പുതുവര്‍ഷത്തില്‍ ആശംസകള്‍ നിറഞ്ഞു; ട്വിറ്റര്‍ സ്തംഭിച്ചു

ലണ്ടന്‍: പുതുവര്‍ഷത്തില്‍ ആശംസകള്‍ കൊണ്ടു നിറഞ്ഞ പോപ്പുലര്‍ മൈക്രൊ ബ്ലോഗിങ് സൈറ്റായ ട്വിറ്റര്‍ ഒരു മണിക്കൂര്‍ സ്തംഭിച്ചു. ട്വിറ്ററിന്റെ പരിധി കഴിഞ്ഞിരിക്കുന്നു എന്ന സന്ദേശമാണ് അംഗങ്ങള്‍ക്കു ലഭിച്ചത്.
സെക്കന്‍ഡില്‍ 16,197 സന്ദേശങ്ങള്‍ വരെ പോസ്റ്റ് ചെയ്യപ്പെട്ടപ്പോഴാണു ട്വിറ്റര്‍ ജാം ആയത്. ഇതേത്തുടര്‍ന്നു സന്ദേശങ്ങള്‍ അയയ്ക്കാനോ വായിക്കാനോ കഴിയാത്ത അവസ്ഥയായി. ഫേസ്ബുക്കില്‍ അംഗങ്ങള്‍ക്കു സന്ദേശങ്ങള്‍ കൈമാറുന്നതില്‍ ബുദ്ധിമുട്ടുണ്ടായില്ലെന്നു പറഞ്ഞ് ട്വിറ്ററിന്റെ വൈകല്യത്തെ പരിഹസിച്ചു ഫേസ് ബുക്ക് രംഗത്തെത്തി.

Keywords: Twitter, New Year, Social Network, Blocked, World, Technical,