്‍ ചീ­ഫ് സെ­ക്രട്ട­റി ഏ­ലി­യാ­സ് ജോര്‍ജ്, പൊ­തു­മ­രാമ­ത്ത് വ­കു­പ്പ് സെ­ക്രട്ട­റി ടി.ഒ.സൂ­ര­ജ്,മോണോ റെ­യില്‍ കോര്‍­പ­റേ­ഷന്‍ എം­ഡി ഹ­രി­കേ­ഷ് എ­ന്നി­വ­രാ­ണ് സ­മി­തി­യം­ഗ­ങ്ങള്‍. ജ­നു­വ­രി­യില്‍ ന­ട­ക്കു­ന്ന അ­ടുത്ത മോണോ റെ­യില്‍ കോര്‍­പ­റേ­ഷന്‍ ബോര്‍­ഡ് യോ­ഗ­ത്തി­നു മു­മ്പ് ഡി­എം­ആര്‍­സി­യു­മാ­യി ചര്‍­ച്ച നട­ത്തി ധാ­ര­ണ­യി­ലെ­ത്ത­ണ­മെ­ന്ന് മു­ഖ്യ­മന്ത്രി യോ­ഗ­ത്തില്‍ നിര്‍­ദേ­ശിച്ചു.


Keywords: Kerala, Thiruvananthapuram, Mono rail, DMRC, meet, Kozhikode, Calicut, Malayalam News, Kerala Vartha.
8:23 pm | 0 comments

ജില്ലാ ആശുപത്രികളില്‍ മെഡിക്കല്‍ കോളജുകള്‍ തുടങ്ങുമെന്ന് കേന്ദ്രമന്ത്രി ഗുലാം നബി ആസാദ്

pf-button-both
Minister, Gulam Nabi Azad, Raghavan, Hospital, Medical College, India District, Council, Delhi, Union, Kvartha, Malayalam News, Kerala Vartha. ന്യൂഡല്‍ഹി: ജില്ലാ ആശുപത്രികളില്‍ മെഡിക്കല്‍ കോളജുകള്‍ തുടങ്ങുമെന്ന് കേന്ദ്രമന്ത്രി ഗുലാം നബി ആസാദ്. ജില്ലാ ആശുപത്രികളോടനുബന്ധിച്ച് മെഡിക്കല്‍ കോളജുകള്‍ സ്ഥാപിക്കുന്നതിനും ചികിത്സാ സൗകര്യങ്ങള്‍ കുറഞ്ഞ സംസ്ഥാനങ്ങള്‍ക്ക് കൂടുതല്‍ കേന്ദ്രസഹായം അനുവദിക്കുന്നതിനും 12ാം പദ്ധതിയില്‍ പ്രത്യേക ഊന്നല്‍ നല്‍കുമെന്ന് കേന്ദ്ര ആരോഗ്യ മന്ത്രി ഗുലാം നബി ആസാദ് എം.കെ. രാഘവന്‍ എം.പിയെ അറിയിച്ചു.

ദേശീയ ഗ്രാമീണാരോഗ്യ പദ്ധതിയുടെ ഭാഗമായി ജില്ലാ ആശുപത്രികളോട് ചേര്‍ന്ന് മാതൃ ശിശു വിഭാഗത്തിന് കൂടുതല്‍ കിടക്കകള്‍ ഉറപ്പാക്കുന്നതിനും ധനസഹായം അനുവദിക്കും. രാഘവന്‍ ലോക് സഭയിലുന്നയിച്ച പ്രശ്‌നത്തിന് നല്‍കിയ മറുപടിയിലാണ് മന്ത്രിയുടെ ഈ വെളിപ്പെടുത്തല്‍. ജില്ലാ ആശുപത്രികളോടനുബന്ധിച്ച് മെഡിക്കല്‍ കോളജുകള്‍ സ്ഥാപിക്കാനാവും വിധം മെഡിക്കല്‍ കൗണ്‍സില്‍ നിബന്ധനകള്‍ ഭേദഗതി ചെയ്തിട്ടുണ്ട്.

Keywords: Minister, Gulam Nabi Azad, Raghavan, Hospital, Medical College, India District, Council, Delhi, Union, Kvartha, Malayalam News, Kerala Vartha, Medical colleges in dist. hospitals: Minister
8:01 pm | 0 comments

വൈഫൈ സിഗ്‌നല്‍ കൂ­ട്ടാന്‍ ബി­യര്‍ കാന്‍ മതി

pf-button-both
ലോ­സ് ഏ­ഞ്ചല്‍സ്: ഇന്റര്‍­നെ­റ്റ് ഉ­പ­യോ­ഗി­ക്കു­ന്ന­വര്‍­ക്ക് വൈഫൈ സം­വി­ധാ­നം ഒ­ഴി­ച്ചു­കൂ­ടാന്‍ ക­ഴി­യാ­ത്ത­താണ്. ഒ­രു മോ­ഡ­ത്തില്‍ നിന്നും നി­രവ­ധി പേര്‍­ക്ക് ഇന്റര്‍­നെ­റ്റ് ക­ണ­ക്­റ്റി­വി­റ്റി ല­ഭി­ക്കാന്‍ പ്ര­ധാ­ന­മായും ആ­ശ്ര­യി­ക്കുന്ന­ത് വൈ­ഫൈ­യാണ്. എ­ന്നാല്‍ പ­ല­പ്പോഴും വൈഫൈ സം­വി­ധാ­നം ഒ­രു മു­റി­യില്‍ നി­ന്നും മ­റ്റൊ­രു മു­റി­യി­ലേ­ക്ക് പോലും പ­രി­ധി ല­ഭി­ക്കാ­റില്ല. ഈ പ്ര­ശ്‌­ന­ത്തി­ന് പ­രി­ഹാ­ര­മാ­യാ­ണ് ല­ളി­തമാ­യ വി­ദ്യ ലോ­സ് ഏ­ഞ്ചല്‍­സി­ലെ ല­യോ­ള മാ­രി­മൗ­ണ്ട് യൂ­ണി­വേ­ഴ്‌­സി­റ്റി­യി­ലെ ഏ­താനും വി­ദ്യാര്‍­ത്ഥി­കള്‍ ക­ണ്ടെ­ത്തി­യി­രി­ക്കു­ന്ന­ത്.

ചെറി­യ ബി­യര്‍ കാന്‍ കൊ­ണ്ട് ആര്‍ക്കും സി­മ്പി­ളാ­യി വൈഫൈ സി­ഗ്നല്‍ ഇ­ര­ട്ടി­യാ­യി വര്‍­ദ്ധി­പ്പി­ക്കാന്‍ ക­ഴി­യും. ബി­യര്‍ കാ­നെ­ടു­ത്ത് മു­റി­ച്ച് ഷേ­പ്പ് ആ­ക്കി മോ­ഡ­ത്തി­ന്റെ ആന്റി­ന­യില്‍ സ്ഥാ­പി­ച്ചാല്‍ സി­ഗ്നല്‍ ഇ­ര­ട്ടി­യാ­യി ല­ഭി­ക്കു­കയും കൂ­ടു­തല്‍ ദൂ­രം വൈഫൈ സി­ഗ്നല്‍ കി­ട്ടു­കയും ചെ­യ്യും.

ആര്‍ക്കും ഈ ല­ളി­തമാ­യ സാ­ങ്കേതി­ക വി­ദ്യ പ­രീ­ക്ഷി­ച്ച് ഉ­റ­പ്പാ­ക്കാം. വൈഫൈ സം­വി­ധാ­ന­മു­പ­യോ­ഗി­ച്ച് ഇന്റര്‍­നെ­റ്റ് കോള്‍ ചെ­യ്യു­ന്ന­വര്‍­ക്കാ­ണ് ഇ­ത് ഏ­റെ ഗു­ണം ചെ­യ്യു­ക. സ്വ­കാ­ര്യ സം­ഭാ­ഷ­ണ­ങ്ങള്‍ കു­റ­ച്ച് മാ­റി ത­ന്നെ വ്യക്ത­ത­യോ­ടെ നിര്‍­വ്വ­ഹി­ക്കാന്‍ സാ­ധി­ക്കും.

Keywords: World, Internet, University, Trick, Call, Bear, Wifi, simple, Shape, Los angel, Speed
8:00 pm | 0 comments

സാഹിത്യ പ്രവര്‍ത്തക സഹകരണ സംഘത്തിന്റെ അക്ഷരപുരസ്‌കാരം പി വത്സലയ്ക്ക്

pf-button-both
Award, Oommen Chandy, Kerala, Thiruvananthapuram, P. Valsala, Akshara award to P Valsala, Malayalam News, Kerala Vartha.
തിരുവനന്തപുരം: പ്രശസ്ത സാഹിത്യകാരി പി വല്‍സലയ്ക്ക് സാഹിത്യപ്രവര്‍ത്തക സഹകരണ സംഘത്തിന്റെ അക്ഷരപുരസ്‌കാരം നല്‍കും.  ഗെയിറ്റ് തുറന്നിട്ടിരിക്കുന്നു എന്ന വത്സലയുടെ കൃതിക്കാണ് അവാര്‍ഡ്.  ഡോ. കെ.എസ്. രവികുമാര്‍ ചെയര്‍മാനും പ്രൊഫ. തുമ്പമണ്‍ തോമസ്, ഡോ.എ.ജി. ഒലീന എന്നിവര്‍ അംഗങ്ങളുമായ ജഡ്ജിംഗ് കമ്മിറ്റിയാണ് അവാര്‍ഡ് കൃതി തെരഞ്ഞെടുത്തത്.

ഒന്നേകാല്‍ ലക്ഷം രൂപയും പ്രശസ്തിപത്രവും ശില്പവും അടങ്ങുന്നതാണ് അവാര്‍ഡ്. 2013 ജനുവരി മൂന്നാംവാരം കോട്ടയത്തെ സാഹിത്യപ്രവര്‍ത്തക സഹകരണ സംഘത്തിന്റെ ആസ്ഥാനത്ത് നടക്കുന്ന ചടങ്ങില്‍ മുഖ്യമന്ത്രി അവാര്‍ഡ് സമ്മാനിക്കും.  സാഹിത്യപ്രവര്‍ത്തക സഹകരണ സംഘം  പ്രസിദ്ധികരിച്ച പുസ്തകങ്ങളില്‍ നിന്നാണ് അവാര്‍ഡ് കൃതി തെരഞ്ഞെടുത്തത്.

കഥാവിഭാഗത്തിനാണ് ഇത്തവണത്തെ പുരസ്‌കാരം. ആദ്യപുരസ്‌കാരം തകഴി ശിവശങ്കരപിള്ള (നോവല്‍), വയലാര്‍ രാമവര്‍മ്മ (കവിത) എന്നിവര്‍ക്ക് മരണാനന്തര ബഹുമതിയായി നല്‍കി. 20 മാസത്തില്‍ ഒരു തവണ എന്ന നിലയ്ക്കാണ് പുസ്‌കാരം.  2010 ഒക്ടോബര്‍ ഒന്നിനാണ് സാഹിത്യപ്രവര്‍ത്തക സഹകരണ സംഘത്തിന്റെ അക്ഷരപുരസ്‌കാരം നിലവില്‍ വന്നത്.  സഹകരണ നവരത്‌നം കേരളീയം പദ്ദതി അനുസരിച്ചുള്ള ഭാഗ്യക്കുറി ഫണ്ടില്‍ നിന്നും 15 ലക്ഷം രൂപ സ്ഥിരനിക്ഷേപം നടത്തിയതിന്റെ പലിശയാണ് അവാര്‍ഡ് തുക.  നിയമസഭയിലെ പ്രസ്‌റൂമില്‍ നടന്ന വാര്‍ത്താസമ്മേളനത്തില്‍ സഹകരണ മന്ത്രി സി.എന്‍. ബാലകൃഷ്ണനാണ് അവാര്‍ഡ് പ്രഖ്യാപിച്ചത്.  സംഘം പ്രസിഡന്റ് ഏഴാച്ചേരി രാമചന്ദ്രന്‍, അവാര്‍ഡ് നിര്‍ണയ സമിതിയംഗം പ്രൊഫ. തുമ്പമണ്‍ തോമസ് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

Keywords: Award, Oommen Chandy, Kerala, Thiruvananthapuram, P. Valsala, Akshara award to P Valsala, Malayalam News, Kerala Vartha.

7:58 pm | 0 comments

എല്ലാ ജില്ലകളിലും ന്യൂനപക്ഷ പരിശീലന കേന്ദ്രങ്ങള്‍ ആരംഭിക്കും: മഞ്ഞളാംകുഴി

pf-button-both

Minister Manjalamkuzhi Ali, Thiruvananthapuram, Kerala, Training Center, K. Muraleedharan, Students, Scholarship, Malayalam News, Kerala Vartha, Malayalam Vartha, Kerala News, Minority.

