കച്ചേരിത്താഴത്തുനിന്ന് കയറിയ മേരി മൂവാറ്റുപുഴ സ്റ്റാന്‍ഡില്‍ ഇറങ്ങിയപ്പോഴാണ് പണം നഷ്ടമായതറിഞ്ഞത്. ഉടനെ ബസില്‍ കയറി ഡ്രൈവരെ വിവരം അറിയിച്ചു. ഡ്രൈവര്‍ ബസ് നേരെ പോലീസ് സ്‌റ്റേഷനിലെത്തിച്ചു. പൊലീസുകാരുടെ നേതൃത്വത്തില്‍ യാത്രക്കാരെ മുഴുവന്‍ പരിശോധിച്ചെങ്കിലും പണം കണ്ടെത്താനായില്ല. അന്യസംസ്ഥാനതൊഴിലാളികള്‍ ഉള്‍പെടെ നിരവധി പേര്‍ ബസില്‍ ഉണ്ടായിരുന്നു. ബസ് സ്റ്റാന്‍ഡില്‍ എത്തിയപ്പോള്‍ മേരിയെ കൂടാതെ വേറൊരു യാത്രക്കാരനും ഇറങ്ങിയിരുന്നു.
ഇയാള്‍ക്കായി പോലീസ് അന്വേഷണം നടത്തിയെങ്കിലും കണ്ടെത്താനായില്ല. ആയിരത്തിന്റെയും അഞ്ഞൂറിന്റെയും കെട്ടുകളാക്കി പേപ്പറില്‍ പൊതിഞ്ഞാണ് പണം ബാഗില്‍ സൂക്ഷിച്ചിരുന്നത്. ബാഗ് കീറാതെതന്നെ മോഷ്ടാവ് പണം കൈക്കലാക്കിയെന്നാണ് മേരി പറയുന്നത്. മഞ്ഞള്ളൂര്‍ റൂറല്‍ സഹകരണ ബാങ്കില്‍ നിക്ഷേപിക്കാന്‍ കൊണ്ടു പോകുകയായിരുന്നു പണമെന്ന് മേരി പോലീസിന് മൊഴി നല്‍കി.
Keywords: Mary, Amount, Thief, Bus, Bank, State, Travel, Kvartha, Malayalam Vartha, Malayalam News, Theft, Congress, Leader, Treasure, Cash, Police Station, Kerala