കൊച്ചി: മഞ്ജു വാരിയരുടെ സിനിമയിലേക്കുള്ള തിരിച്ചു വരവ് ആളുകളുടെ സൃഷ്ടി മാത്രമാണെന്ന് നടന്‍ ദിലീപ്.
മഞ്ജു വിജയദശമി നാളില്‍ ഗുരുവായൂരില്‍ നടത്തിയ നൃത്ത പ്രകടനത്തിന് ശേഷം വീണ്ടും സിനിമയില്‍ സജീവമാകുന്നു എന്ന അഭ്യൂഹം ഉണ്ടായിരുന്നു. എന്നാല്‍ ഈ അഭിപ്രായത്തെ മഞ്ജുവിന്റെ ഭര്‍ത്താവും നടനുമായ ദിലീപ് ശക്തമായി എതിര്‍ക്കുകയാണ്.
ബോളിവുഡില്‍ ഏറെ ശ്രദ്ധിക്കപ്പെട്ട കഹാനി എന്ന ചിത്രം മലയാളത്തിലേയ്ക്ക് റീമേക്ക് ചെയ്യുകയാണെന്നും ഈ ചിത്രത്തില്‍ വിദ്യ അവതരിപ്പിച്ച കഥാപാത്രം മഞ്ജു വാരിയര്‍ ആണ് മലയാളത്തില്‍ അവതരിപ്പിക്കുകയെന്നുമുള്ള വാര്‍ത്തകളാണ് പ്രചരിച്ചു കൊണ്ടിരുന്നത്. ദിലീപാണ് ചിത്രം നിര്‍മിക്കുന്നതെന്നും വാര്‍ത്ത വന്നിരുന്നു.
കഹാനിയെ മലയാളത്തിലേയ്ക്ക് റീമേക്ക് ചെയ്യുന്നതിനെ കുറിച്ചോ മഞ്ജു വീണ്ടും അഭിനയരംഗത്തെത്തുന്നതിനെ കുറിച്ചോ തത്കാലം ചിന്തിക്കേണ്ടന്നാണ് മഞ്ജുവിന്റെ ഭര്‍ത്താവായ ദിലീപ് പറയുന്നത്. കഹാനി മലയാളത്തിലെടുക്കാന്‍ ശ്രമിക്കുന്നുവെന്ന വാര്‍ത്ത തെറ്റാണ്. ഇതുവരെ അത്തരത്തില്‍ ഒരു ചര്‍ചയും നടന്നിട്ടില്ല. ജനങ്ങള്‍ ഇല്ലാക്കഥകള്‍ മെനയുകയാണെന്നും, ദിവസവും പുതിയ കഥകള്‍ കേള്‍ക്കേണ്ട ഗതികേടിലാണ് താനും കടുംബവുമെന്നും ദിലീപ് പറഞ്ഞു.
കഹാനി മോളിവുഡിലെത്തിക്കുന്നതിനെ കുറിച്ച് ആലോചിച്ചിട്ടില്ലെന്ന് ചിത്രത്തിന്റെ നിര്‍മ്മാതാവായ സുരേഷ് നായര്‍ പറയുന്നു. നല്ല ഒരു ഓഫര്‍ വരികയാണെങ്കില്‍ അതെ കുറിച്ച് ആലോചിക്കും. ചിത്രത്തിലേയ്ക്ക് മഞ്ജുവെത്തുന്നുവെന്ന വാര്‍ത്തയെ കുറിച്ച് ചോദിച്ചപ്പോള്‍ മഞ്ജു അഭിനയരംഗത്തേയ്ക്ക് തിരിച്ചു വരണമെന്നാണ് തന്റേയും ആഗ്രഹമെന്ന് സുരേഷ് പറഞ്ഞു. കഹാനിയിലെ കഥാപാത്രത്തെ അവതരിപ്പിക്കാന്‍ പറ്റിയ നടി മഞ്ജു തന്നെയാണെന്നും സുരേഷ് വ്യക്തമാക്കി.
Keywords : Manju Varier, Dileep, Kochi, Cinema, Actor, Guruvayoor, Dance, Husband, Malayalam, Bollywood, Kahaani, Vidya Balan, News, Mollywood, Family, Kerala