തിരുവനന്തപുരം: എല്ലാ ജില്ലകളിലും ന്യൂനപക്ഷ പരിശീലന കേന്ദ്രങ്ങള്‍ ആരംഭിക്കുമെന്ന് ന്യൂനപക്ഷ ക്ഷേമ മന്ത്രി മഞ്ഞളാംകുഴി അലി. ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തില്‍ കനകക്കുന്നു കൊട്ടാരത്തില്‍ സംഘടിപ്പിച്ച ന്യൂനപക്ഷ ശാക്തീകരണം വിദ്യഭ്യാസത്തിലൂടെ എന്ന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.

ന്യൂനപക്ഷങ്ങള്‍ ഏറെ അവശതകള്‍ അനുഭവിക്കുന്നുണ്ട്. അവരെ ഉന്നതിയിലേക്ക് കൊണ്ടു വരാന്‍ കേന്ദ്ര-സംസ്ഥാന സര്‍ക്കാരുകള്‍ ഏറെ കാര്യങ്ങള്‍ ചെയ്യുന്നുമുണ്ട്. ഓരോ രാജ്യത്തെയും ന്യൂനപക്ഷങ്ങള്‍ വ്യത്യസ്തമാണെന്നതു പോലെ അവിടങ്ങളില്‍ അവര്‍ നേരിടുന്ന പ്രശ്‌നങ്ങളും വ്യത്യസ്തമാണ്. മറ്റ് സംസ്ഥാനങ്ങളെ അപേക്ഷിച്ച് കേരളത്തില്‍ വൈകിയാണ് ന്യൂനപക്ഷ ക്ഷേമ വകുപ്പ് ആരംഭിച്ചതെങ്കിലും ഇപ്പോഴത്തെ സംസ്ഥാന സര്‍ക്കാര്‍ ന്യൂനപക്ഷ വിഭാഗങ്ങള്‍ക്കായി ഏറെ കാര്യങ്ങള്‍ ചെയ്തു വരുന്നതായും മന്ത്രി പറഞ്ഞു.

കേരളത്തില്‍ ന്യൂനപക്ഷങ്ങള്‍ അനുഭവിക്കുന്ന പ്രശ്‌നങ്ങള്‍ കേന്ദ്ര സര്‍ക്കാരിനു മുന്നില്‍ കൊണ്ടു വന്ന് പരിഹരിക്കാനുള്ള ശ്രമം സംസ്ഥാന സര്‍ക്കാര്‍ നടത്തി വരുന്നുണ്ട്. ന്യൂനപക്ഷങ്ങള്‍ക്കായുള്ള കേന്ദ്ര ഫണ്ട് ചെലവഴിക്കുന്ന കാര്യത്തില്‍ കേരളം മറ്റ് സംസ്ഥാനങ്ങള്‍ക്ക് മാതൃകയാണെന്ന് അദ്ദേഹം ചൂണ്ടിക്കാട്ടി. വിദ്യഭ്യാസമില്ലെങ്കില്‍ എന്തു സൗകര്യം നല്‍കിയാലും ന്യൂനപക്ഷങ്ങളെ വളര്‍ത്താന്‍ സാധിക്കില്ല. ഇവരെ മുന്നോട്ടു നയിക്കുക എന്ന ലക്ഷ്യത്തോടെയാണ് ന്യൂനപക്ഷ വിദ്യഭ്യാസ സ്‌കോളര്‍ഷിപ്പുകള്‍ ഏര്‍പ്പെടുത്തിയത്.  മുന്‍ വര്‍ഷം 10 ലക്ഷം വിദ്യാര്‍ഥികള്‍ക്ക് സ്‌കോളര്‍ഷിപ്പ് നല്‍കിയിട്ടുണ്ട്. ഇക്കുറി 17 ലക്ഷം അപേക്ഷകള്‍ ലഭിച്ചിട്ടുള്ളതായും മന്ത്രി വ്യക്തമാക്കി.

സര്‍ക്കാര്‍ ജോലിയില്‍ ന്യൂനപക്ഷങ്ങളുടെ അനുപാതം കുറവാണെന്നു കണ്ടു വരുന്നുണ്ട്. ഇവരെ വിവിധ ജോലികള്‍ക്ക് പ്രാപ്തരാക്കുകയെന്ന ലക്ഷ്യത്തോടെ എല്ലാ ജില്ലകളിലും അഭിമുഖ പരിശീലന കേന്ദ്രങ്ങള്‍ ആരംഭിക്കുമെന്നും മന്ത്രി പറഞ്ഞു. വിദ്യഭ്യാസ മേഖലയില്‍ ഊന്നല്‍ നല്‍കി ന്യൂനപക്ഷ സമുദായങ്ങളെ ഉയര്‍ത്തിക്കൊണ്ടു വരാന്‍ സംസ്ഥാന സര്‍ക്കാര്‍ പ്രതിജ്ഞാബദ്ധമാണ്.  മദ്രസാ അധ്യാപകര്‍ക്കുള്ള ക്ഷേമനിധിയില്‍ 30,000 പേരെയെങ്കിലും അംഗങ്ങളാക്കുക എന്ന ലക്ഷ്യത്തോടെ അതിന്റെ പ്രവര്‍ത്തനങ്ങള്‍ വിപുലീകരിക്കും. ക്ഷേമനിധിയില്‍ കൂടുതല്‍ സഹായങ്ങള്‍ ഉറപ്പാക്കുമെന്നും മന്ത്രി പറഞ്ഞു. ചടങ്ങില്‍ കെ. മുരളീധരന്‍ എംഎല്‍എ അധ്യക്ഷനായിരുന്നു.

Keywords: Minister Manjalamkuzhi Ali, Thiruvananthapuram, Kerala, Training Center, K. Muraleedharan, Students, Scholarship, Malayalam News, Kerala Vartha, Malayalam Vartha, Kerala News, Minority, Minority training centers will begin: Manjalam Kuzhi Ali
7:57 pm | 0 comments

സംസ്ഥാന സഹകരണ ബാങ്കിന് നബാര്‍ഡ് 600 കോടി രൂപ വായ്പ അനുവദിച്ചു

pf-button-both
NABARD restores Credit limit to Kerala State Cooperative Bank, Bank, Thiruvananthapuram, Kerala, N

തിരുവനന്തപുരം: സംസ്ഥാന സഹകരണബാങ്കിന് നബാര്‍ഡ് 600 കോടി രൂപ വായ്പയായി അനുവദിച്ചു.  കാര്‍ഷിക വായ്പകള്‍ 13 ജില്ലാ സഹകരണ ബാങ്കുകള്‍ക്ക് ലഭ്യമാക്കാനാണ് ഇത്.  സംസ്ഥാന സഹകരണ ബാങ്കും ജില്ലാ സഹകരണ ബാങ്കുകളും അധിക മൂലധന സമാഹരണം നടത്തി റിസര്‍വ്വ് ബാങ്ക് ചട്ടങ്ങള്‍ പാലിക്കാന്‍ നബാര്‍ഡ് നിര്‍ദ്ദേശിച്ചു.

സഹകരണ ബാങ്കുകള്‍ തങ്ങളുടെ ധനസ്ഥിതി മെച്ചപ്പെടുത്തിയാല്‍ മാത്രമെ നാബാര്‍ഡില്‍ നിന്ന് തുടര്‍ച്ചയായി കുറഞ്ഞ പലിശയ്ക്ക് വായ്പ ലഭിക്കുകയുള്ളൂ.

കഴിഞ്ഞ കുറെ വര്‍ഷമായി സംസ്ഥാന സഹകരണ ബാങ്കിന് നബാര്‍ഡില്‍ നിന്ന് വായ്പ ലഭിച്ചിരുന്നില്ല.  റിസര്‍വ്വ് ബാങ്ക് നിര്‍ദ്ദേശങ്ങള്‍ പാലിക്കാന്‍ സഹകരണബാങ്കിന് കഴിഞ്ഞിരുന്നില്ല. എന്നാല്‍ കേരള ഗവണ്‍മെന്റില്‍ നിന്ന് ഗ്യാരണ്ടി ലഭിച്ചതിനാല്‍ 500 കോടി രൂപ 2011-12-ല്‍ ഒരു പ്രതേ്യക വായ്പയായി നല്‍കിയിരുന്നു. സംസ്ഥാന ഗവണ്‍മെന്റ് സംസ്ഥാന സഹകരണബാങ്കിന് 136 കോടി രൂപ ഓഹരി മൂലധനമായി നല്‍കിയിരുന്നു. ജില്ലാ സഹകരണ ബാങ്കുകള്‍ 80 കോടി രൂപ ഓഹരി മൂലധനമായി സംസ്ഥാന സഹകരണ ബാങ്കിന് നല്‍കിയിരുന്നു.

Keywords: NABARD restores Credit limit to Kerala State Cooperative Bank, Bank, Thiruvananthapuram, Kerala, NABARD, Loan, Reserve Bank of India, Kerala Government, Malayalam News, Kerala vartha.
7:51 pm | 0 comments

സമ്മര്‍ദ്ദതന്ത്രങ്ങള്‍ക്ക് നിന്നുകൊടുക്കില്ലെന്ന് അനൂപ് ജേക്കബ്

pf-button-both
Kerala, Anoop Jacob, Black market, Waning, Civil supplies minister, Rice, Traders, Market, CN Balakrishnan,
തിരുവനന്തപുരം: കരിഞ്ചന്തയും പൂഴ്ത്തിവെയ്പും തടയാന്‍ നടത്തുന്ന പരിശോധനകളെ പ്രതിരോധിക്കുന്നവര്‍ക്ക് ഭക്ഷ്യമന്ത്രി അനൂപ് ജേക്കബിന്റെ മുന്നറിയിപ്പ്. പരിശോധനകളെ പ്രതിരോധിക്കാനായി
കടയടപ്പുപോലുള്ള സമ്മര്‍ദ്ദ തന്ത്രങ്ങളുമായി വന്നാല്‍ സര്‍ക്കാര്‍ നോക്കിനില്‍ക്കില്ല. സര്‍ക്കാരിന്റെ ഫലപ്രദമായ ഇടപെടല്‍ മൂലം സംസ്ഥാനത്ത് അരിവില നിയന്ത്രിക്കാനായിട്ടുണ്ടെന്നും അനൂപ് ജേക്കബ് പറഞ്ഞു.

സര്‍ക്കാരിന്റെ വിപണിയിലെ ഇടപെടല്‍ തുടരുമെന്നും സിവില്‍ സപൈ്‌ളസ് വഴിയും റേഷന്‍ കടകള്‍ വഴിയും അരി വിതരണം ഊര്‍ജ്ജിതമാക്കാനായി പരിശ്രമിക്കും. എറണാകുളം വിപണിയില്‍ ശനിയാഴ്ച 38 രൂപയായിരുന്ന കര്‍ണാടക വടി അരിക്ക് 36 രൂപയായി ചുരുങ്ങി. ജയ അരിക്ക് 26 രൂപയായും പാലക്കാടന്‍ മട്ടയ്ക്ക് 36 രൂപയായും വില താഴ്ന്നു. വെള്ളയരിക്ക് 24.50 രൂപയായും പച്ചരിക്ക് 21 മുതല്‍ 23 രൂപ വരെയായും താഴ്ന്നതായി മന്ത്രി പറഞ്ഞു. പൊതുമാര്‍ക്കറ്റിലും സ്വകാര്യ ഗോഡൗണിലും വരെ പരിശോധനകള്‍ നടത്തുന്നുണ്ടെന്നും മന്ത്രി കൂട്ടിച്ചേര്‍ത്തു.

റേഷന്‍ കടകള്‍ വഴി വിതരണം ചെയ്യാനുള്ള അരി മൊത്തവ്യാപാരികള്‍ ഇന്നു മുതല്‍ എഫ്.സി.ഐ ഗോഡൗണുകളില്‍ നിന്ന് ഏറ്റെടുത്ത് വിതരണം ചെയ്യും. സംസ്ഥാനത്ത് അരിയുമായി എത്തേണ്ട റെയില്‍വേ വാഗണുകള്‍ എത്തുന്നതില്‍ കാലതാമസം നേരിടുന്നുണ്ടെന്നും ഇക്കാര്യം ചൂണ്ടിക്കാട്ടി കേന്ദ്രസര്‍ക്കാരിന് സഹകരണ മന്ത്രി സി.എന്‍ ബാലകൃഷ്ണന്‍ കത്തയച്ചതായും മന്ത്രി പറഞ്ഞു.

കരിഞ്ചന്തയും പൂഴ്ത്തിവെയ്പും തടയാന്‍ നടത്തുന്ന പരിശോധനകള്‍ ആരെയും ബുദ്ധിമുട്ടിക്കാന്‍ വേണ്ടിയല്ല. പൊതുജനത്തിന് ബുദ്ധിമുട്ടുണ്ടാകാതിരിക്കാന്‍ വേണ്ടിയുളളതാണ്. കരിഞ്ചന്തയും പൂഴ്ത്തിവെയ്പും സംബന്ധിച്ച് സര്‍ക്കാരിന് ലഭിച്ച വിവരങ്ങള്‍ ശരിയാണെന്നാണ് പരിശോധനയില്‍ വ്യക്തമായത്. പലയിടത്തും പൂഴ്ത്തിവെയ്പും ക്രമക്കേടും കണ്ടെത്തിയിട്ടുണ്ടെന്നും മന്ത്രി പറഞ്ഞു.

Keywords: Kerala, Anoop Jacob, Black market, Waning, Civil supplies minister, Rice, Traders, Market, CN Balakrishnan, 
7:30 pm | 0 comments

ലോകാവസാനം പേടിച്ച് ജനം ബങ്കറിലൊളിക്കുന്നു

pf-button-both
Kaliforniya, America, Bomb, World End, December, Ron Hubbard's Underground Bunkerകാലിഫോര്‍ണിയ: ലോകാവസാനം പേടിച്ച് ജനം ബങ്കറിലൊളിക്കുന്നു. ലോകാവസാനത്തിന് ഏതാനും ദിനം മാത്രമാണ് ബാക്കിയുള്ളതെന്നാണ് ചിലരുടെ അഭിപ്രായം. ഡിസംബര്‍ 22 ന് വെള്ളിയാഴ്ചയായിരിക്കും ലോകാവസാനമെന്നാണ് ഒരുവിഭാഗം ജനങ്ങള്‍ പറയുന്നത്.

സര്‍വനാശത്തിനുള്ള സാധ്യത അമേരിക്കയുടെ ബഹിരാകാശ ഏജന്‍സിയായ നാസ പോലും തള്ളികളഞ്ഞെങ്കിലും അത് വിശ്വസിക്കാതെ ചിലര്‍ രക്ഷയ്ക്ക് ഒരുക്കം തുടങ്ങിയിരിക്കുകയാണ്.
Kaliforniya, America, Bomb, World End, December, Ron Hubbard's Underground Bunker

കാലിഫോര്‍ണിയയിലെ മോണ്ടിബെല്ലോയിലുള്ള റോണ്‍ ഹബ്ബാര്‍ഡ് എന്ന കമ്പനിയാണ് ഭൂമിക്കടിയില്‍ ഭൂഗര്‍ഭ അറയും രക്ഷാപേടകവും സ്ഥാപിച്ചുകൊടുക്കുന്നത്. ഭൂഗര്‍ഭ അറയില്‍ അത്യാധുനിക സൗകര്യങ്ങള്‍ എല്ലാമുണ്ട്. ലെതര്‍ സോഫ, പ്ലാസ്മ ടി വി, വുഡന്‍ ഫ്‌ളോറിങ് തുടങ്ങിയ അത്യാഡംബര സൗകര്യങ്ങളാണ് ഒരുക്കിയിട്ടുള്ളത്.

Kaliforniya, America, Bomb, World End, December, Ron Hubbard's Underground Bunkerന്യൂക്ലിയര്‍, കെമിക്കല്‍ ആയുധങ്ങളാല്‍പോലും ചെറുക്കാന്‍ തന്റെ ബങ്കറിന് കഴിയുമെന്നാണ് റോണിന്റെ വാഗ്ദാനം. ബെഡ്ഡുകളും കിച്ചനുകളും ഫല്‍ഷിങ് ടോയിലറ്റുകളും എന്തിന് ഫയര്‍ പ്ലേസുകളുമൊക്കെ ബങ്കറില്‍ സജ്ജീകരിച്ചിരിക്കുന്നു. 46,000 പൗണ്ടാണ് ഭൂഗര്‍ഭ അറയൊരുക്കാന്‍ ഈടാക്കുന്നത്.

21ന് താനുമൊരു ബങ്കറിലേക്ക് നീങ്ങുമെന്ന് കമ്പനിയുടെ എംഡിയായ റോണ്‍ വെളിപ്പെടുത്തി. എല്ലാവരും ലോകം അവസാനിക്കുമെന്ന് പറയുമ്പോള്‍ അത് ചെവിക്കൊള്ളാതെ പുറത്തിരിക്കുന്നത് മണ്ടത്തരമാകില്ലേ ബങ്കര്‍ നിര്‍മാതാവ് പറയുന്നത്.

കാലിഫോര്‍ണിയയിലുള്ള 500 സ്‌ക്വയര്‍ ഫീറ്റ് വലിപ്പമുള്ള സിലിണ്ടര്‍ ആകൃതിയിലെ ബങ്കറുകളാണ് റോണ്‍ നിര്‍മിച്ചുനല്‍കുന്നത്. പത്തടി വ്യാസവും 50 അടി നീളവുമുണ്ട്. 

Keywords: Kaliforniya, America, Bomb, World End, December, Ron Hubbard's Underground Bunker, Nuclear, Chemical, Room, Sofa, Kitchen, World, Malayalam News, Doomsday fears
7:28 pm | 0 comments

മഅ്ദനിക്ക് ചികിത്സ ലഭ്യമാക്കാന്‍ കേന്ദ്രമന്ത്രി കെ.സി. വേണുഗോപാല്‍ ഇടപെടുന്നു

pf-button-both
കൊച്ചി: ബാംഗ്ലൂര്‍ സ്‌ഫോടന കേസില്‍ വിചാരണ തടവ് അനുഭവിക്കുന്ന അബ്ദുല്‍ നാസര്‍ മഅ്ദനിക്ക് ചികിത്സ ലഭ്യമാക്കാന്‍ കേന്ദ്രമന്ത്രി കെ.സി. വേണുഗോപാലിന്റെ ഇടപെടല്‍. മഅ്ദനിക്ക് വിദഗ്ദ്ധ ചികിത്സ നല്‍കണമെന്നാവശ്യപ്പെട്ട് കെ.സി. വേണുഗോപാല്‍ കേന്ദ്ര ആഭ്യന്തരമന്ത്രി സുശീല്‍കുമാര്‍ ഷിന്‍ഡയെ കണ്ടു.

ഭരണപക്ഷത്ത് നിന്ന് മുസ്ലീം ലീഗും പ്രതിപക്ഷത്ത് നിന്ന് സി.പി.എമ്മും മഅ്ദനിക്ക് ചികിത്സ നല്‍കണമെന്ന ആവശ്യവുമായി രംഗത്ത് വന്നതിന് പിറകെ മഅ്ദനിയുടെ ചികിത്സയ്ക്ക് വേണ്ട നടപടികള്‍ കൈക്കൊള്ളുമെന്ന് മുഖ്യമന്ത്രി ഉമ്മന്‍ചാണ്ടി കഴിഞ്ഞ ദിവസം നിയമസഭയില്‍ വ്യക്തമാക്കിയിരുന്നു. മുഖ്യമന്ത്രിയുടെ പ്രസ്താവനയ്ക്ക് ശേഷമാണ് കെ.സി. വേണുഗോപാലിന്റെ ഇടപെടലെന്നത് ശ്രദ്ധേയമാണ്. മദനിക്ക് ചികിത്സ ലഭ്യമാക്കണമെന്ന് കര്‍ണാടക മുഖ്യമന്ത്രിയോടും വേണുഗോപാല്‍ ആവശ്യപ്പെട്ടു.
Abdul Nasar Madani, Kochi, K.C. Venugopal, Minister, Jail, Blast Case, Susheel Kumar Sshinde, Malayalam News, Kerala Vartha

Keywords: Abdul Nasar Madani, Kochi, K.C. Venugopal, Minister, Jail, Blast Case, Susheel Kumar Shinde, Kerala Vartha, Kvartha, Malayalam News, National News, Kerala News, International News, Sports News, Entertainment, Stock News.
7:22 pm | 0 comments

മന്ത്രിമാര്‍ക്ക് കാറുവാങ്ങാന്‍ പൊടിച്ചത് രണ്ടരക്കോടി

pf-button-both
തിരുവനന്തപുരം: കേരളത്തിലെ മന്ത്രിമാര്‍ക്ക് കാറുവാങ്ങാനായി സംസ്ഥാന സര്‍ക്കാര്‍ പൊടിച്ചത് രണ്ടരക്കോടി രൂപയിലധികം. കൃത്യമായി പറഞ്ഞാല്‍ 2,68,51800. മുഖ്യമന്ത്രി ഉമ്മന്‍ചാണ്ടി നിയമസഭയില്‍ അറിയിച്ചതാണിക്കാര്യം.

മന്ത്രിമാരുടെയും വാങ്ങിയ വാഹനത്തിന്‍റെയും ചെലവായ തുകയുടെയും വിവരങ്ങള്‍ താഴെ നല്‍കുന്നു

ഉമ്മന്‍ചാണ്ടി (ഇന്നോവ)-12.85 ലക്ഷം

പി.കെ. കുഞ്ഞാലിക്കുട്ടി (ആള്‍ട്ടിസ്)-1394750,

 കെ.എം.  മാണി (ഇന്നോവ)-13.75 ലക്ഷം,


പി.കെ. അബ്ദുറബ്ബ് (ഇന്നോവ)-13,94,750,

പി.കെ. ജയലക്ഷ്മി (ഇന്നോവ)-13,03,864,

ഷിബു ബേബിജോണ്‍ (ഇന്നോവ)-13.50ലക്ഷം,

കെ.സി. ജോസഫ് (ഇന്നോവ)- 13,03,864,

അനൂപ് ജേക്കബ് (ഇന്നോവ)-13,55,949,

മഞ്ഞളാംകുഴി അലി (ഇന്നോവ)-13,55,949 രൂപ.


ആര്യാടന്‍ മുഹമ്മദ് (ഇന്നോവ)-13.50ലക്ഷം,

കെ.പി. മോഹനന്‍ (ഇന്നോവ)-12.85ലക്ഷം,

 കെ. ബാബു (ഇന്നോവ)-13,55.949,

കെ.ബി. ഗണേഷ്കുമാര്‍(ഇന്നോവ)-14,33,901,

തിരുവഞ്ചൂര്‍ രാധാകൃഷ്ണന്‍ (ഇന്നോവ)- 13.50ലക്ഷം,

സി.എന്‍. ബാലകൃഷ്ണന്‍ (ഇന്നോവ)-12.85ലക്ഷം,

പി.ജെ.ജോസഫ് (ഇന്നോവ)- 13,94,750 ലക്ഷം,

എം.കെ. മുനീര്‍ (ഇന്നോവ)-13,13,324ലക്ഷം,

വി.കെ. ഇബ്രാഹിംകുഞ്ഞ് (ഇന്നോവ)- 13,94,750,

അടൂര്‍ പ്രകാശ് (ഇന്നോവ)12.85ലക്ഷം,

വി.എസ്. ശിവകുമാര്‍ (ഇന്നോവ)-12.85ലക്ഷം,

Key Words: Oommen chandy, Kerala, Cars,  The Kerala assembly, Speaker , G Karthikeyan ,
7:15 pm | 0 comments

റേഷന്‍ കടകളില്‍ റെയ്ഡ് കാര്യക്ഷമമാക്കും

pf-button-both
Ration shop, Thiruvananthapuram, Raid, Minister, Price, Hike, UDF, Anoop Jacob, Kerala,
തിരുവനന്തപുരം: കരിഞ്ചന്തയും പൂഴ്ത്തിവയ്പും തടയുന്നതിന്റെ ഭാഗമായി റേഷന്‍ കടകളില്‍ റെയ്ഡുകള്‍ കാര്യക്ഷമമായി നടപ്പാക്കാന്‍ തീരുമാനമായി. മുഖ്യമന്ത്രിയുടെ അധ്യക്ഷതയില്‍ ചേര്‍ന്ന ഉന്നതതലയോഗത്തിലാണ് തീരുമാനം. റെയ്ഡുകള്‍ കാര്യക്ഷമമാകുന്നതോടെ വിലക്കയറ്റം തടയാനുള്ള നടപടികള്‍ ശക്തിപ്പെടുമെന്ന് യോഗം വിലയിരുത്തി.

വിലക്കയറ്റം തടയാന്‍ ഉന്നതതല യോഗം വിളിക്കണമെന്ന് തിങ്കളാഴ്ച ചേര്‍ന്ന യു.ഡി.എഫ്. യോഗം ആവശ്യപ്പെട്ടതിനെ തുടര്‍ന്നായിരുന്നു ഉന്നതതലയോഗം വിളിച്ചു ചേര്‍ത്തത്.

അന്യസംസ്ഥാനങ്ങളില്‍ നിന്നും അരിയെത്തിക്കുന്നതിനെ കുറിച്ച് റെയില്‍വേയുമായുണ്ടായ തടസം പരിഹരിക്കാന്‍ നടപടികള്‍ സ്വീകരിച്ചതായി ഭക്ഷ്യമന്ത്രി അനൂപ് ജേക്കബ് അറിയിച്ചു. ക്രിസ്മസ് ആവശ്യത്തിനുള്ള അരി സംഭരിക്കാന്‍ സിവില്‍ സപ്ലൈസ് കോര്‍പ്പറേഷനു നിര്‍ദേശം നല്‍കിയതായി മന്ത്രി അറിയിച്ചു.
Keywords: Ration shop, Thiruvananthapuram, Raid, Minister, Price, Hike, UDF, Anoop Jacob, Kerala,Will increase efficiency in ration shops raids
6:18 pm | 0 comments

ആ­ധാര്‍ ചേര്‍­ത്ത ബാങ്ക് അ­ക്കൗ­ണ്ടില്ലാ­ത്ത ഗര്‍­ഭി­ണി­കള്‍­ക്ക് ആ­നു­കൂല്യം ന­ഷ്ട­മാകും

pf-button-both
Luck,Delivery,Aadhar Card, Bank, Pregnant Woman, Pathanamthitta, District Collector, Hospital, Mother, Child, Keralaപത്തനം­തിട്ട: ജനവരി മുതല്‍ പത്തനംതിട്ട, വയനാട് ജില്ലകളിലെ ഗര്‍ഭിണികള്‍ക്ക് സര്‍ക്കാര്‍ ആനുകൂല്യ­ങ്ങള്‍ ല­ഭി­ക്ക­ണ­മെ­ങ്കില്‍ ആധാര്‍ നമ്പര്‍ ചേര്‍ത്ത ബാങ്ക് അക്കൗണ്ട് നിര്‍­ബന്ധം.ആധാര്‍ ചേര്‍ത്ത ബാങ്ക് അക്കൗ­ണ്ട് ഇല്ലാ­ത്ത പക്ഷം അടുത്തമാസം മുതല്‍ ഗര്‍ഭിണികള്‍ക്ക് സര്‍ക്കാര്‍ ആനുകൂല്യ­ങ്ങ­ള്‍ ല­ഭി­ക്കു­ക­യില്ല. എന്നാല്‍ ആധാര്‍ നമ്പരും ബാങ്ക് അക്കൗണ്ടും ഭ­ൂരി­ഭാ­ഗം ഗര്‍­ഭി­ണി­കള്‍ക്കും ഇല്ലാ­ത്ത സ്ഥി­തിക്ക് പ­ലര്‍ക്കും ആ­നു­കൂ­ല്യ­ങ്ങള്‍ ന­ഷ്ട­മാ­കു­ന്ന അ­വ­സ്ഥ­യാണ്.

ആ­ധാര്‍ കാര്‍­ഡ് നിര്‍­ബ­ന്ധ­മാക്കി­യ സ്ഥി­തിക്ക് ഏ­തെ­ങ്കിലും ത­ര­ത്തി­ലു­ള്ള ഇ­ള­വു­കള്‍ അ­നു­വ­ദിക്കുമോ എ­ന്നു­ള്ള കാ­ര്യവും വ്യ­ക്തമല്ല. അ­താ­തു ജില്ല­ക­ളിലെ കലക്ടര്‍മാര്‍ ആരോഗ്യപ്രവര്‍ത്തകരുടെ യോഗം വിളിച്ച് ഗര്‍ഭിണികള്‍ക്ക് ആധാര്‍ കാര്‍ഡ് ലഭ്യമാക്കാനും ബാങ്ക് അക്കൗണ്ടില്‍ എന്റോള്‍ ചെയ്യിക്കാനും നിര്‍ദ്ദേശം നല്‍കിയിട്ടുണ്ട്.

സര്‍ക്കാര്‍ ആശുപത്രികളില്‍ നടക്കുന്ന ഒരു സ്ത്രീയുടെ രണ്ട് പ്രസവങ്ങള്‍ക്കുള്ള ചെ­ല­വുകള്‍ സര്‍­ക്കാര്‍ നല്‍കു­ന്നുണ്ട്. കൂ­ടാതെ ജനനി സുരക്ഷാ യോജന പ്രകാരം കേന്ദ്രസര്‍ക്കാരിന്റെ സഹായമായ 700 രൂ­പയും പ്ര­സ­വാ­നന്ത­രം ല­ഭി­ക്കുന്നു. സര്‍­ക്കാ­രിന്റെ ഈ ആ­നു­കൂ­ല്യ­ങ്ങള്‍ ല­ഭി­ക്ക­ണ­മെ­ങ്കില്‍ എ.പി.എല്‍., ബി.പി.എല്‍. വ്യത്യാസമില്ല. സര്‍ക്കാര്‍ അക്രഡിറ്റേഷനുള്ള സ്വകാര്യ ആശുപത്രികളില്‍ നടക്കുന്ന പ്രസവങ്ങള്‍ക്കും ഈ ആനുകൂല്യ­ങ്ങള്‍ ബാ­ധ­ക­മാണ്.

ഗര്‍ഭിണികളുടെ വിവരങ്ങള്‍ മദര്‍ ആന്‍ഡ് ചൈല്‍ഡ് ട്രാക്കിങ് സിസ്റ്റം എന്ന സമ്പ്രദായത്തില്‍ ഓണ്‍ലൈനായി രജിസ്റ്റര്‍ ചെ­യ്യു­ക­യാ­യി­രുന്നു. എ­ന്നാല്‍ പുതി­യ നി­യ­മ പ്ര­കാ­രം ഇ­തില്‍ പേര് രജിസ്റ്റര്‍ ചെയ്യണമെ­ങ്കില്‍ ആധാറും ബാങ്ക്അക്കൗണ്ടും നിര്‍ബ­ന്ധ­മാണ്.ഗര്‍ഭിണിക്കും അവര്‍ക്കുണ്ടാകുന്ന കുട്ടിക്കും കുത്തിവയ്പ്, പോഷകാഹാരം, മ­രുന്ന് എന്നിവ കൃത്യമായി നല്‍കുന്ന സര്‍ക്കാര്‍ സമ്പ്രദാ­യം പുതി­യ നി­യ­മ­ത്തോടെ നിലച്ചുപോകുമെ­ന്ന ആ­ശ­ങ്ക­യാ­ണ് ജ­ന­ങ്ങള്‍­ക്കുള്ള­ത് .

ആധാര്‍ ഇല്ലാത്ത ഗര്‍ഭിണികള്‍ ഇതില്‍ ഉള്‍പ്പെടാതെ പോകുന്നത് ആരോഗ്യരംഗത്ത് തിരിച്ചടിയാ­കു­മെ­ന്നാ­ണ് ക­രു­തു­ന്ന­ത്.റേഷന്‍കാര്‍ഡില്‍ പേരുള്ള­വര്‍­ക്ക് മാ­ത്ര­മാണ് ബാങ്ക് അക്കൗണ്ടും മറ്റ് തിരിച്ചറിയില്‍ രേഖകളും കി­ട്ടു­ന്നത്.

Keywords: Luck,Delivery,Aadhar Card, Bank, Pregnant Woman, Pathanamthitta, District Collector, Hospital, Mother, Child, Kerala, Aadhar card without bank a/c will lose allowances of pregnancy
6:18 pm | 0 comments

കേര­ളം ക­ടുത്ത വരള്‍ച്ചാഭീഷ­ണി­യി­ലെന്ന്­ മുഖ്യമന്ത്രി

pf-button-both
Dryness,Threatening, Vayanadu,Thamil nadu,Chief Minister, Thiruvananthapuram, Kollam, Idukki, palakkad, Farmers, Kerala

തിരുവനന്തപു­രം: കേര­ളം ക­ടുത്ത വരള്‍ച്ചാഭീ­ഷ­ണി­ നേ­രി­ടു­ക­യാ­ണെന്ന് മുഖ്യമന്ത്രി. ഇ­പ്പോള്‍ തിരുവനന്തപുരം, കൊല്ലം, വയനാട്­, ഇടുക്കി എന്നീ നാല്­ ജില്ല­ക­ളെ­യാണ് വരള്‍ച്ചാബാധിത ജില്ലകളായി പ്രഖ്യാപിച്ചി­ട്ടുള്ളത്. വരും ദി­ന­ങ്ങ­ളില്‍ കൂടുതല്‍ ജില്ലകളെ വരള്‍ച്ചാബാധിത ജില്ലകളായി പ്രഖ്യാപിക്കേ­ണ്ട അ­വ­സ്ഥ­യി­ലേ­ക്കാ­ണ് കാ­ര്യ­ങ്ങ­ളുടെ പോ­ക്കെ­ന്നും മു­ഖ്യ­മന്ത്രി കൂ­ട്ടി­ച്ചേര്‍ത്തു.

ബു­ധ­നാ­ഴ്­ച ചേ­രുന്ന ദുരന്തനിവാരണ അതോറിറ്റിയുടെ യോഗ­ത്തില്‍ വ­രള്‍­ച്ചാ പ്ര­ശ്‌­ന­ത്തിന് തീരു­മാ­നം കൈ­ക്കൊള്ളുമെന്നും മുഖ്യമ­ന്ത്രി പറഞ്ഞു. നിയമസഭയില്‍ അടിയന്തര പ്രമേയ നോട്ടീസിന്­ മറുപടി പ­റ­യു­ക­യാ­യി­രു­ന്നു മു­ഖ്യ­മ­ന്ത്രി. പറമ്പിക്കുളം­ ആളിയാര്‍ കരാര്‍ അനുസരിച്ച്­ ജലം വിട്ടു­ത­രാന്‍ തമിഴ്‌­നാടിനോട്­ ആവശ്യപ്പെ­ട്ടി­ട്ടു­ണ്ടെ­ങ്കിലും ഇ­തുവരെ മറുപടി ലഭിച്ചിട്ടില്ല.

ഇക്കാര്യത്തില്‍ ആവശ്യമെ­ങ്കില്‍ ത­മി­ഴ്‌­നാ­ട് ഗ­വ.നെ­തിരെ നിയമനടപടി സ്വീകരി­ക്കു­മെന്നും അ­ദ്ദേ­ഹം വ്യ­ക്ത­മാക്കി. വരള്‍ച്ചാബാധിത ജില്ലകള്‍ക്ക്­ കൂടുതല്‍ ഫണ്ട്­ നല്‍കുന്ന കാര്യം പരിഗണനയി­ലാ­ണെ­ന്നും, നെല്‍ കര്‍ഷകര്‍ക്ക്­ ഇന്‍ഷുറന്‍സ്­ പദ്ധതി ഏര്‍പ്പെടുത്തുമെന്നും മുഖ്യമന്ത്രി സഭയെ അറിയിച്ചു.
മുഖ്യമന്ത്രിയുടെ മറുപടിയെ തുടര്‍ന്ന്­ അടിയന്തരപ്രമേയത്തിനുളള അനു­മതി സ­ഭ­യില്‍ നിഷേധി­ച്ചു.

വരള്‍ച്ചാബാധിതരെ സഹായിക്കുന്നതില്‍ സര്‍ക്കാര്‍ പരാജയപ്പെട്ടുവെന്ന്­ ആരോപിച്ച ­ പ്രതിപക്ഷം സഭയില്‍ നിന്ന്­ ഇറങ്ങി­പ്പോ­യി­.വരള്‍ച്ചാ പ്രശ്‌­നം ഉന്നയിച്ച്­ മുല്ലക്കര രത്‌നാകരനാണ്­ അടിയന്തര പ്രമേയത്തിന്­ നോട്ടീസ്­ നല്‍കിയത്­. പറമ്പിക്കുളം­ ആളിയാര്‍ പദ്ധതിയില്‍ നിന്ന്­ കരാര്‍ പ്രകാരമുളള ജലം ലഭിക്കാ­ത്ത­തു­മൂലം പാലക്കാട്ട്­ ചിറ്റൂരിലെ കര്‍ഷകര്‍ പ്രതിസന്ധിയി­ലാ­ണെന്നും കേന്ദ്ര സംഘത്തിന്­ വരള്‍ച്ചയുടെ യഥാര്‍ഥ ചിത്രം ഇ­തുവരെ ലഭിച്ചി­ട്ടില്ലെന്നും മുല്ലക്കര രത്‌നാകരന്‍ പ­റഞ്ഞു. ഇ­ക്കാ­ര്യ­ത്തില്‍ സര്‍­ക്കാര്‍ കേ­ന്ദ്ര സര്‍­ക്കാ­രില്‍ സ­മ്മര്‍­ദം ചെ­ലു­ത്തി പ­രി­ഹാ­രം കാ­ണ­ണ­മെന്നും അ­ദ്ദേ­ഹം ആ­വ­ശ്യ­പ്പെട്ടു.

Keywords: Dryness,Threatening, Vayanadu,Thamil nadu,Chief Minister, Thiruvananthapuram, Kollam, Idukki, palakkad, Farmers, Kerala, Kerala in strong drought threat: Oomman Chandi
6:18 pm | 0 comments

നക്ഷത്ര ദീപങ്ങള്‍ മിഴിതുറന്നു; ക്രിസ്തുമസിന് നാടൊരുങ്ങി

pf-button-both
Christmas, Kasaragod, Kerala,  Yeshu, Celebration, Message, Star, Birthday, Cake, Malayalam News, Kerala Vartha, Malayalam Bartha, Kerala Newsകാസര്‍കോട്: ദൈവ പുത്രനായ യേശുക്രിസ്തുവിന്റെ പിറന്നാള്‍ -ക്രിസ്തുമസ്- സമാഗതമായി. വരുന്ന ചൊവാഴ്ചയാണ് ക്രിസ്തുമസ്. ആഘോഷത്തിനായി നാടും നഗരവും ഒരുങ്ങിയിരിക്കുന്നു. വര്‍ണവിളക്കുകള്‍ കടകളിലും വീടുകളിലും മിഴിതുറന്നു. പുല്‍കുടിലുകളും സാന്താക്ലോസ് രൂപങ്ങളും ഒരുങ്ങിക്കഴിഞ്ഞു. പല വിലയിലും തരത്തിലുമുള്ള കേക്കുകള്‍ കടകളില്‍ ഒരുക്കിവെച്ചിരിക്കുകയാണ്. ക്രിസ്തുമസിന് മുന്നോടിയായുള്ള സ്‌നേഹ സംഗമങ്ങളും കേക്ക് മുറിക്കല്‍ പരിപാടികളും പലയിടത്തും നടന്നുവരികയാണ്. 50 രൂപ മുതല്‍ 750 രൂപ വരെ വിലയുള്ള നക്ഷത്ര ദീപങ്ങള്‍ കടകളില്‍ വില്‍പനയ്ക്കുണ്ട്.

കേക്കുകള്‍ക്ക് 1,000 രൂപവരെ വിലയുണ്ട്. ആശംസാകാര്‍ഡുകളുടെ സ്ഥാനം മൊബൈല്‍ മെസേജുകളും ഫേസ് ബുക്കുകളും തട്ടിയെടുത്തിരിക്കുകയാണ്. എങ്കിലും അപൂര്‍വമായി ആശംസാകാര്‍ഡുകളുടെ കൈമാറ്റവും നടക്കുന്നു. ക്രിസ്തുമസ് അവധിക്ക് മുന്നോടിയായുള്ള പരീക്ഷകള്‍ സ്‌കൂളില്‍ നടന്നുവരികയാണ്. സര്‍ക്കാര്‍ ഉദ്യോഗസ്ഥന്‍മാര്‍ക്ക് ബോണസും ആഘോഷ ബത്തയും ലഭിച്ചുകൊണ്ടിരിക്കുന്നു.

ക്രിസ്ത്യന്‍ ദേവാലയങ്ങളില്‍ രാവിനെ പകലാക്കിക്കൊണ്ടുള്ള വിശുദ്ധ കുര്‍ബാനകളും പ്രാര്‍ത്ഥനാ സംഗീത പരിപാടികളും നടന്നുവരികയാണ്. അത്യുന്നതങ്ങളില്‍ ദൈവത്തിന് മഹത്വവും ഭൂമിയില്‍ സന്മനസ്സുള്ളവര്‍ക്ക് സമാധാനവും ആശംസിച്ച് വിശ്വാസികള്‍ ക്രിസ്തുമസ്സിന്റെ സന്ദേശം ഉള്‍ക്കൊള്ളുകയാണ്. ലോകത്തിലുള്ള ഏവരുടെയും മനസില്‍ സമാധാനത്തിന്റെയും ദൈവസ്‌നേഹത്തിന്റെയും സന്ദേശം ക്രിസ്തുമസ് ഓര്‍മപ്പെടുത്തുന്നു. ഉണ്ണിയേശു കാലിത്തൊഴുത്തില്‍ പിറന്നുവീണതിനെ അനുസ്മരിച്ചുകൊണ്ടാണ് പുല്‍കുടില്‍ ഒരുക്കുന്നത്. യേശു പിറന്നപാടെ ആകാശത്ത് ദിവ്യനക്ഷത്രം പ്രത്യക്ഷപ്പെട്ടതിന്റെ പ്രതീകമായാണ് നക്ഷത്രവിളക്കുകള്‍ തെളിയിക്കുന്നത്.

ലോകമെങ്ങും തീവ്രവാദത്തിന്റെയും വര്‍ഗീയതയുടെയും വിഷം പ്രസരിച്ചുകൊണ്ടിരിക്കുന്ന കാലഘട്ടത്തില്‍ യേശുക്രിസ്തുവിന്റെ സൂക്തങ്ങള്‍ക്ക് ഏറെ പ്രസക്തി കൈവന്നിരിക്കുകയാണ്. പണത്തിനും സുഗസൗകര്യങ്ങള്‍ക്കും പിറകെ പായുന്ന മനുഷ്യന് മനസമാധാനം ലഭിക്കാതെ പരക്കം പായുന്ന സ്ഥിതിയാണ്. ഇത്തരം ഒരു അവസ്ഥയില്‍ ദൈവപുത്രന്റെ ജീവിതവും സന്ദേശങ്ങളും മാനവലോകത്തിന് നേരായ വഴി കാട്ടിക്കൊടുക്കുന്നു.

Keywords: Christmas, Kasaragod, Kerala,  Yeshu, Celebration, Message, Star, Birthday, Cake, Malayalam News, Kerala Vartha, Malayalam Bartha, Kerala News, Stars blinks eyes: Xmas comes
6:17 pm | 0 comments

കൊച്ചി മെട്രോ: അന്തിമ തീരുമാനം ജനുവരി എട്ടിന്

pf-button-both
Kochi, Metro, Railway, Meet, Central Government, Minister, Aryadan Muhammad, Kerala, Letter, E. Shreedharan, D.M.R.C, Jan. 8തിരുവനന്തപുരം: കൊച്ചി മെട്രോ റയില്‍ പദ്ധതിയുമായി ബന്ധപ്പെട്ട ചര്‍ചകള്‍ക്കായി കേന്ദ്രമന്ത്രി കമല്‍നാഥ് ജനുവരി എട്ടിനു കേരളത്തിലെത്തും. കൊച്ചി മെട്രോയുടെ നിര്‍മാണം സംബന്ധിച്ച അന്തിമ തീരുമാനം അന്നെടുക്കുമെന്ന് മന്ത്രി ആര്യാടന്‍ മുഹമ്മദ് പറഞ്ഞു.

ഇ. ശ്രീധരന്റെ പങ്കാളിത്തത്തോടെ ഡി.എം.ആര്‍.സി. യുടെ നേതൃത്വത്തില്‍ തന്നെ പദ്ധതി നടപ്പാക്കുമെന്നും ആര്യാടന്‍ പറഞ്ഞു. പദ്ധതി നിര്‍മാണത്തിനായി ഇ. ശ്രീധരന് ആവശ്യമുള്ള പദവി നല്‍കാന്‍ സര്‍ക്കാര്‍ തയ്യാറാണ്. കൊച്ചി മെട്രോ സംബന്ധിച്ചു ഡി.എം.ആര്‍.സി. ക്കു കത്തെഴുതിയ മുന്‍ എംഡി ടോം ജോസിന്റെ വിശദീകരണം കിട്ടിയോ എന്നു പരിശോധിച്ചിട്ടില്ല. അതു തന്റെ ചുമതലയല്ലെന്നും ആര്യാടന്‍ പറഞ്ഞു.

നിയമസഭയില്‍ ചോദ്യോത്തരവേളയിലാണ് ആര്യാടന്‍ മുഹമ്മദ് കൊച്ചി മെട്രോയെ സംബന്ധിച്ച് വിശദീകരണം നല്‍കിയത്.
Keywords: Kochi, Metro, Railway, Meet, Central Government, Minister, Aryadan Muhammad, Kerala, Letter, E. Shreedharan, D.M.R.C, Jan. 8, Kochi Metro: final decision on January 8th
6:14 pm | 0 comments

ഇറാഖ് പ്രസിഡന്റ് ആശുപത്രിയില്‍

pf-button-both
ബാഗ്ദാദ്:​ ഇറാഖ് പ്രസിഡന്റ് ജലാല്‍ തബലാനിയെ ആശുപത്രിയില്‍ പ്രവേശിപ്പിച്ചു. തബലാനിയെ അടിയന്തിരമായി ആശുപത്രിയില്‍ പ്രവേശിപ്പിച്ചു എന്ന് മാത്രമാണ് ഇതേക്കുറിച്ച് പ്രസിഡന്റിന്റെ ഓഫീസ് നല്‍കുന്ന വിശദീകരണം. മറ്റ് വിവരങ്ങള്‍ പുറത്തുവിട്ടിട്ടില്ല.

രണ്ടുവര്‍മായി തബലാനി വിവിധ രോഗങ്ങള്‍ക്ക് ചികിത്സയിലാണ്. ഇദ്ദേഹത്തെ ചികിത്സിക്കാനായി പ്രത്യേക മെഡിക്കല്‍ സംഘം പ്രവര്‍ത്തിക്കുന്നുണ്ട്. ഇറാക്കിന്റെ ചരിത്രത്തിലെ ആദ്യ കുര്‍ദ് വംശജനായ പ്രസിഡന്റാണ് തബലാനി.


Key Words:  Iraqi President ,Jalal Talabani,  Kurd , Hospitalised ,Baghdad , Health emergency, Kurdish guerrilla , Saddam
6:11 pm | 0 comments

ശ്രീലങ്കയ്‌ക്കെതിരെ ഓസീസിന് 137 റണ്‍സ് ജയം

pf-button-both
Australia , Sri Lanka , 137 runs, Peter Siddle , Mitchell Starc , Wickets , Test, Cricket
ഹൊബാര്‍ട്ട്‍: ശ്രീലങ്കയ്‌ക്കെതിരായ ഒന്നാം ക്രിക്കറ്റ് ടെസ്റ്റില്‍ ഓസ്‌ട്രേലിയക്ക്  ജയം.  ഓസ്ട്രേലിയ 137 റണ്‍സിന് ശ്രീലങ്കയെ തോല്‍പിച്ചു. ശ്രീലങ്കയുടെ രണ്ടാം ഇന്നിംഗ്സ് 255 റണ്‍സിന് അവസാനിച്ചു.

സ്കോര്‍ ‍: ഓസ്ട്രേലിയ-450/5, 278, ശ്രീലങ്ക-336, 255

സമനില പ്രതീക്ഷയോടെ ബാറ്റ് വീശിയ ലങ്ക ചായസമയത്ത് നാലിന് 186 റണ്‍സെന്ന നിലയിലായിരുന്നു. എന്നാല്‍​അവസാന സെഷനില്‍ ഓസീസ് ബൗളിംഗിന് മുന്നില്‍ ലങ്കയ്‌ക്ക് പിടിച്ചുനില്‍ക്കാനായില്ല. ഓസീസിന് വേണ്ടി സ്റ്റാര്‍ക് അഞ്ചും സിഡില്‍ നാലും വിക്കറ്റ് വീതം നേടി.

ലങ്കന്‍ നിരയില്‍ കുമാര്‍ സംഗക്കാരയും(63) സമരവീരയും(49) പൊരുതി നോക്കിയെങ്കിലും തോല്‍വി ഒഴിവാക്കാനായില്ല.പീറ്റര്‍ സിഡിലാണ് മാന്‍ ഓഫ് ദ മാച്ച്.

Key Words: Australia , Sri Lanka , 137 runs, Peter Siddle , Mitchell Starc , Wickets , Test, Cricket.
6:05 pm | 0 comments

യു­വാക്ക­ളെ പ­റ്റി­ച്ച് പ­ണവും മൊ­ബൈലും ക­വര്‍­ന്ന യു­വതി അ­റ­സ്റ്റില്‍

pf-button-both
Youth, Cash, Mobil Phone, Women, Arrest, Police, Kottayam,Hospital, Nurse, Auto Driver, Railway, Complaint, Custody, Keralaകോ­ട്ടയം: പു­തുപ്പ­ള്ളി സ്വ­ദേ­ശി­കളായ യു­വാക്ക­ളെ പ­റ്റി­ച്ച് പണവും മൊബൈലും കവര്‍ന്ന കേസില്‍ കോട്ടയം ഈസ്റ്റ് പോലീ­സ് യു­വ­തിയെ അറസ്റ്റ് ചെയ്തു. കോട്ടയം പുല്ലരിക്കുന്ന് സ്വദേശി ഗൗരി എന്ന ബിന്ദുവിനെയാണ് (25) അറസ്റ്റ് ചെയ്തത്.

ഡി­സം­ബര്‍ 14 ന് വൈകുന്നേരം പുതുപ്പള്ളി മന്ദിരം ജങ്ഷനില്‍ എത്തി­യ യുവതി കട­യുടമ മുരളിയുടെ അടുത്തെ­ത്തി താന്‍ മന്ദിരം ആശുപത്രി­യിലെ നഴ്‌സാണെന്ന് സ്വയം പരിചയപ്പെ­ടു­ത്തു­കയാ­യി­രു­ന്നു. ത­നിക്ക് താ­മ­സി­ക്കാന്‍ വാടകവീട് ശ­രി­പ്പെ­ടു­ത്തി­ത്ത­ര­ണ­മെ­ന്ന ആ­വ­ശ്യ­പ്പെട്ടു. തു­ടര്‍ന്ന് മുരളിയുടെ ക­ട­യില്‍ നിന്നും സാധനങ്ങള്‍ വാങ്ങി മു­ങ്ങു­കയാ­യി­രു­ന്നു.

പണം നല്‍കാതെ മുരളിയുടെ കടയില്‍നിന്ന് മൊബൈല്‍ റീചാര്‍ജ് അടക്കം 400 രൂപയുടെ സാധനങ്ങള്‍ വാങ്ങിയാണ് തട്ടിപ്പിന് തുടക്കമി­ട്ട­ത്. കൂ­ടാതെ കടയിലെ സഹായിയായ ഓട്ടോഡ്രൈവര്‍ മോഹനനെ ഓട്ടംവിളിച്ച് പണവും മൊബൈലും ക­വ­ര്‍­ന്നു.

ഓട്ടോക്കാരന്‍ മോഹനനോട് കോട്ടയത്തേക്ക് പോകാന്‍ ആശുപത്രി ജങ്ഷനില്‍ വ­രാന്‍ യുവതി ഫോണ്‍ ചെ­യ്തു. ജങ്ഷനിലെത്തിയ മോ­ഹനന്‍ യുവതി­യെ കാ­ണാ­ത്ത­തി­നെ തു­ടര്‍­ന്ന് തി­രി­ച്ചു വി­ളി­ച്ച­പ്പോള്‍ കോട്ടയം റെയില്‍വേ സ്‌റ്റേഷനിലേക്ക് വരാന്‍ ആ­വ­ശ്യ­പ്പെ­ട്ടു. ഇതനുസരിച്ച് റെയില്‍വേ സ്‌റ്റേഷനിലെത്തിയ മോഹനനെ മറ്റൊരു ഓട്ടോക്കാരന്റെ സഹായത്തോടെ വനിതാ പോലീസെന്ന് ഭീഷണിപ്പെടുത്തി­ 700 രൂപയും മൊബൈലും ക­വര്‍ന്നു.

മോഹ­നന്‍ ഫോണ്‍ വിളിച്ച് ശല്യം ചെയ്ത് 10,000 രൂപ ത­ട്ടി­യെ­ടു­ത്തു­വെ­ന്ന് യുവതി നാ­ട്ടുകാ­രോട് പ­രാ­തി പ­റ­യു­കയും തു­ടര്‍­ന്ന് നാ­ട്ടു­കാര്‍ മോ­ഹന­നെ കൈ­കാ­ര്യം ചെ­യ്യു­കയും ചെ­യ്തു. പി­ന്നീട് പോലീസില്‍ പ­രാതി നല്‍­കി­യ­തിന്റെ അടിസ്ഥാനത്തില്‍ മുരളിയെയും മോഹനനെയും ചോദ്യം ചെയ്തപ്പോഴാണ് യു­വ­തി­യു­ടെ ത­ട്ടി­പ്പ് പു­റ­ത്തായത്. തുടര്‍ന്ന് പോ­ലീസ് യുവ­തിയെ കസ്റ്റഡിയിലെ­ടു­ക്കു­ക­യാ­യി­രുന്നു.

Keywords: Youth, Cash, Mobil Phone, Women, Arrest, Police, Kottayam,Hospital, Nurse, Auto Driver, Railway, Complaint, Custody, Kerala
6:04 pm | 0 comments

പ്രതിപക്ഷം ആഭ്യന്തരമന്ത്രിക്കെതിരെ പ്രതിഷേധിച്ച് സഭ വിട്ടു

pf-button-both
T.P Chandrasekhar Murder Case, Thiruvanchoor Radhakrishnan, Hotel, Thiruvananthapuram, K.Sudhakaran, V.S Achuthanandan, Law, Kerala
തിരുവനന്തപുരം: ടി.പി. ചന്ദ്രശേഖരന്‍ വധക്കേസും എം.എം. മണിയുടെ കേസും സംബന്ധിച്ച് ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍ സംസാരിക്കാന്‍ തുടങ്ങിയതോടെ ബഹളം വച്ച പ്രതിപക്ഷാംഗങ്ങള്‍ സഭ ബഹിഷ്‌ക്കരിച്ചു.

അതേസമയം, സേവറി ഹോട്ടല്‍ ആക്രമണ കേസിലും നാല്‍പാടി വാസു കൊലപാതകത്തിലും കെ. സുധാകരനെതിരെ എന്തുകൊണ്ട് നടപടിയെടുത്തില്ലെന്നു പ്രതിപക്ഷനേതാവ് വി.എസ്.അച്യുതാനന്ദന്‍ സഭയില്‍ ചോദിച്ചു. സംസ്ഥാനത്ത് രണ്ടു നിയമമാണ് നിലനില്‍ക്കുന്നതെന്നും വി.എസ്. കുറ്റപ്പെടുത്തി. ഉപധനാഭ്യര്‍ഥന ചര്‍ചയ്ക്കിടെയാണ് പ്രതിപക്ഷം പ്രതിഷേധവുമായി രംഗത്തെത്തിയത്.
Keywords: T.P Chandrasekhar Murder Case, Thiruvanchoor Radhakrishnan, Hotel, Thiruvananthapuram, K.Sudhakaran, V.S Achuthanandan, Law, Kerala, Opposition walkout in assembly
6:00 pm | 0 comments

റോജര്‍ ഫെഡററിന് പുരസ്‌കാരം

pf-button-both
Tennis great, Roger Federer ,Swiss Athlete of the Year , Federer, Switzerland, Grand Slam title, Wimbledon , Pete Sampras, Olympic triathlon , Nicola Spirig.
സൂറിച്ച്: സ്വിറ്റ്സര്‍ലാഡിലെ ഏറ്റവും മികച്ച കായിക താരത്തിനുളള​പുരസ്‌കാരം റോജര്‍ ഫെഡററിന്. അഞ്ചാം തവണയാണ് ഫെഡറര്‍ ഈ പുരസ്‌കാരത്തിന് അര്‍ഹനാവുന്നത്. 2003, 2004, 2006, 2007 വര്‍ഷങ്ങളിലും ഫെഡറര്‍ക്കായിരുന്നു പുരസ്‌കാരം.

ഒളിമ്പിക് ചാമ്പ്യന്‍ നിക്കോള സ്‌പ്രിങ്ങാണ് ഈ വര്‍ഷത്തെ വനിത കായികതാരം. 2012ലെ വിംബിള്‍ഡനില്‍  ജേതാവായ ഫെഡറര്‍ ഏറ്റവും കൂടുതല്‍ ദിവസം ലോക ഒന്നാം നമ്പര്‍ പദവി നിലനിര്‍ത്തുന്ന താരമായി റെക്കോര്‍ഡിട്ടിരുന്നു. പീറ്റ് സാംപ്രസിന്റെ റെക്കോര്‍ഡാണ് ഫെഡറര്‍ മറികടന്നത്.

ജീവിതത്തിലെ മനോഹരമായ നിമിഷം. ഇത്തരം അംഗീകാരങ്ങള്‍​എനിക്ക് എപ്പോഴും ച്രചോദനമേകുന്നു- പുരസ്‌കാരം സ്വീകരിച്ച് ഫെഡറര്‍ പറഞ്ഞു.

Key Words: Tennis great, Roger Federer ,Swiss Athlete of the Year , Federer, Switzerland, Grand Slam title, Wimbledon , Pete Sampras, Olympic triathlon , Nicola Spirig.
6:00 pm | 0 comments

സൗദി ഗള്‍ഫ് മേഖലയിലെ ഏറ്റവും സമ്പന്ന രാജ്യം

pf-button-both
 Saudi Arabia, HRH Prince Alwaleed bin Talal ,  Arabian Business , Rich List, Mohammad Shafik Gabr
റിയാദ്: ഗള്‍ഫ് മേഖലയിലെ ഏറ്റവും വലിയ സമ്പന്ന രാജ്യമെന്ന നേട്ടം സൗദി അറേബ്യയ്‌ക്ക്. അറേബ്യന്‍ ബിസിനസ് മാഗസിന്‍ നടത്തിയ പഠനത്തിലാണ് സൗദി ഒന്നാം സ്ഥാനത്തെത്തിയത്.

അറബ് മേഖലയിലെ അമ്പത് സമ്പന്നരില്‍ ഇരുപത്തിമൂന്നു പേരും സൗദി സ്വദേശികളാണ്. 142.13 മില്യന്‍ ഡോളറിന്റെ സമ്പാദ്യം ഈ ഇരുപത്തിമൂന്നു പേര്‍ക്കുണ്ട്. സൗദിരാജകുമാരന്‍ അല്‍വലീദ് ബില്‍ തലാലാണ് അറബ് മേഖലയിലെ ഏറ്റവും വലിയ സമ്പന്നന്‍. 25.9 ബില്യണ്‍ ഡോളറാണ് രാജകുമാരന്റെ സമ്പാദ്യം.

Key Words: Saudi Arabia, HRH Prince Alwaleed bin Talal ,  Arabian Business , Rich List, Mohammad Shafik Gabr
5:18 pm | 0 comments

ഗുജറാത്ത് എക്സിറ്റ് പോൾ: മോഡിക്ക് ഹാട്രിക്ക്

pf-button-both
National, Gandhinagar, Gujarat, Witnessed, 70 percent voter turnout, Exit polls, Predicting, hat-trick, BJP, 182 assembly seats, 119 to 129 seats for BJP, 49 and 59 seats.
ഗാന്ധിനഗർ: ഗുജറാത്ത് തിരഞ്ഞെടുപ്പിൽ മുഖ്യമന്ത്രി നരേന്ദ്രമോഡിക്കും ബിജെപിക്കും ഗംഭീരവിജയമാകുമെന്ന് എക്സിറ്റ് പോൾ ഫലം. ഗുജറാത്ത് തിരഞ്ഞെടുപ്പിൽ ആകെ 70 ശതമാനം വോട്ടർമാരാണ് സമ്മതിദാന അവകാശം വിനിയോഗിച്ചത്. ഗുജറാത്ത് നിയമസഭയിലെ 182 സീറ്റിൽ 119 മുതൽ 129 വരെ സീറ്റുകൾ നേടി ബിജെപി മൂന്നാം തവണയും അധികാരത്തിൽ വരുമെന്നാണ് എക്സിറ്റ് പോൾ നൽകുന്ന സൂചന. പ്രതിപക്ഷമായ കോൺഗ്രസിന് 49 മുതൽ 59 വരെ സീറ്റുകളാണ് ലഭിക്കുകയെന്നും സർവേ വ്യക്തമാക്കുന്നു.

അതേസമയം മറ്റൊരു എക്സിറ്റ് പോൾ പുറത്തുവിടുന്ന കണക്കനുസരിച്ച് ബിജെപിക്ക് 140 സീറ്റും കോൺഗ്രസിന് 40 സീറ്റുമാണ് ലഭിക്കുക.

SUMMERY: Gandhinagar: As Gujarat witnessed a record 70 percent voter turnout at the end of voting, exit polls are predicting a hat-trick for the ruling BJP.

Keywords: National, Gandhinagar, Gujarat, Witnessed, 70 percent voter turnout, Exit polls, Predicting, hat-trick, BJP, 182 assembly seats, 119 to 129 seats for BJP, 49 and 59 seats.
4:59 pm | 0 comments

ശിവജി പാർക്കിൽ നിന്നും താക്കറേ സ്മാരകം നീക്കി

pf-button-both
National, Mumbai, Shiv Sena, Removed, Makeshift memorial, Party founder, Bal Thackeray, Shivaji Park, Cremated, The Sainiks, Reportedly, Memorial, Maharashtra, Chief Minister, Prithviraj Chavan
ന്യൂഡൽഹി: അന്തരിച്ച ശിവസേന നേതാവ് ബാൽ താക്കറേയുടെ താൽക്കാലിക സ്മാരകം ശിവസേന ശിവജി പാർക്കിൽ നിന്നും നീക്കി. ചൊവ്വാഴ്ച പുലർച്ചെ 3 മണിയോടെയാണ് സ്മാരകം നീക്കിയത്. നവംബർ 17ന് അന്തരിച്ച ബാൽ താക്കറേയുടെ സംസ്ക്കാരചടങ്ങുകൾ നടന്നത് ശിവജി പാർക്കിലാണ്. എന്നാൽ സംസ്ക്കാരശേഷവും ശിവസേന ശിവജി പാർക്കിലെ സംസ്ക്കാരസ്ഥലം ബാരിക്കേഡുകൾ ഉയർത്തി വളച്ചെടുക്കുകയും അവിടെ താക്കറേയുടെ ഫോട്ടോ സ്ഥാപിക്കുകയും ആരാധനകൾ നടത്തുകയും ചെയ്തുവന്നിരുന്നു. ഇതിനിടെ ശിവജി പാർക്കും രാമജന്മഭൂമിയും ശിവസൈനീകർക്ക് ഒരുപോലെയാണെന്ന് ശിവസേന നേതാക്കൾ വ്യക്തമാക്കുകയും ചെയ്തു. ഇതോടെ സംസ്ഥാന സർക്കാരും ശിവസേനയും താക്കറേ സ്മാരകത്തിന്റെ പേരിൽ വാക്പോരിലേർപ്പെടുകയും ചെയ്തു.

തുടർന്ന് ബോംബെ മുനിസിപ്പൽ കോർപ്പറേഷനോട് താക്കറേ സ്മാരകം നീക്കാൻ സംസ്ഥാന സർക്കാർ ആവശ്യപ്പെടുകയായിരുന്നു. ശിവജി പാർക്കിൽ ആദ്യമായാണ് ഒരു രാഷ്ട്രീയ നേതാവിന്റെ സംസ്ക്കാരചടങ്ങുകൾ നടക്കുന്നത്. ലക്ഷകണക്കിനാളുകൾ എത്തിച്ചേരുന്ന സംസ്ക്കാരചടങ്ങിന് യോജിച്ച ഇടം നൽകുക മാത്രമാണ് സംസ്ഥാന സർക്കാർ ചെയ്തതെന്ന് മഹാരാഷ്ട്ര മുഖ്യമന്ത്രി പൃഥ്വിരാജ് ചവാൻ വ്യക്തമാക്കി. ശിവജി പാർക്കിൽ സ്മാരകം നിർമ്മിക്കുന്നത് നിയമത്തിന് എതിരാണെന്നും അദ്ദേഹം ചൂണ്ടിക്കാട്ടി.

SUMMERY: Mumbai: The Shiv Sena has finally removed the makeshift memorial of party founder Bal Thackeray from Mumbai's Shivaji Park, where he was cremated last month. The Sainiks reportedly removed the memorial at around 3 am.

Keywords: National, Mumbai, Shiv Sena, Removed, Makeshift memorial, Party founder, Bal Thackeray, Shivaji Park, Cremated, The Sainiks, Reportedly, Memorial, Maharashtra, Chief Minister, Prithviraj Chavan
4:58 pm | 0 comments

പുതുവൽസരദിനത്തിൽ യുഎഇയിൽ പൊതുഅവധി

pf-button-both
Gulf, UAE, Dubai, Humaid Al Qatami, Minister of Education, Chairman of the Federal Authority for Government Human Resources,
ദുബൈ: പുതുവൽസരദിനത്തിൽ യുഎഇയിൽ പൊതുഅവധി പ്രഖ്യാപിച്ചു. വിഭവശേഷി മന്ത്രാലയമാണ് ഇതുസംബന്ധിച്ച് ഉത്തരവിറക്കിയത്. 2013 ജനുവരി ഒന്ന് യുഎഇയിലെ സ്വകാര്യ-പൊതുമേഖലയ്ക്ക് അവധിദിനമാണെന്ന് മന്ത്രി ഹുമൈദ് അൽ ഖാതമി അറിയിച്ചു. സ്വകാര്യമേഖലയിലെ തൊഴിലാളികൾക്ക് പുതുവൽസരദിനത്തിലെ വേതനം ശമ്പളത്തിൽ ഉൾപ്പെടുത്തുമെന്ന് തൊഴിൽ മന്ത്രി സഖർ ഖോബാഷ് വ്യക്തമാക്കി.

യുഎഇയിലെ എല്ലാ മന്ത്രാലയങ്ങൾക്കും ഡിപാർട്ടുമെന്റുകൾക്കും പുതുവൽസരദിനം അവധിയായിരിക്കുമെന്നും മന്ത്രി കൂട്ടിച്ചേർത്തു. ചൊവ്വാഴ്ചയാണ് 2013 ജനുവരി 1. ബുധനാഴ്ചമുതൽ സർക്കാർ സ്ഥാപനങ്ങൾ പതിവുപോലെ പ്രവർത്തിക്കും. രാജ്യത്തെ ജനങ്ങൾക്ക് സന്തോഷകരമായ പുതുവൽസരം ആശംസിക്കുന്നുവെന്നും തൊഴിൽമന്ത്രി കൂട്ടിച്ചേർത്തു.
 
SUMMERY: Humaid Al Qatami, Minister of Education and Chairman of the Federal Authority for Government Human Resources today issued a circular stating that January 1, 2013 - New Year's Day - will be a holiday in the UAE.

Keywords: Gulf, UAE, Dubai, Humaid Al Qatami, Minister of Education, Chairman of the Federal Authority for Government Human Resources, Issued, Circular, Stating, January 1, 2013, New Year's Day, UAE, Saqr Ghobash, Minister of Labour.
4:57 pm | 0 comments

ഫേസ്ബുക്കിലൂടെ ജീവിത വിജയമറിയാം

pf-button-both
Friends , Social networking sites , Facebook, Successful , Researchers, University of Virginia , London Business school ,
ഫേസ്ബുക്ക് നോക്കാത്ത ഒരു ദിവസത്തെക്കുറിച്ച് നിങ്ങള്‍ക്ക് ചിന്തിക്കാനാവുമോ?. ജീവിതത്തിലെ ഒഴിവാക്കാനാവാത്ത സാന്നിധ്യമായിരിക്കുന്നു ഫേസ്ബുക്ക്. ഈ​ഫേസ്ബുക്ക് നിങ്ങളുടെ ജീവിതത്തെപ്പോലും പ്രവചിക്കാന്‍ കഴിയുന്ന തരത്തിലേക്ക് വളര്‍ന്നിരിക്കുന്നുവത്രേ. വിര്‍ജീനിയ കോളേജ് ഓഫ് ആര്‍ട്‌സ് ആന്‍ഡ് സയന്‍സസിലെ സൈക്കോളജി പ്രൊഫസര്‍ ഷിഗെരി ഒയിഷിയുടെ നേതൃത്വത്തില്‍ ഒരു കൂട്ടം ഗവേഷകര്‍ നടത്തിയ പഠനത്തിലാണ് ഇക്കാര്യം വ്യക്തമായത്. ലണ്ടന്‍ ബിസിനസ് സ്‌കൂളും ചേര്‍ന്നാണ് ഈ ഗവേഷണം നടത്തിയത്.

സോഷ്യല്‍ നെറ്റ് വര്‍ക്കിംഗ് സൈറ്റായ ഫേസ്ബുക്കില്‍ നിങ്ങള്‍ക്ക് എത്ര സുഹൃത്തുക്കളുണ്ടെന്ന് അനുസരിച്ച് നിങ്ങള്‍ ജീവിതത്തില്‍ എത്രമാത്രം വിജയകരമാണെന്ന് മനസിലാക്കാനാകുമത്രേ. എന്നാല്‍ ഓരോ രാജ്യത്തിനും അവിടുത്തെ സാമൂഹ്യ- സാമ്പത്തിക ചുറ്റുപാടും അനുസരിച്ച് ഫേസ്ബുക്ക് സുഹൃത്തുക്കളുടെ എണ്ണം മാറി വരുമെന്നും ഗവേഷകര്‍ കണ്ടെത്തി. തീരെ പരിചയമില്ലാത്തവരെ വരെ സ്വന്തം ഫേസ്ബുക്ക് സുഹൃത്തുക്കളാക്കി സുഹൃത്തുക്കളുടെ എണ്ണത്തില്‍ റെക്കാര്‍ഡ് സൃഷ്ടിക്കാന്‍ ചിലര്‍ മത്സരിക്കും. മറ്റു ചിലരാകട്ടെ നേരിട്ട് അറിയാവുന്നവരെ മാത്രമേ ഫേസ്ബുക്ക് സുഹൃത്തുക്കളാക്കൂ.

ഫേസ്ബുക്കില്‍ സുഹൃത്തുക്കള്‍ കുറവാണെങ്കില്‍ അവര്‍ക്ക് ഏറെ സമയം നെറ്റില്‍ ചിലവഴിക്കാനും മറ്റും അവസ്ഥ ഉള്ളവരായിരിക്കില്ല. സുഹൃത്തുക്കളോട് ഏറെ ചാറ്റ് ചെയ്യാനുമൊന്നും ഇവര്‍ക്ക് കഴിയാറുമില്ല. സാമ്പത്തികമായി അനുകൂല ചുറ്റുപാടുകളില്ലാത്തവരായിരിക്കും ഇവരെന്നാണ് ഗവേഷകര്‍ പറയുന്നത്. വളരെ കുറവും എന്നാല്‍ ആഴത്തിലുള്ളതുമായ സുഹൃത് ബന്ധമുള്ളവരെ എപ്പോഴും സുഹൃത്തുക്കള്‍ സഹായിക്കാനുണ്ടാകും. ഇവര്‍ തൊട്ടടുത്തു തന്നെയും കാണും. സാമ്പത്തിക ചുറ്റുപാട് മോശമായതിനാല്‍ തന്നെ വെവ്വേറെ സ്ഥലങ്ങളിലേക്ക് ഇവര്‍ പോകാനും സാധ്യത കുറവ്.

അമേരിക്കയില്‍ ഏറ്റവും കൂടുതല്‍ ഫേസ്ബുക്ക് സുഹൃത്തുക്കളെ സൃഷ്ടിക്കാനാണ് ഏവരും ശ്രമിക്കുന്നത്. ലോകമെമ്പാടും ഏറെ യാത്ര ചെയ്യുന്നതാകും ഇതിന് ഒരുകാരണം. എന്നാല്‍ മികച്ച സാമ്പത്തിക ചുറ്റുപാടുള്ളതിനാല്‍ തന്നെ സുഹൃത്തുക്കളെയാരും സാമ്പത്തികമായ സഹായിക്കേണ്ടതില്ലെന്ന ബോധവും ഇത്രയേറെ സുഹൃത്തുക്കളെയുണ്ടാക്കാന്‍ അമേരിക്കന്‍ പൗരന്മാരെ പ്രേരിപ്പിക്കുന്നുവത്രേ.

Key Words: Friends , Social networking sites , Facebook, Successful , Researchers, University of Virginia , London Business school , Shigehiro Oishi, Psychology professor i, College of Arts & Sciences, Selin Kesebir London Business School , Psychological Science
4:20 pm | 0 comments

സല്‍മാന്‍ ഖാന്‍​വിവാഹം കഴിക്കുന്നില്ലന്ന്

pf-button-both
Salman Khan , Bachelor , Bollywood , Sallu , Interview , Salman , Sangeeta Bijlani , Pakistani actress , Somy Ali , Aishwarya Rai , Sanjay Leela Bhansali, Hum Dil De Chuke Sanam.
ബോളിവുഡിന്റെ രോമാഞ്ചം സല്‍മാന്‍ ഖാന്‍ വിവാഹം കഴിക്കുന്നില്ലെന്ന്. പ്രണയ പരാജയങ്ങളാല്‍ തകര്‍ന്നുപോയ തന്റെ വിവാഹ പ്രായം കഴിഞ്ഞുവെന്നും സല്‍മാന്‍ പറഞ്ഞു.

പ്രണയിച്ച് വിവാഹിതനാകാന്‍ ഭാഗ്യമില്ലാത്ത ഒരാളാണ് ഞാന്‍ . ഇനി വിവാഹം കഴിക്കണ്ട ആവശ്യമില്ലെന്ന് തോന്നുന്നു. വിവാഹം കഴിക്കേണ്ട സമയം നേരത്തെ കഴിഞ്ഞുപോയി. ഒറ്റയ്ക്കു ജീവിക്കുന്നതില്‍ ഇപ്പോള്‍ ദുഖമില്ല. ഈ ജീവിതത്തില്‍ ഞാന്‍ സന്തുഷ്ടനാണ്-സല്‍മാന്‍ പറഞ്ഞു.

സല്‍മാന്‍ ബോളിവുഡിലെ നിരവധി നടിമാരുടെ കാമുകനായിരുന്നു. ഐശ്വര്യ റായ് മുതല്‍ കത്രീന കൈഫ് വരെ നീളുന്നു ആ പട്ടിക. ഇതേസമയം എങ്ങനെയും സല്‍മാന്റെ വിവാഹം നടത്താനുളള​തത്രപ്പാടിലാണ് താരത്തിന്റെ വീട്ടുകാര്‍.

Key Words: Salman Khan , Bachelor , Bollywood , Sallu , Interview , Salman , Sangeeta Bijlani , Pakistani actress , Somy Ali , Aishwarya Rai , Sanjay Leela Bhansali, Hum Dil De Chuke Sanam.
4:19 pm | 0 comments

50 അടി ഉയരത്തില്‍ നിന്ന് നദിയില്‍ ചാടി പ്രതിഷേധം

pf-button-both
ബെയ്ജിങ്: ചൈനീസ് സര്‍ക്കാരിനെതിരെ വേറിട്ട പ്രതിഷേധം.
ഗ്വാങ്ഷുവിലെ ഗങ്‌ഡോങ് പ്രവിശ്യയില്‍ 50 അടി ഉയരമുള്ള പാലത്തില്‍ നിന്ന് ചായി ലിയ സുണ്‍ എന്ന യുവതിയാണ് പ്രതിഷേധിച്ചത്. കുടുംബ വീട് ഗവണ്‍മെന്റ് ഏറ്റെടുത്തതിന് നല്‍കിയ നഷ്ടപരിഹാരം അതിന്റെ യഥാര്‍ഥ വിലയേക്കാള്‍ തീരെ കുറവായിരുന്നുവെന്ന് ആരോപിച്ചായിരുന്നു ലിയ സുണ്‍ വ്യത്യസ്തമായ പ്രതിഷേധം നടത്തിയത്.

ആത്മഹത്യാ ഭീഷണിയുമായെത്തിയ യുവതി ടോപ്പും ട്രാക്ക്‌സ്യൂട്ടും കാലില്‍ സോക്‌സും ധരിച്ചാണ് എത്തിയത്. ആത്മഹത്യാ ഭീഷണി മുഴക്കിയതോടെ നാട്ടുകാരും പൊലീസും തടിച്ചുകൂടി. എല്ലാവരെയും സാക്ഷിയാക്കിയാണ് യുവതി താഴേക്ക് ചാടിയത്. ഭൂമി ഏറ്റെടുക്കുന്നതിനെയും അതിന് നല്‍കുന്ന നഷ്ടപരിഹാരത്തെയും ചൊല്ലി ഗവണ്‍മെന്റും സാധാരണക്കാരും തമ്മില്‍ ചൈനയില്‍ നിലനില്‍ക്കുന്ന തര്‍ക്കങ്ങളില്‍ ഏറ്റവും ഒടുവിലത്തേതാണ് ഈ സംഭവം.

കഴിഞ്ഞവര്‍ഷം സെപ്റ്റംബറിലാണ് സര്‍ക്കാര്‍ സ്ഥനം ഏറ്റെടുത്തത്. അന്ന് നാട്ടുകാരും പൊലീസും ഏറ്റുമുട്ടിയിരുന്നു. ഏറ്റുമുട്ടലില്‍ ഒരു ഗ്രാമീണന്‍ മരിച്ചു. 2004 മുതല്‍ 2008 വരെ നിരവധി ഗുരുതര പ്രശ്‌നങ്ങള്‍ ഭൂമിയേറ്റെടുക്കലിനെച്ചൊല്ലി ഉണ്ടായിട്ടുണ്ട്. കൃഷിക്കാരടക്കമുള്ള പ്രതിഷേധക്കാര്‍ക്ക് പലര്‍ക്കും ജീവന്‍ നഷ്ടപ്പെടുകയും ചെയ്തു. ഇതിന്റെ തുടര്‍ച്ചയായിട്ടാണ് യുവതിയുടെ പ്രതിഷേധം.

Key Words: Dramatic moment , Woman, Government, China, Lia Sun, Zhujiang river, Guagzhou, Local officials, Guangdong province,
4:03 pm | 0 comments

നാലുവർഷത്തോളം ദുബൈ ആശുപത്രിയിൽ കഴിഞ്ഞ തമിഴ്നാട് സ്വദേശി നാട്ടിലേയ്ക്ക് മടങ്ങി

pf-button-both
Gulf, Dubai, UAE, A bed-ridden, Partially paralysed, Expatriate worker, Successfully, Repatriated, Tamil Nadu, Admitted, Al Rashid Hospital, Heart attack, Indian social workers, Indian Consulate officials, Chronically ill patient,
ദുബൈ: നാലുവർഷത്തിലേറെയായി ഓർമ്മ നഷ്ടപ്പെട്ട് പകുതി മരവിച്ച ശരീരവുമായി ദുബൈയിലെ ആശുപത്രിയിൽ കഴിഞ്ഞിരുന്ന തമിഴ്നാട് സ്വദേശി നാട്ടിലേയ്ക്ക് മടങ്ങി. അൽ റാശിദ് ആശുപത്രിയിൽ കഴിഞ്ഞിരുന്ന ചുടല മുത്തു രാജഗോപാൽ (71) എന്നയാളാണ് ഒടുവിൽ നാട്ടിലേയ്ക്ക് മടങ്ങിയത്. നാലുവർഷം പിന്നിട്ടിട്ടും ഇയാളുടെ ബന്ധുക്കളെക്കുറിച്ച് യാതൊരു വിവരവും ലഭിക്കാതിരുന്ന സാഹചര്യത്തിലാണ് ചില സാമൂഹ്യപ്രവർത്തകരും ഇന്ത്യൻ എംബസിയും ചുടലമുത്തുവിന്റെ വിഷയത്തിൽ മുന്നിട്ടിറങ്ങിയത്. ഹൃദയാഘാതത്തെതുടർന്നായിരുന്നു ചുടലമുത്തുവിനെ ദുബൈ പോലീസ് ആശുപത്രിയിൽ പ്രവേശിപ്പിച്ചത്. ഹൃദയാഘാതത്തിൽ ശരീരം തളർന്ന് കിടപ്പിലായ മുത്തുവിന് തന്റെ ഓർമ്മയും ഭാഗീകമായി നഷ്ടപ്പെട്ടിരുന്നു. അവ്യക്തമായി സംസാരിക്കുന്ന മുത്തുവിൽ നിന്നും ബന്ധുക്കളെക്കുറിച്ചറിയാനുള്ള എല്ലാ ശ്രമങ്ങളും പരാജയപ്പെട്ടു.

തുടർന്ന് ദുബൈ ഇന്ത്യൻ കോൺസുലേറ്റിലെ ലേബർ കോൺസുൽ മേധാവി എം.പി സിംഗിന്റെ നേതൃത്വത്തിൽ മുത്തുവിനെ നാട്ടിലെത്തിക്കാനുള്ള ശ്രമമാരംഭിച്ചു. ഇതിന്റെ ആദ്യപടിയായി തമിഴ്നാട്ടിലെ പത്രങ്ങളിൽ ചുടലമുത്തുവിന്റെ ഫോട്ടോ പ്രസിദ്ധീകരിച്ചു. ദിവസങ്ങൾക്കുള്ളിൽ മുത്തുവിന്റെ മകൻ എംബസിയുമായി ബന്ധപ്പെടുകയും പിതാവിനെ നാട്ടിലെത്തിക്കാനുള്ള നടപടികൾ കൈക്കൊള്ളുകയും ചെയ്തു. മുത്തുവിന്റെ ചികിൽസയ്ക്കായി ചിലവായ ഭീമമായ തുക എഴുതിതള്ളിയ ആശുപത്രി മാനേജ്മെന്റിന്റെ നടപടി പ്രശംസനീയമായി. മുത്തുവിന്റെ യാത്രാ ചിലവുകൾ ഇന്ത്യൻ കോൺസുലേറ്റാണ് നിർവ്വഹിച്ചത്.

SUMMERY: A bed-ridden, partially paralysed expatriate worker has been successfully repatriated to his hometown in Tamil Nadu, almost four-and-a-half years after he was admitted in the Al Rashid Hospital, following a heart attack.

Keywords: Gulf, Dubai, UAE, A bed-ridden, Partially paralysed, Expatriate worker, Successfully, Repatriated, Tamil Nadu, Admitted, Al Rashid Hospital, Heart attack, Indian social workers, Indian Consulate officials, Chronically ill patient,
12:55 pm | 0 comments

റോഡപകടങ്ങളിൽ ദുബൈയിൽ നാലുപേർ കൊല്ലപ്പെട്ടു

pf-button-both
Gulf, Obituary, Accident, Accidental death, Dubai, Rain, Emirates, UAE, Emirates Road, Saloon car, Roadside assistance.
ദുബൈ: കഴിഞ്ഞ ദിവസം ദുബൈയിലുണ്ടായ റോഡപകടങ്ങളിൽ നാലുപേർ കൊല്ലപ്പെട്ടു. റോഡ് സൈഡിൽ നിർത്തിയിട്ടിരുന്ന കാറിൽ മറ്റൊരു കാർ വന്നിടിച്ചുണ്ടായ അപകടത്തിലാണ് മൂന്ന് പേർ കൊല്ലപ്പെട്ടത്. അപകടത്തിൽ രണ്ട് പേർക്ക് ഗുരുതരമായി പരിക്കേൽക്കുകയും ചെയ്തു. ഈ വാഹനാപകടമുണ്ടായി നാലുമണിക്കൂറുകൾക്ക് ശേഷം ദുബൈ ബൈപാസ് റോഡിലുണ്ടായ അപകടത്തിലാണ് ഒരാൾ കൊല്ലപ്പെട്ടത്. മൂന്ന് വാഹനങ്ങൾ കൂട്ടിയിടിച്ചാണ് അപകടമുണ്ടായത്.

കഴിഞ്ഞദിവസം ദുബൈയിലുണ്ടായ മഴയെത്തുടർന്ന് നൂറുകണക്കിന് വാഹനാപകടങ്ങളാണ് റിപോർട്ട് ചെയ്യുന്നത്. ഇന്നലെ ഏഴുമണിക്കൂറിനുള്ളിൽ 330 അപകടങ്ങളാണ് റിപോർട്ട് ചെയ്തത്. ദുബൈ പോലീസാണ് ഇതുസംബന്ധിച്ച വിവരങ്ങൾ പുറത്തുവിട്ടത്.

SUMMERY: Four people died and four others were severely injured in two separate traffic accidents in Dubai yesterday.

Keywords: Gulf, Obituary, Accident, Accidental death, Dubai, Rain, Emirates, UAE, Emirates Road, Saloon car, Roadside assistance.
12:05 pm | 0 comments

ദുബൈ മാരിടൈം സിറ്റിയിൽ 229 മീറ്റർ ഉയരത്തിൽ ദി ലാൻഡ്മാർക്ക് ടവർ നിർമ്മിക്കുന്നു

pf-button-both
Gulf, Dubai, Construction, 229-metre-high, The Landmark Tower, Dubai Maritime City (DMC), Commence, Khamis J Buamim, Chairman, Drydocks World and Maritime World, 5-star business hotel, Serviced apartments, Business centre, Retail and leisure facilities.
ദുബൈ: ദുബൈ മാരിടൈം സിറ്റിയിൽ 229 മീറ്റർ ഉയരത്തിൽ ദി ലാൻഡ്മാർക്ക് ടവർ നിർമ്മിക്കുമെന്ന് ഡ്രൈഡോക്സ് വേൾഡ് ആന്റ് മാരിടൈം വേൾഡ് ചെയർമാൻ ഖാമിസ് ജെ ബൗമിം അറിയിച്ചു. അഞ്ച് ഫൈസ്റ്റാൻ ബിസിനസ് ഹോട്ടലുകളും അപാർട്ട്മെന്റുകളും ബിസിനസ് സ്ഥാപനങ്ങളും വിനോദകേന്ദ്രങ്ങളും ഉൾപ്പെട്ടതാണ് ലാൻഡ് മാർക്ക് ടവർ. ഭൂമിക്കടിയിൽ മൂന്ന് നിലകളാണുള്ളത്, മുകളിൽ 45 നിലകളും. 927 കാറുകൾ പാർക്ക് ചെയ്യാനുള്ള സൗകര്യം ടവറിലുണ്ടായിരിക്കും.

36 മാസത്തിനുള്ളിൽ പദ്ധതി പൂർത്തീകരിക്കാനാണ് മാരിടൈം വേൾഡ് ലക്ഷ്യമിടുന്നത്. ഡി.എം.സിയുടെ കീഴിൽ വരുന്നതാണ് മാരിടൈം വേൾഡ്. ഇതിനുമുൻപ് ആറ് പദ്ധതികൾ മാരിടൈം പ്രഖ്യാപിച്ചിട്ടുണ്ട്. സ്വിഫ്റ്റ് ഡവലപ്മെന്റ്സിന്റെ സ്വിഫ്റ്റ്ഷിപ്സ് ടവേഴ്സ്, ഷേത് ഡവലപേഴ്സിന്റെ ഐറിസ് മിസ്റ്റ് ഹോട്ടൽ അപാർട്ട്മെന്റ്സ് ആൻഡ് റെസിഡൻസ്, കെൻസിങ്ടൻ ഗ്ലോബലിന്റെ കെൻസിങ്ടൻ ക്രിസ്റ്റൽ ബഡ്ജറ്റ് ഹോട്ടൽ, സനലി ഗ്ലോബലിന്റെ സനലി അക്വാമറൈൻ റെസിഡൻഷ്യൽ അപാർട്ട്മെന്റ്സ്, ദുബൈ ഇൻ വെസ്റ്റ്മെന്റ്സ് റിയൽ എസ്റ്റേറ്റിന്റെ സിക്സ്-സ്റ്റാർ ഹോട്ടൽ എന്നിവയാണ് നിർമ്മാണങ്ങൾ പുരോഗമിക്കുന്ന പദ്ധതികൾ.

SUMMERY: Construction of the 229-metre-high The Landmark Tower in the Dubai Maritime City (DMC) will commence when phase three begins, Emirates 24|7 can reveal.

Keywords: Gulf, Dubai, Construction, 229-metre-high, The Landmark Tower, Dubai Maritime City (DMC), Commence, Khamis J Buamim, Chairman, Drydocks World and Maritime World, 5-star business hotel, Serviced apartments, Business centre, Retail and leisure facilities.
11:53 am | 0 comments

മുഴുവന്‍ വാര്‍­ത്ത­കള്‍ | News by date

Follow us in Linkdin

Latest Malayalam news

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Poem

Read More Poems

Stories

Read More Stories

ENTERTAINMENT

കൂടുതല്‍ വായിച്ചത് | Most Read Stories